ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ସମ୍ଭାବ୍ୟ ବିପର୍ଯ୍ୟୟ ପରିଚାଳନା ନେଇ ମାନସମନ୍ଥନ – ଏକାଠି ହୋଇଛନ୍ତି ଓଡ଼ିଶା ସମେତ ୬ଟି ରାଜ୍ୟ

10/02/2020 at 6:31 PM

ଭୁବନେଶ୍ୱର ୧୦।୦୨ – ଓଡ଼ିଶାରେ ବିପର୍ଯ୍ୟୟ ପରିଚାଳନା ନେଇ ଭୁବନେଶ୍ବରରେ NDMA ଏବଂ ଓସ୍‌ଡମା ପକ୍ଷରୁ ଅନୁଷ୍ଠିତ ହୋଇଛି ପୂର୍ବାଞ୍ଚଳ ରାଜ୍ୟ ଆଞ୍ଚଳିକ କର୍ମଶାଳା । ଯେଉଁଥିରେ ଓଡ଼ିଶା ସମେତ ୬ ରାଜ୍ୟର ଅଧିକାରୀମାନେ ସାମିଲ ହୋଇଛନ୍ତି । ଏହି କର୍ମଶାଳାରେ ସୁଚିନ୍ତିତ ମତାମତଗୁଡ଼ିକୁ କେନ୍ଦ୍ର ସରକାରଙ୍କ ପାଖକୁ ପଠାଯିବ । ….

ସମ୍ଭାବ୍ୟ ବିପର୍ଯ୍ୟୟ ପରିଚାଳନା ନେଇ ମାନସମନ୍ଥନ । ଏକାଠି ହୋଇଛନ୍ତି ଓଡ଼ିଶା ସମେତ ୬ଟି ରାଜ୍ୟ । NDMA ଏବଂ ଓସ୍‌ଡମା ପକ୍ଷରୁ ଅନୁଷ୍ଠିତ ପୂର୍ବାଞ୍ଚଳ ରାଜ୍ୟ ଆଞ୍ଚଳିକ କର୍ମଶାଳାରେ ବିପର୍ଯ୍ୟୟ ପ୍ରସମନ ପଦକ୍ଷେପ ଓ ବିପର୍ଯ୍ୟୟ କ୍ଷୟକ୍ଷତି ପରିଚାଳନା ନେଇ ଆଲୋଚନା ହୋଇଛି । ଆନ୍ଧ୍ର ପ୍ରଦେଶ, ବିହାର, ଛତିଶଗଡ଼, ପଶ୍ଚମବଙ୍ଗ, ଓଡ଼ିଶା ଭଳି ରାଜ୍ୟର ବିପର୍ଯ୍ୟୟ ପ୍ରସମନ ଅଧିକାରୀଙ୍କ ସହ NDMA ଅଧିକାରୀମାନେ ସାମିଲ ହୋଇ ସେମାନଙ୍କ ସୁଚିନ୍ତିତ ମତାମତ ରଖିଛନ୍ତି । 15th Finance Commision ଅନୁଦାନ ଅନୁସାରେ ଏଣିକି ଓଡ଼ିଶା ସମେତ ବିପର୍ଯ୍ୟୟ ପ୍ରବଣ ରାଜ୍ୟ ଗୁଡ଼ିକୁ ଅଧିକ ଅର୍ଥ ବରାଦ ଆଶା ଥିବା କୁହାଯାଇଛି ।

ବିପର୍ଯ୍ୟୟ ପରିଚାଳନା ଓ ମୁକାବିଲା କ୍ଷେତ୍ରରେ ରୋଲ ମଡେଲ୍‌ ହୋଇଛି ଓଡ଼ିଶା । ବିଗତ ଦିନରେ ଫାଇଲିନ୍‌, ହୁଡହୁଡ୍‌, ଫୋନି ଭଳି ବଡ଼ ବାତ୍ୟାର ମୁକାବିଲା ପ୍ରସ୍ତୁତିକୁ ନେଇ ଜାତୀୟ ଓ  ଅନ୍ତର୍ଜାତୀୟ ସ୍ତରରେ ଖୁବ୍‌ ପ୍ରଶଂସା ସାଉଣ୍ଟିଛି ଓଡ଼ିଶା । ତେଣୁ ଓଡ଼ିଶା ଆପଣାଇଥିବା ଜ୍ଞାନକୌଶଳକୁ ଅନ୍ୟରାଜ୍ୟମାନେ ଆପଣାଇବାକୁ ଆଗ୍ରହ ପ୍ରକାଶ କରିଛନ୍ତି ।

ବିପର୍ଯ୍ୟୟ ଜନିତ କ୍ଷୟକ୍ଷତି ହ୍ରାସ କ୍ଷେତ୍ରରେ ଭାରତୀୟ ପାଣିପାଗ ବିଭାଗ, କେନ୍ଦ୍ରୀୟ ଜଳ ଆୟୋଗ, ନ୍ୟାସନାଲ ସେଣ୍ଟର ଫର ସେସମୋଲୋଜି, ଜାତୀୟ ସୂଚନା କେନ୍ଦ୍ର, ଆଇଆଇଟି ମାଡ୍ରାସ୍‌ର ଭୂମିକା ଅତ୍ୟନ୍ତ ଗୁରୁତ୍ବପୂର୍ଣ୍ଣ ରହିଆସିଛି । ତେଣୁ NDMA ଏବଂ ଓସ୍‌ଡମା ପକ୍ଷରୁ ଅନୁଷ୍ଠିତ ପୂର୍ବାଞ୍ଚଳ ରାଜ୍ୟ ଆଞ୍ଚଳିକ କର୍ମଶାଳାରେ ପ୍ରକାଶ ପାଇଥିବା ଅଧିକାରୀଙ୍କ ସୁଚିନ୍ତିତ ମତାମତକୁ କେନ୍ଦ୍ର ସରକାରଙ୍କ ପାଖକୁ ପଠାଯିବ ।

   Related Posts