ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ବିଜେପୁରରେ ରଣହୁଙ୍କାର –ପ୍ରାର୍ଥିପତ୍ର ଦାଖଲ କଲେ ତିନି ପ୍ରମୁଖ ରାଜନୈତିକ ଦଳର ପ୍ରାର୍ଥୀ

30/09/2019 at 6:13 PM

ବରଗଡ/ରାଉରକେଲା/ବିଜେପୁର ୩୦।୦୯-  ସରିଲା ବିଜେପୁର ଉପନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ । ୩ ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସର ପ୍ରାର୍ଥୀମାନେ ଆଜି ନାମାଙ୍କନ ଦାଖଲ କରିଛନ୍ତି । ଏହା ସହିତ ବହୁଜନ ସମାଜବାଦି ପାର୍ଟି ଓ କିଛି ସ୍ୱାଧୀନ ପ୍ରାର୍ଥୀଙ୍କୁ ମିଶାଇ ମୋଟ ୭ ଜଣ ଓହ୍ଲାଇଛନ୍ତି ମଇଦାନକୁ। ବିଜେଡି ପ୍ରାର୍ଥୀ ରୀତା ସାହୁ ତାଙ୍କର ନାମାଙ୍କପତ୍ର ତୁଙ୍ଗ ନେତାଙ୍କ ଗହଣରେ ଦାଖଲ କରିଛନ୍ତି । ଏଥିପାଇଁ ଦଳ ପକ୍ଷରୁ ଆୟୋଜିତ ବିଶାଳ ପଟୁଆରରେ ସାମିଲ ହୋଇଥିଲେ ଦଳର ବହୁ ହେଭିୱେଟ ନେତା ।

ରୀତାଙ୍କ ଜୋଶ୍‌ ବଢାଇବାକୁ ବିଜେଡିର ଡଜନେରୁ ଅଧିକା ବିଧାୟକ ଓ ମନ୍ତ୍ରୀ ପ୍ରାର୍ଥିପତ୍ର ଦାଖଲ ବେଳେ ରୀତାଙ୍କ ସହ ସାମିଲ ହୋଇଥିଲେ । ଯେହେତୁ ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସେହି ଆସନରୁ ଜିତି ପରେ ଛାଡିଛନ୍ତି ସେଥିପାଇଁ ବିଜେଡି ବିଜେପୁରକୁ ସମ୍ମାନର ପ୍ରଶ୍ନ ଭାବେ ଧରିଛି । ସେହିଦୃଷ୍ଟିରୁ ରୀତାଙ୍କ ନାମାଙ୍କନ ଶୋଭାଯାତ୍ରାରେ ଦଳ ଶକ୍ତି ପ୍ରଦର୍ଶନ କରିବାରେ ସାମାନ୍ୟ ବି ଅବହେଳା କରି ନ ଥିଲା।

ସେପଟେ ବିଜେପିରୁ ସନତ ଗଡତିଆ ବି ଆଜି ତାଙ୍କର ପ୍ରାର୍ଥିପତ୍ର ଦାଖଲ କରିଛନ୍ତି । ସାଧାରଣ ନିର୍ବାଚନରେ ସନତ ଗଡତିଆ ନବୀନ ପଟ୍ଟନାୟକଙ୍କ ବିରୁଦ୍ଧରେ ପ୍ରାର୍ଥୀ ହୋଇ ୫୩ ହଜାରରୁ ଅଧିକା ଭୋଟ ହାତେଇଥିଲେ । ଏଥର ତାଙ୍କ ଉପରେ ପୁଣି ଭରସା କରିଛି ଦଳ । ସନତଙ୍କ ପ୍ରାର୍ଥିପତ୍ର ଦାଖଲ ବେଳେ ବିଜେପି ବି ବିଶାଳ ରାଲି ବାହାର କରିଥିଲା । ବିଜେପି ରାଜ୍ୟସଭାପତିଙ୍କ ଠାରୁ ବିରୋଧିଦଳ ନେତାଙ୍କ ପର୍ଯ୍ୟନ୍ତ ଦଳର ବହୁ ବଡନେତା ସନତ ଗଡତିଆଙ୍କ ସହ ନାମାଙ୍କନ ଭରିବା ବେଳେ ସାଥିରେ ଥିଲେ ।

କଂଗ୍ରେସ ପ୍ରାର୍ଥୀ ଦିଲ୍ଲୀପ ପଣ୍ଡା ବି ଆଜି ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି । ନୂଆ ଚେହେରା ହିସାବରେ ଦିଲ୍ଲୀପଙ୍କୁ ମୈଦାନକୁ ଓହ୍ଲାଇଛି ଦଳ । ଦିଲ୍ଲୀପ ବି ଜିଲ୍ଲା କଂଗ୍ରେସ ସଂଗଠନ ସହ ବହୁ ଦିନରୁ ଜଡିତ ଅଛନ୍ତି । ସୁବଳ ସାହୁ ଲଗାତର ୩ ଥର ସେଠାରୁ ଜିତି ବିଜେପୁରକୁ କଂଗ୍ରେସ ଗଡ କରିଥିଲେ ବି ତାଙ୍କ ଦେହାନ୍ତ ପରେ ସୁବଳଙ୍କ ପତ୍ନୀ ରୀତା ସାହୁ ବିଜେଡି ଯିବାପରଠୁ କଂଗ୍ରେସ ସ୍ଥିତି ଦୋହଲିଯାଇଛି । ଗତ ୨ଟି ନିର୍ବାଚନରେ ସବୁ ଫର୍ମୁଲା ଫେଲ ମାରିବା ପରେ ଏଥର ଦିଲ୍ଲୀପ ପଣ୍ଡାଙ୍କୁ ପ୍ରାର୍ଥୀ କରି କଂଗ୍ରେସ ନିର୍ବାଚନକୁ ଓହ୍ଲାଇଛି । ଆଜି ଦିଲ୍ଲୀପଙ୍କ ନାମାଙ୍କନ ପତ୍ର ଦାଖଳବେଳେ ପ୍ରଦୀପ ମାଝି, ପ୍ରକାଶ ଦେବତା, ସତ୍ୟଭୁଷଣ ସାହୁ ଆଦି ଅନେକ ନେତା ସାମିଲ ହୋଇଥିଲେ ।

ଏବେ ହେବ ବିଜେପୁରରେ ଦମଦାର ଲଢେଇ । ୩ ତାରିଖରେ ପ୍ରାର୍ଥିପତ୍ର ପ୍ରତ୍ୟାହାର ପରେ ୪ ତାରିଖରେ ନେତାଏ କ୍ୟାମ୍ପ ପକାଇବା ଆରମ୍ଭ କରିଦେବେ । ତାପରେ ପ୍ରଚାର ମୈଦାନ ହେବ ସରଗରମ ।

   Related Posts