Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ତଦନ୍ତରେ ଟୁଇଷ୍ଟ୍‌ : ସଙ୍ଗୀତାଙ୍କ ମୃତ୍ୟୁ ଘଟଣାର ତଦନ୍ତ ନିର୍ଦ୍ଦେଶ ଦେଲେ ଆଇଜି, କିନ୍ତୁ ୧୫ଦିନ ହେଲା ଚୁପ୍‌ ବସିଥିଲା ଭଦ୍ରକ ପୋଲିସ

6/02/2020 at 7:12 PM

ଭଦ୍ରକ ୦୬।୦୨: କଲେଜ ଛାତ୍ରୀ ସଙ୍ଗୀତାଙ୍କ ମୃତ୍ୟୁ ଘଟଣାର ତଦନ୍ତ ପାଇଁ ଭଦ୍ରକ ଏସପିଙ୍କୁ ତଦନ୍ତ ନିର୍ଦେଶ ଦେଲେ ଆଇଜି । ନ୍ୟୁଜ୍‌ 7ରେ ବାରମ୍ବାର ଖବର ପ୍ରସାରଣ, ଏବଂ କିଛି ବୁଦ୍ଧିଜୀବୀଙ୍କ ଟୁଇଟ୍‌ ପରେ ମଧ୍ୟ ହାତବାନ୍ଧି ବସିଥିଲା ଭଦ୍ରକ ପୋଲିସ । ସଂପୃକ୍ତ ଛାତ୍ରୀଙ୍କ ପ୍ରତି ମେସ୍‌ ମାଲିକଙ୍କ ଦୁର୍ବ୍ୟବହାରର ପ୍ରମାଣ ମଧ୍ୟ ଥୋଇଥିଲା । ତଥାପି ଏପର୍ଯ୍ୟନ୍ତ କାହିଁକି ପୋଲିସ ମେସ୍‌ ମାଲିକଙ୍କୁ ଗିରଫ କରିନି ତାକୁ ନେଇ ସାଧାରଣରେ ସୃଷ୍ଟି ହୋଇଛି ସଂଦେହ । ଏମିତିକି ଲୋକେ ଏବେ ପୋଲିସର ଏଭଳି ନୀରବତା ବିରୋଧରେ ଆନ୍ଦୋଳନ ପାଇଁ ସଜବାଜ ହେଲେଣି ।

ପୂରା ପ୍ରମାଣ ସହ ଖବର ପ୍ରସାରଣ କରିଥିଲା ନ୍ୟୁଜ୍‌ 7 । ଆଉ ସ୍ଥାନୀୟ ବୁଦ୍ଧିଜୀବୀଙ୍କ ଉଦ୍‌ବେଗକୁ ଦେଖି ଭଦ୍ରକରେ କଲେଜ ଛାତ୍ରୀ ସଙ୍ଗୀତା ଓରଫ ବିନିଙ୍କ ମୃତ୍ୟୁ ଘଟଣାର ତଦନ୍ତ ପାଇଁ ଏସପିଙ୍କୁ ନିର୍ଦେଶ ଦେଇଛନ୍ତି ଆଇଜି । ଏହି ଘଟଣାରେ ଦୀର୍ଘ ୧୫ଦିନ ପରେ ବି ହାତବାନ୍ଧି ବସିଥିଲା ଭଦ୍ରକ ପୋଲିସ । ନ୍ୟୁଜ୍‌ 7ରେ ଖବର ପ୍ରସାରଣ ପରେ  ବିଭିନ୍ନ କଲେଜର ଛାତ୍ରଛାତ୍ରୀ, ଛାତ୍ରନେତା, ମହିଳା ସଂଗଠନ ରାଜ୍ୟ ସରକାରଙ୍କ ଠାରୁ ପୋଲିସ ଡିଜିଙ୍କ ପର୍ଯ୍ୟନ୍ତ ସମସ୍ତଙ୍କୁ ଟୁଇଟ୍‌ କରିଛନ୍ତି । ଘଟଣାରେ କଦର୍ଯ୍ୟ ମାନସିକତା ଦେଖାଇଥିବା ମେସ୍‌ ମାଲିକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି । ତଥାପି ଚୁପ୍‌ ବସିଥିଲା ଭଦ୍ରକ ପୋଲିସ ।

ରେଳଧାରଣାରୁ ଜଣେ କଲେଜ ଛାତ୍ରୀଙ୍କ ମୃତଦେହ ଉଦ୍ଧାର ହୋଇଛି । ଏହା ପରେ ପରେ ସେ ରହୁଥିବା ମେସ୍‌ ମାଲିକ ତାଙ୍କ ସହ ଦୁର୍ବ୍ୟବହାର ପ୍ରଦର୍ଶନ କରୁଥିବା ଭିଡିଓ ଭାଇରାଲ୍‌ ହେଉଛି । ତା’ପରେ ବି ଅଭିଯୋଗ ହୋଇନଥିବା କହି ଚୁପ୍‌ ରହୁଛି ପୋଲିସ । ନିଜ ଆଡ଼ୁ ମାମଲାର ଛାନଭିନ୍ କରିବାକୁ ଉଚିତ୍‌ ଭାବୁନାହିଁ । ଏଥିରୁ ଭଦ୍ରକ ପୋଲିସର ପାରିବା ପଣିଆ ଉପରେ ସଂଦେହ ବଢ଼ିବା ସ୍ବାଭାବିକ୍‌ ।

ଛାତ୍ରୀ ଜଣଙ୍କୁ ଯୋଜନା ବଦ୍ଧ ହତ୍ୟା କରାଯାଇଛି କି ସେ ଆତ୍ମହତ୍ୟା କରିଛନ୍ତି ସେ ସମ୍ପର୍କରେ ମଧ୍ୟ ତଦନ୍ତ କରିବାକୁ ଉଚିତ୍‌ ମଣିନି ପୋଲିସ । ଏମିତିରେ ସଂପୃକ୍ତ ମେସ୍‌ ମାଲିକ ପୋଲିସକୁ ମ୍ୟାନେଜ୍‌ କରିଥିବା ଚର୍ଚ୍ଚା ହେଉଛି । ହେଲେ ଏବେ ଆଇଜିଙ୍କ ନିର୍ଦେଶ ପରେ ପୋଲିସ ଏହି ଘଟଣାର ତଦନ୍ତ କେମିତି କରୁଛି ଆଉ ମେସ୍‌ ମାଲିକଙ୍କ ବିରୋଧରେ କ’ଣ କାର୍ଯ୍ୟାନୁଷ୍ଠାନ ହେଉଛି ତାକୁ ହିଁ ଦେଖିବାକୁ ଅପେକ୍ଷା କରିଛନ୍ତି ଭଦ୍ରକ ବାସିନ୍ଦା ।

   Related Posts