Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୈତାନ ସ୍ୱାମୀ, ସ୍ତ୍ରୀର ତଣ୍ଟିଚିପି କଲା ହତ୍ୟା !
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

ତେଲିଆ ମୁଣ୍ଡରେ ତେଲ: ୨୦୧୮ ମସିହାରେ ଦେଶର କୋଟିପତିଙ୍କ ସମ୍ପତ୍ତି ଦୈନିକ ୨୨୦୦ କୋଟି ଟଙ୍କା ବୃଦ୍ଧି ହୋଇଛି

21/01/2019 at 1:18 PM

ଦିଲ୍ଲୀ ୨୧/୧ : ଦେଶର କୋଟିପତିଙ୍କ ସମ୍ପତ୍ତିରେ ଗତବର୍ଷ ଅର୍ଥାତ ୨୦୧୮ ମସିହାରେ ଦୈନିକ ୨୨୦୦ କୋଟି ଟଙ୍କା ବୃଦ୍ଧି ହୋଇଛି | ସମୁଦାୟ ଜନସଂଖ୍ୟାର ମାତ୍ର ୧ ପ୍ରତିଶତ ଏହି ଟପ ଧନୀ ବ୍ୟକ୍ତିଙ୍କ ସମ୍ପତ୍ତିରେ ୩୯ ପ୍ରତିଶତ ବୃଦ୍ଧି ହୋଇଛି | ଅପରପକ୍ଷରେ ସବୁଠାରୁ କମ ସମ୍ପତ୍ତି ଥିବା ଦେଶର ୫୦ ପ୍ରତିଶତ ଲୋକଙ୍କ ସମ୍ପତ୍ତି ମାତ୍ର ୩ ପ୍ରତିଶତ ବୃଦ୍ଧି ହୋଇଛି | ଆଜି ଅକ୍ସଫେମ ଏହି ରିପୋର୍ଟ ଜାରି କରିଛି |

ରିପୋର୍ଟ ଅନୁସାରେ, ଦୁନିଆର କୋଟିପତିଙ୍କ ସମ୍ପତ୍ତିରେ ଗତବର୍ଷ ୧୨ ପ୍ରତିଶତ ବୃଦ୍ଧି ହୋଇଛି | ଅପରପକ୍ଷରେ ଦୁନିଆର ଅଧା ଲୋକସଂଖ୍ୟା, ଗରିବଙ୍କ ସମ୍ପତ୍ତି ୧୧ ପ୍ରତିଶତ ହ୍ରାସ ପାଇଛି |

ରିପୋର୍ଟ ଅନୁସାରେ, ଭାରତର ୧୩.୬ କୋଟି ଲୋକ ସବୁଠାରୁ ଗରିବ | ଦେଶର ଜନସଂଖ୍ୟାର ୧୦ ପ୍ରତିଶତ ଅତ୍ୟନ୍ତ ଗରିବ | ୨୦୦୪ ମସିହାରୁ ଏହି ଗରିବ ଶ୍ରେଣୀଭୁକ୍ତ ଲୋକେ ଲଗାତାର ଋଣରେ ବୁଡି ରହିଛନ୍ତି | ଅକ୍ସଫେମ କହିବାନୁଯାୟୀ, ଗରିବ ଏବଂ ଧନୀଙ୍କ ମଧ୍ୟରେ ବଢୁଥିବା ପାର୍ଥକ୍ୟ ଯୋଗୁଁ ଗରିବୀ ହଟାଇବା ପ୍ରୟାସକୁ ସମୂଳେ ଧ୍ବଂସ କରୁଛି | ଧନୀ ଏବଂ ଗରିବ ମଧ୍ୟରେ ଥିବା ଏହି ପାର୍ଥକ୍ୟ ଦେଶର ଅର୍ଥ ବ୍ୟବସ୍ଥାକୁ କ୍ଷତି କରୁଛି |

ଚଳିତ ବର୍ଷ ୱାର୍ଲଡ ଇକୋନୋମିକ ଫୋରମରେ ସାମିଲ ହେବାକୁ ଥିବା ରାଜନୀତିଜ୍ଞ ଏବଂ ବ୍ୟବସାୟୀଙ୍କୁ ଅକ୍ସଫେମର କହିବା ଅନୁଯାୟୀ, ଧନୀ ଏବଂ ଗରିବଙ୍କ ମଧ୍ୟରେ ବୃଦ୍ଧି ପାଉଥିବା ଫରକକୁ ଦୂର କରିବା ପାଇଁ ତୁରନ୍ତ କୌଣସି ପଦକ୍ଷେପ ନେବା ଦରକାର | ଆସନ୍ତାକାଲିଠାରୁ ଦାବୋଷ ଠାରେ ଅନୁଷ୍ଠିତ ହେବ ୱାର୍ଲଡ ଇକୋନୋମିକ ଫୋରମ |

ଅକ୍ସଫେମର ଅନ୍ତର୍ଜାତୀୟ ଏକଜେକ୍ୟୁଟିଭ ନିର୍ଦେଶକ ବିନ୍ନି ବ୍ୟାନୟିମା କହିଛନ୍ତି ଯେ, କିଛି ଧନୀ ଭାରତୀୟଙ୍କ ସମ୍ପତ୍ତି ଲଗାତାର ବୃଦ୍ଧି ପାଇବାରେ ଲାଗିଛି ତ ଅପରପକ୍ଷରେ ଗରିବ ଲୋକ ନିଜ ପିଲାଙ୍କ ପାଠ ପାଇଁ, ଔଷଧ ପାଇଁ ସଂଘର୍ଷ କରୁଛି | ଦେଶପାଇଁ ଏହା ଅତି ଅପମାନଜନକ ବୋଲି କହିଛନ୍ତି ବିନ୍ନି | ଏହାଫଳରେ ଦେଶରେ ସାମାଜିକ ଏବଂ ଲୋକତନ୍ତ୍ରିକ ବ୍ୟବସ୍ଥାର କ୍ଷତି ହେବ ବୋଲି ସେ କହିଛନ୍ତି |

   Related Posts