Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||

ଅଜବ ଟ୍ରାଫିକ୍ ଗଜବ ନିୟମ, ବାଇକ୍ ଆରୋହୀଙ୍କୁ ସିଟ୍ ବେଲ୍ଟ ଫାଇନ୍

7/12/2019 at 11:37 AM

ନବରଙ୍ଗପୁର ୭।୧୨: ଦେଶବ୍ୟାପୀ ନୂତନ ମୋଟର ଯାନ ଆଇନ ଲାଗୁ ହୋଇଛି । ଯାଞ୍ଚ ମଧ୍ୟ କଡା କଡି କରାଯାଇଛି ।  ଯାଞ୍ଚ ସମୟରେ ହେଲମେଟ୍ ନପିନ୍ଧିଲେ, ସିଟ୍ ବେଲ୍ଟ ନ ବାନ୍ଧିଲେ,  ଗାଡି ଚଳାଇବା ବେଳେ ଫୋନରେ କଥା ହେଉଥିଲେ, ନାବାଳକ ଗାଡି ଚଳାଉଥିଲେ ଏବଂ ତ୍ରୁଟି ପୂର୍ଣ୍ଣ ତଥା ଦ୍ରୁତ ଗତିରେ ଗାଡି ଚାଳନା ସହ ବାଇକରେ ତିନିରୁ ଅଧିକ ଯାତ୍ରୀ ବସିଥିଲେ ସେମାନଙ୍କଠାରୁ ଫାଇନ ଆଦାୟ ସହ ଚାଲାଣ କଟାଯାଉଛି । ହେଲେ ବିଭିନ୍ନ ସ୍ଥାନରୁ ତ୍ରୁଟିପୂର୍ଣ୍ଣ ଘଟଣାମାନ ସାମ୍ନାକୁ ଆସୁଛି । କେତେବେଳେ କେତେବେଳେ ହେଲମେଟ୍ ପାଇଁ କାର୍ ଚାଳକଙ୍କ ଚାଲାଣ କଟିଲାଣି ତ କେତେବେଳେ ଗାଡି ଘରେ ଥାଇ ମଧ୍ୟ କଟୁଛି ଚାଲାଣ । ଏତିମି ଏକ ଘଟଣା ନବରଙ୍ଗପୁର ଜିଲ୍ଲାରେ ଦେଖିବାକୁ ମିଳିଛି । ସିଟ୍ ବେଲ୍ଟ ନପିନ୍ଧିବାରୁ କାର୍ ଚାଳକଙ୍କର କଟିଛି ଚାଲାଣ ।

ସୂଚନାଯୋଗ୍ୟ ଯେ, ନବରଙ୍ଗପୁର ପାପଡାହାଣ୍ଡି ବ୍ଲକ୍ ବି କଣ୍ଟାସରୁ ଗ୍ରାମର ପୁରନ ପୂଜାରୀଙ୍କର ଟିଭିଏସ ଏକସେଲ ବାଇକଟି ଅଛି । ତେବେ ସିଟ୍ ବେଲ୍ଟ ପିନ୍ଧି ନ ଥିବାରୁ ତାଙ୍କର ଚାଲାଣ କାଟିଛି କଳାହାଣ୍ଡି ଆରଟିଓ । ସେ କଳାହାଣ୍ଡି ଯାଇ ନାହାନ୍ତି ହେଲେ ଚାଲାଣ କଟିଛି ହଜାରେର । କଳାହାଣ୍ଡି ପୋଲିସ ତରଫରୁ ଚାଲାଣ ନମ୍ବର ଓଆର ୩୬୧୮ ୯୧୯୧୨୦୨୧୯୨୭୦୦ ରେ ଚାଲାଣ କଟାଯାଇଥିବା ନେଇ  ତାଙ୍କ ମୋବାଇଲକୁ ମେସେଜ ଆସିଥିଲା  । ତେବେ ମେସେଜ  ଇଂରାଜୀରେ ଲେଖା ହୋଇଥିବାରୁ  ସେ ଇଂରାଜୀରେ କଣ ଲେଖା ହୋଇଛି ତାହା ଜାଣି ନ ପାରି ଜଣେ ସମ୍ପର୍କୀୟଙ୍କୁ ଦେଖାଇଥିଲେ । ତେବେ ଯୁବକଙ୍କ ଠାରୁ ଫାଇନ ବାବଦରେ ଜାଣିଥିଲେ । ପରେ  ପୁରନ ଏହି ମେସେଜକୁ ନେଇ ଯେଉଁ  ଟିଭିଏସ ସୋ ରୁମରୁ ଏହି ବାଇକ୍ କିଣିଥିଲେ ସେହି ସୋରୁମ ମାଲିକଙ୍କୁ ଦେଖାଇଥିଲେ । 

