ନୀଳଗିରି,୧୩/୦୯ : ବାଲେଶ୍ୱର ଜିଲ୍ଲା ନୀଳଗିରି ଥାନା ଅଧିନ ପୁନଦାଳ ଅଞ୍ଚଳରେ ବାଇକ ଚୋରି ଗ୍ୟାଙ୍ଗର ପର୍ଦ୍ଦାଫାଶ ରାକେଟର । ଏନେଇ ମୟୁରଭଞ୍ଜ ପୋଲିସ ତନାଘନା କରୁଥିବା ସୂଚନା ମିଳୁଛି।
ଗ୍ୟାଙ୍ଗର ସଦସ୍ୟଙ୍କଠାରୁ ପୋଲିସ ୯ଟି ବାଇକ ଜବତ କରିଛି । ବାଇକ ଲୁଟେରାମାନେ ୪୦ରୁ ଉର୍ଦ୍ଧ୍ବ ବାଇକ ଚୋରି କରିଥିବା ଅଭିଯୋଗ ହୋଇଛି । ସୂଚନାନୁସାରେ, ମୟୁରଭଞ୍ଜ ଅଂଚଳରେ କିଛିଦିନ ପୂର୍ବରୁ ବାଇକ ଚୋରି ହେବାନେଇ ପୋଲିସ ଖୋଳତାଡ଼ ଆରମ୍ଭ କରିଥିଲା । ଗ୍ୟାଙ୍ଗର ମାଷ୍ଟରମାଇଣ୍ଡ ଗିରଫ ପରେ ନୀଳଗିରି ଅଂଚଳର କିଛି ଯୁବକ ଚୋରିରେ ସାମିଲ ହୋଇଥିବା ଜଣାପଡିଥିଲା ।
ସୋମବାର ସକାଳେ ନୀଳଗିରି ଥାନା ଅଧିନ ପୁନଦାଳ ଅଞ୍ଚଳରେ ଚଢ଼ାଉ ପରେ ଗୋଟିକ ପରେ ଗୋଟିଏ ବାଇକ ଉଦ୍ଧାର କରାଯାଇଥିଲା।ଏହି ଅଞ୍ଚଳର ଦୁଇ ଅଭିଯୁକ୍ତକୁ ପୋଲିସ ଅଟକ ରଖି ତଦନ୍ତ ଆରମ୍ଭ କରିଛି ।
