Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଜଧାନୀରେ ଘନଘନ ପୋଲିସ ଚେକିଂ ସତ୍ତ୍ୱେ କେଶୁରା କେନାଲ ବନ୍ଧରେ କାର ଡ୍ରାଇଭରଙ୍କୁ ହାଣି ମହିଳାଙ୍କୁ ଲୁଟିଲେ ଦୁର୍ବୃତ୍ତ

26/07/2019 at 10:28 PM

ଭୁବନେଶ୍ୱର ୨୬।୭: ବେଳକୁ ବେଳ ଅଧିକ ଅସୁରକ୍ଷିତ ହେବାରେ ଲାଗିଛି ରାଜଧାନୀ। ଗୋଟିଏ ପଟେ ଅପରାଧ ନିୟନ୍ତ୍ରଣ ଲାଗି ପୋଲିସ ସହରର ଗୁରୁତ୍ୱପୂର୍ଣ୍ଣ ସ୍ଥାନମାନଙ୍କରେ ଦିନ ତମାମ ଚେକିଂ ଚଳାଇଥିବା ବେଳେ ଆଉ ଗୋଟିଏ ପଟେ କାର ଅଟକାଇ ଡ୍ରାଇଭରଙ୍କୁ ଆକ୍ରମଣ କରି ମହିଳାଙ୍କଠୁ ଟଙ୍କା ସୁନା ଲୁଟ କରିଛନ୍ତି ଦୁର୍ବୃତ୍ତ। ଶୁକ୍ରବାର ବିଳମ୍ବିତ ସନ୍ଧ୍ୟାରେ ଶହିଦ ନଗର ଥାନା କେଶୁରା କେନାଲ ବନ୍ଧରେ ହୋଇଥିବା ଏହି ଲୁଟପାଟ୍ ରାଜଧାନୀରେ ପୁଣି ଆତଙ୍କ ସୃଷ୍ଟି କରିଛି।  

ବାଳକାଟିରୁ କାର ଯୋଗେ କେଶୁରାସ୍ଥିତ ଘରକୁ ଫେରିବା ରାସ୍ତାରେ ମହିଳା ଲୁଟର ଶିକାର ହୋଇଛନ୍ତି । କେନାଲ ବନ୍ଧରେ ମହିଳାଙ୍କ କାର ପଛେପଛେ ଆସୁଥିବା ଏକ କଳା ରଙ୍ଗର ପଲସର ଅଚାନକ ରାସ୍ତା ମଝିରେ ଛିଡା ହୋଇ ସେମାନଙ୍କୁ ଅଟକାଇଥିଲା। ଡ୍ରାଇଭର ବ୍ରେକ ଲଗାଇବାରୁ ମୋଟର ସାଇକେଲ ଚାଳକ କାହିଁକି ସାଇଡ ମାରିଲ କହି ତାଙ୍କୁ ମାରପିଟ କରିଥିଲେ।

ଦୁର୍ବୃତ୍ତଙ୍କ ଆକ୍ରମଣରେ ଡ୍ରାଇଭର ଗୁରୁତର ଆହତ ହୋଇଥିବା ବେଳେ ମହିଳାଙ୍କୁ ମାଉଜର ଦେଖାଇ ତାଙ୍କ ସୁନାଗହଣା ଓ ଟଙ୍କା ଲୁଟି ନେଇ  ପଳାଇଛନ୍ତି। ଡକାୟତୀ ସୂଚନା ପାଇ ଶହିଦ ନଗର ଥାନା ପୋଲିସ  ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ ଦୁର୍ବୃତ୍ତଙ୍କ ଟେର ପାଇନି ପୋଲିସ।

   Related Posts