Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ବାଇକ୍ ଲୁଟେରା ଗ୍ୟାଙ୍ଗ୍‌ର ପର୍ଦ୍ଦାଫାଶ : ୫ ଲୁଟେରା ଗିରଫ, ୨୨ଟି ଚୋରା ବାଇକ୍ ଜବତ

3/11/2020 at 1:57 PM

କଟକ ୩।୧୧: ପୁଣି କଟକରେ କମିଶନରେଟ୍ ପୋଲିସକୁ ମିଳିଛି ସଫଳତା । ବାଦାମବାଡି ଥାନା ପୋଲିସ ୫ ଜଣ ବାଇକ୍ ଲୁଟେରାଙ୍କୁ ଗିରଫ କରିବା ସହ ୨୨ଟି ଚୋରା ବାଇକକୁ ଜବତ କରିଛି । ବାଇକ୍ ଲୁଟେରା ଗ୍ୟାଙ୍ଗର ମାଷ୍ଟରମାଇଣ୍ଡ ରିଙ୍କୁ ଓରଫ କୁଞ୍ଜବିହାରୀ ନାୟକ ପୋଲିସ ହାତରେ ଧରା ପଡିବା ପରେ ଫିଟିଥିଲା ବାଇକ୍ ଲୁଟେରା ଗ୍ୟାଙ୍ଗର ରହସ୍ୟ । ଅଭିଯୁକ୍ତଙ୍କ ଟାର୍ଗେଟରେ ରହିଥିଲା ହିରୋହୋଣ୍ଡା ଗ୍ଲାମର ବାଇକ୍ । କାରଣ ଏହି ବାଇକ୍ ସହଜରେ ଖୋଲି ଯାଉଥିବା ବେଳେ ଏହି ବାଇକର ଡିମାଣ୍ଡ ମଧ୍ୟ ଅଧିକ ରହୁଥିବା କହିଛି ପୋଲିସ । ସେଥିପାଇଁ କଟକ ସମେତ ବିଭିନ୍ନ ଜିଲ୍ଲାରୁ ଅଭିଯୁକ୍ତମାନେ ବାଇକ୍ ଚୋରି କରି ବିକ୍ରି କରୁଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କଟକ ଡିସିପି ପ୍ରତୀକ୍ ସିଂ ।

ଗିରଫ ସମସ୍ତ ଅଭିଯୁକ୍ତମାନଙ୍କର ପେଶା ଥିଲା କେବଳ ବାଇକ୍ ଚୋରି କରିବା । ପୂର୍ବରୁ ବହୁବାର ବାଇକ୍ ଚୋରି କରି ଜେଲ୍ ରୁ ଫେରିଥିଲେ ସୁଦ୍ଧା ଏହି କାମକୁ ଛାଡି ପାରିନାହାନ୍ତି । ତେବେ ଗୋଟିଏ ମାସ ମଧ୍ୟରେ ଜଗତପୁର ଥାନା ପୋଲିସ ଓ ବାଦାମବାଡି ଥାନା ପୋଲିସ ୬୦ଟି ଚୋରା ବାଇକ୍ ଜବତ କରିବା ପୋଲିସ ପାଇଁ ଏକ ବଡ ସଫଳତା । ତେବେ ବାଇକ୍ ଚୋରି ହୋଇଥିବା କିଛି ବାଇକ୍ ମାଲିକମାନଙ୍କୁ ଚିହ୍ନଟ କରି ବାଇକ୍ ଫେରାଇ ଦିଆଯାଇଥିବା ବେଳେ ସବୁ ବାଇକ୍ ଚାଳକମାନେ ଗାଡିର ଡବଲ ଲକ୍ କରି ଗାଡି ରଖିବାକୁ ପରାମର୍ଶ ଦିଆଯାଇଛି । ତେବେ ସହରରୁ ବାଇକ୍ ଚୋରି ରୋକିବା ଉପରେ ପୋଲିସ ଅଧିକ ଫୋକସ ଦେଉଥିବା କହିଛନ୍ତି ଡିସିପି ।

   Related Posts