ଭଞ୍ଜନଗର ୨୩।୧୧: ଗଞ୍ଜାମ ଜିଲ୍ଲା ଭଞ୍ଜନଗର ଥାନା ଅନ୍ତର୍ଗତ ସାହାଣପଲ୍ଲୀଠାରେ ଦୁର୍ଘଟଣା । ଅଜଣା ଗାଡି ଧକ୍କାରେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତକ ହେଲେ ଭଞ୍ଜନଗର ଲଣ୍ଡେଇ ସାହିର ଶିବଶଙ୍କର ବିଶୋୟୀ । ସେ କୁଲାଡରୁ ଭଞ୍ଜନଗର ଫେରିବା ବେଳେ ଦୁର୍ଘଟଣର ଶିକାର ହୋଇଛନ୍ତି । ଘଟଣାସ୍ଥଳରେ ପୋଲିସ ପହଞ୍ଚି ତାଙ୍କ ମୃତଦେହ ଜବତ କରିବା ସହ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇ ତଦନ୍ତ ଆରମ୍ଭ କରିଛି । ଘଟଣାସ୍ଥଳରୁ ତାଙ୍କ ବାଇକ୍ ଜବତ କରିଛି ପୋଲିସ ।