ସେମାନେ କହିଥିଲେ  କଳାହାଣ୍ଡି ଆରଟିଓଙ୍କ ଠାରୁ ଫାଇନ ବାନ୍ଧିବା ନେଇ ମେସେଜ ଆସିଛି ।  ଯାହାକୁ ନେଇ ଚକିତ ହୋଇଯାଇଥିଲେ ପୁରନ ।  କାରଣ  ପୁରନଙ୍କ  ସେହି ଦିନ ନିଜ ବିଲରେ କାମ କରୁଥିବାବେଳେ କିମ୍ବା ତା ପୂର୍ବରୁ ନିଜ ବାଇକରେ କେବେ କଳାହାଣ୍ଡି ଯାଇ ନ ଥିବା ବେଳେ ଏବଂ ତାଙ୍କ ବାଇକ ନିଜ ପାଖରେ ଥିବା ବେଳେ କେହି କେବେ ତାକୁ ନେଇ କଳାହାଣ୍ଡି ଯାଇ ନ ଥିବାବେଳେ କାହିଁକି ଏହି ଚାଲାଣ କଟିଲା ତାହାକୁ ନେଇ ପୁରନ ଆଶ୍ଚର୍ଯ୍ୟ ହୋଇଯାଇଥିଲେ ।  ତେବେ କଳାହାଣ୍ଡି ଆରଟିଓଙ୍କ ନାମରେ ଆସିଥିବା ଏହି ଚାଲାଣ ନମ୍ବର କେଉଁ ବାବଦକୁ ଚାଲାଣ କଟିଛି ସେ  ବାବଦରେ ସେହି ମୋବାଇଲ ମେସେଜ ରେ ଆସିଥିବା ଅନ ଲାଇନ ଅଡ୍ରେସରେ  ଯାଞ୍ଚ କଲେ ଗାଡି ଚାଳକ ପୁରନ ବାଇକ ରେ ସିଟ ବେଲ୍ଟ ବାନ୍ଧି ନଥିବାରୁ ଏକ ହଜାର ଟଙ୍କା ଚାଲାଣ କଟିଥିବା ଦେଖାଦେଉଛି ।  

ଅପରପକ୍ଷରେ   ସେ ଏହି ଫାଇନକୁ ତ୍ରୁଟିପୂର୍ଣ୍ଣ କହି ଫାଇନ ନ ବାନ୍ଧିବା ନେଇ ରୋକଠୋକ କହିଛନ୍ତି ପୁରନ ।  ନିଜେ ଚାଷ କରି ବହୁ କଷ୍ଟରେ ଗୁଜୁରାଣ ମେଣ୍ଟାଉ ଥିବାବେଳେ  କିଭଳି ଦୋଷ ନ କରି କାହିଁକି ଫାଇନ ବାନ୍ଧିବେ ବୋଲି କହିଛନ୍ତି ପୁରନଙ୍କ ବାପା ।  ଫାଇନ କରାଯାଇଥିବା ତାରିଖ ଦିନ ତାଙ୍କ ପୁଅ ଚାଷୀ ହୋଇଥିବାରୁ ବିଲରେ କାମରେ ଥିବା କହିଛନ୍ତି ।

   Related Posts