କାମାକ୍ଷାନଗର ୧୯/୮ : ଢେଙ୍କାନାଳ ଜିଲ୍ଲା ତୁମୁଶିଙ୍ଗ ଥାନା ମହୁଲି ପଞ୍ଚଶଖା ରାଇସ ମିଲ ନିକଟରେ ଭାରସାମ୍ୟ ହରାଇ ଗଛରେ ପିଟିଲା ବାଇକ। ଦୁର୍ଘଟଣାରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଅଛନ୍ତି । ମୃତକ ଦୁଇଜଣ ହେଲେ ଭୁଲୁ ଓ ଟୁଟୁ | ସମସ୍ତଙ୍କୁ ୧୦୮ ଆମ୍ବୁଲାନସ ଯୋଗେ କାମାକ୍ଷାନଗର ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଭୁଲୁ ଓ ଟୁଟୁଙ୍କୁ ମୃତ ଘୋଷଣା କରିଛନ୍ତି । ଗୁରୁତର ଜଣକ ହେଲେ କହ୍ନେଇ ବେହେରା । ସମସ୍ତଙ୍କ ଘର କାମାକ୍ଷାନଗର ଥାନା ଅାଳତୁ୍ମା ଗ୍ରାମରେ ବୋଲି ଜଣା ପଡିଛି । ସମସ୍ତେ ଏକ ପଲସର ବାଇକ ଯୋଗେ କାମାକ୍ଷାନଗରରୁ ଢେଙ୍କାନାଳ ଆଡକୁ ଯାଉଥିବା ସମୟରେ ରାଇସ ମିଲ ନିକଟରେ ଦୁର୍ଘଟଣା ହୋଇଛି। କାମାକ୍ଷାନଗର ମେଡିକାଲ ପରିସରରେ ଏହାକୁ ନେଇ ଏକ ଶୋକାକୁଳ ପରିବେଶ ସୃଷ୍ଟି ହୋଇଛି।