Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ଭୁବନେଶ୍ୱର କ୍ରାଇମ୍ : ଏକତରଫା ପ୍ରେମରେ ବିଫଳ ଯୁବକ ବ୍ଲେଡରେ କାଟିଦେଲା ଟ୍ୟୁସନରୁ ଫେରୁଥିବା ଛାତ୍ରୀଙ୍କ ହାତ

16/09/2019 at 8:27 PM

ଭୁବନେଶ୍ୱର ୧୬।୯: ରାଜଧାନୀ ଭୁବନେଶ୍ୱରରେ ଘଟିଛି ଅଭାବନୀୟ ଘଟଣା। ଏକତରଫା ପ୍ରେମକୁ କେନ୍ଦ୍ର କରି ଜଣେ କଲେଜ ଛାତ୍ରୀଙ୍କ ଉପରେ ୨ ଜଣ ଯୁବକ କରିଛନ୍ତି ଆକ୍ରମଣ। ଖାରବେଳ ନଗର ଥାନା ଅନ୍ତର୍ଗତ ଶାସ୍ତ୍ରୀନଗର ଅଞ୍ଚଳରୁ ଛାତ୍ରୀ ଟ୍ୟୁସନ ସାରି ଫେରୁଥିବା ବେଳେ ଯୁବକ ୨ ଜଣ ତାଙ୍କ ହାତକୁ ବ୍ଲେଡରେ କାଟି ଦେଇଛନ୍ତି। ଛାତ୍ରୀ ଓ ତାଙ୍କ ପରିବାର ପକ୍ଷରୁ ଏ ନେଇ ଖାରବେଳନଗର ଥାନାରେ ଲିଖିତ ଅଭିଯୋଗ କରାଯାଇଥିବା ବେଳେ ପୋଲିସ ମାମଲାର ତଦନ୍ତ ଆରମ୍ଭ କରିଛି।

ଖବର ନେବାରେ ଜଣାପଡିଛି ଯେ ଆହତ ଛାତ୍ରୀଙ୍କୁ ସ୍ଥାନୀୟ ଜଣେ ଯୁବକ ଏକତରଫା ପ୍ରେମ କରିଆସୁଥିଲା। ଏଥିପାଇଁ ଛାତ୍ରୀ ଟ୍ୟୁସନ ଓ କଲେଜ ଗଲାବେଳେ ଯୁବକ ତାଙ୍କୁ ପିଛା କରୁଥିଲା। ସୋମବାର ସନ୍ଧ୍ୟାରେ ଛାତ୍ରୀ ଶାସ୍ତ୍ରୀନଗରରେ ଟ୍ୟୁସନ ସାରି ଫେରୁଥିବା ବେଳେ ଗୋଟିଏ ବାଇକ୍ ରେ ସମ୍ପୃକ୍ତ  ଯୁବକ ଓ ତାର ଜଣେ ସହଯୋଗୀ ଛାତ୍ରୀଙ୍କ ପିଛା କରିଥିଲେ। ରାସ୍ତାରେ ଛାତ୍ରୀଙ୍କୁ ସେମାନେ ବିଭିନ୍ନ କଥା ପଚାରିଥିଲେ।  ତେବେ ଛାତ୍ରୀ କୌଣସି ଉତ୍ତର ଦେଇନଥିଲେ। ଏଥିରେ ଉତକ୍ଷିପ୍ତ ହୋଇ ସମ୍ପୃକ୍ତ ଯୁବକ ଛାତ୍ରୀଙ୍କ ହାତକୁ ବ୍ଲେଡରେ କାଟିଦେଇଥିଲା।

ଆହତ ଛାତ୍ରୀଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରିବାର ପକ୍ଷରୁ ଥାନାରେ ଅଭିଯୋଗ ପରେ ୨ ଯୁବକଙ୍କୁ ପୋଲିସ ଖୋଜୁଛି। ଜନଗହଳିପୂର୍ଣ୍ଣ ଶାସ୍ତ୍ରୀନଗର ଅଞ୍ଚଳରେ ବିଚ୍ ରାସ୍ତା ଉପରେ ଛାତ୍ରୀଙ୍କ ଉପରେ ଏଭଳି ବ୍ଲେଡ ଆକ୍ରମଣ ଲୋକଙ୍କୁ ଆତଙ୍କିତ କରିଛି।

   Related Posts