ନୂଆଦିଲ୍ଲୀ ୨୦।୧୦ : ମାଇକ୍ରୋସପ୍ଟର କୋ-ଫାଉଣ୍ଡର ତଥା କୋଟିପତି ବିଲ ଗେଟ୍ସଙ୍କ ଝିଅ ଜେନିଫର ମିଶରର ବିଜନେସ୍ ମ୍ୟାନ ନାୟଲ ନାସରଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଦୁହିଁଙ୍କ ବିବାହ ଅକ୍ଟୋବର ୧୭ ତାରିଖରେ ଅନୁଷ୍ଠିତ ହୋଇଥିଲା । ଏହାରପର ଦିନ ଅର୍ଥାତ ୧୮ ତାରିଖରେ ଏହି ଖୁସିରେ ନ୍ୟୁୟର୍କରେ ଏକ ଗ୍ରାଣ୍ଡ ରିସେପ୍ସନ ଆୟୋଜନ କରାଯାଇଥିଲା । ଯେଉଁଥିରେ ବାପା ବିଲ ଗେଟ୍ସ ଓ ମା’ ମେଲୀଣ୍ଡା ଗେଟ୍ସ ଉଭୟେ ନିଜ ନିଜ ସୋସିଆଲ ମିଡ଼ିଆ ଆକାଉଣ୍ଟରେ ଝିଅର ବିବାହ ଫଟୋକୁ ସେୟାର କରୁଛନ୍ତି । ଯାହା ଖୁବ୍ ଭାଇରାଲ ହେଉଛି । ଫଟୋ ଗୁଡିକରେ ଦେଖିବାକୁ ମିଳିଛି ଗେଟସ ପତିପତ୍ନୀ ଦୁହେଁ ଝିଅର ହାତ ଧରି ରିସେପ୍ସନ ପଏଣ୍ଟ ପର୍ଯ୍ୟନ୍ତ ଯାଇଛନ୍ତି । ରିସେପ୍ସନ ପାର୍ଟିରେ ଜେନିଫର ପ୍ରଖ୍ୟାତ ଡିଜାଇନର ବେରା ବ୍ୟାଙ୍ଗଙ୍କ ଦ୍ୱାରା ପ୍ରସ୍ତୁତ ଏକ ଗାଉନ ପିନ୍ଧିଥିବା ନଜର ଆସିଛନ୍ତି । ଗାଉନ ସହ ସେ ଏକ ଲଙ୍ଗ ବିଲ ଓ ସୁନ୍ଦର ଇୟର ରିଙ୍ଗ ପିନ୍ଧିଥିଲେ ।
wp:html/wp:html wp:html
/wp:htmlJenn and Nayel, it’s impossible to put into words how happy it makes me to see you filled with joy on your wedding day. I’m so proud of you both for everything you’ve accomplished in your lives so far and everything you will do with your future together. pic.twitter.com/zXRCKxKSle
— Bill Gates (@BillGates) October 18, 2021
ତେବେ, ବିବାହ ବିଚ୍ଛେଦ ହେବା ପରେ ପ୍ରଥମ ଥର ପାଇଁ ବିଲ ଓ ମେଲୀଣ୍ଡା ଏକାଠି ନଜର ଆସିଛନ୍ତି । ବିବାହର ଦୀର୍ଘ ୨୭ ବର୍ଷ ପରେ ପରସ୍ପର ବୁଝାମଣାରେ ଦୁହେଁ ଦୁହିଁଙ୍କ ଠାରୁ ଅଲଗା ହୋଇଥିଲେ ଗେଟ୍ସ ଦମ୍ପତ୍ତି । ସେବେଠାରୁ ଝିଅ ବାହାଘରେ ହିଁ ଏକାଠି ଦେଖାଯାଇଛନ୍ତି । ନିଜ ଟ୍ୱିଟର ଆକାଉଣ୍ଟରେ ରିସେପ୍ସନ ପାର୍ଟିର ଅନେକ ଗୁଡିଏ ଫଟୋ ସେୟାର କରିବା ସହ ଲେଖିଛନ୍ତି, “ଜେନ ଓ ନାୟଲ, ବିବାହ ଦିନ ତୁମ ଦୁହିଁଙ୍କୁ ଖୁସି ଥିବା ଦେଖି ମୋତେ ଖୁବ ଆନନ୍ଦ ଲାଗୁଛି ।
wp:html/wp:html
ଯାହାକୁ ମୁଁ ଶବ୍ଦରେ ବ୍ୟାଖ୍ୟା କରିପାରିବି ନାହିଁ । ଜୀବନରେ ଏଯାବତ ତୁମେ ଯାହା ବି ହାସିଲ କରିଛ କିମ୍ବା ଆଗକୁ କରିବ ସେନେଇ ମୁଁ ଖୁବ ଗର୍ବିତ ଅଛି ।” ଯେବେକି ମେଲିଣ୍ଡା ରିସେପ୍ସନ ଫଟୋ ଗୁଡିକୁ ଅଫିସିଆଲ ଇନ୍ଷ୍ଟାଗ୍ରାମ ଆକାଉଣ୍ଟରେ ସେୟାର କରି ଲେଖିଛନ୍ତିକି, ” ଗତ ସପ୍ତାହ ଜେନିଫର ଓ ନାୟଲ ସେଲିବ୍ରେଟ କରିବାରେ ଆମକୁ ଖୁବ ଖୁସି ଲାଗିଥିଲା । ଏହି ଦିନ ପାଇଁ ହିଁ ଆମେ ପୁଣିଥରେ ଏକାଠି ହୋଇପାରିଥିବାରୁ ଆମକୁ ବି ଖୁବ୍ ଖୁସି ଲାଗୁଛି ।” ସୂଚନା ଅନୁଯାୟୀ ନାସର ଓ ଜେନିଫର ଦୁହେଁ ଭିନ୍ନ ଭିନ୍ନ ଧର୍ମର ।