Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ବିହାରର ଯୁବକ ମକା ଚୋପାରେ ପ୍ରସ୍ତୁତ କଲେ କପ୍-ପ୍ଲେଟ୍ : ସରକାରଙ୍କ ଦ୍ବାରା ହେଲେ ପ୍ରଶଂସିତ

13/01/2019 at 1:58 PM

ମୁଜାଫରପୁର ୧୩/୧: ଏମଟେକ୍ ପାଠ ଏବଂ ପ୍ରତିଷ୍ଠିତ କମ୍ପାନୀର ଚାକିରୀ ଛାଡ଼ି ଜଣେ ଯୁବକ ପ୍ଲାଷ୍ଟିକର ବିକଳ୍ପ ଖୋଜିବା ଆରମ୍ଭ କରି ଦେଇଥିଲେ। ଏବେ ସେ ମକା ଚୋପାରେ କପ୍,ପ୍ଲେଟ୍ ପ୍ରସ୍ତୁତ କରିଛନ୍ତି। ଏହି ପଦକ୍ଷେପକୁ ବୈଜ୍ଞାନିକମାନେ ମଧ୍ୟ ପସନ୍ଦ କରିଛନ୍ତି।

ବିହାରର ମୁଜାଫରପୁରର ବାସିନ୍ଦା ମହମ୍ମଦ ନାଜ ଔଜେର ମକାର ଚୋପାରେ କପ୍,ପ୍ଲେଟ୍,ଗିନା ଏବଂ ମୁଣି ପ୍ରସ୍ତୁତ କରିବାରେ ସଫଳ ହୋଇଛନ୍ତି। ସେ ପାଖାପାଖି ଦୁଇ ଡର୍ଜନ ସ୍କୁଲରେ ଯାଇ ହଜାର ଜଣ ପିଲାଙ୍କୁ ଏହି ପଦ୍ଧତି ଶିଖାଇ ସାରିଲେଣି। ବୈଜ୍ଞାନିକମାନେ ମଧ୍ୟ ମାନିଛନ୍ତି ଯେ ମକାର ଚୋପା ପ୍ଲାଷ୍ଟିକ୍ ଠାରୁ ଉନ୍ନତ ବିକଳ୍ପ ହେବା ପାଇଁ ପ୍ରମାଣିତ ହୋଇ ପାରିବ। ଏହା ଶସ୍ତା ହେବା ସହ ଉପଯୋଗୀ ମଧ୍ୟ।

ପ୍ଲାଷ୍ଟିକ୍ ସମସ୍ୟା ଦିନକୁ ଦିନ ବଢ଼ୁଥିବା ଯୋଗୁଁ ନାଜ ଏତେ ଚିନ୍ତିତ ହୋଇପଡ଼ିଥିଲେ ଯେ ସେ ତାଙ୍କ ସୁନେଲି କ୍ୟାରିୟରକୁ ତ୍ୟାଗ କରି ପ୍ଲାଷ୍ଟିକର ବିକଳ୍ପ ଖୋଜିବାକୁ ବାହାରି ପଡ଼ିଥିଲେ। ସେ ସଙ୍କଳ୍ପ ନେଇଥିଲେ ଯେ ସେ ଏଥିପାଇଁ କିଛି କରିବେ। ଅନେକ କିଛି ଅଧ୍ୟୟନ ପରେ ବିକଳ୍ପ ଭାବରେ ମକାର ଚୋପା ତାଙ୍କ ନଜରକୁ ଆସିଥିଲା। ଏହା ପରେ ଗୋଟିଏ ପରେ ଗୋଟିଏ ପ୍ରୟୋଗ କରିବା ପରେ ସେ ସଫଳ ହୋଇଥିଲେ।

୨୬ବର୍ଷ ବୟସ୍କ ମହମ୍ମଦ ନାଜ ଇଣ୍ଟର ପରେ ଆଗକୁ ପଢ଼ିବା ପାଇଁ ହାଇଦ୍ରାବାଦ ଚାଲିଯାଇଥିଲେ। ଜବାହରଲାଲ ନେହେରୁ ଟେକ୍ନୋଲୋଜିକାଲ ୟୁନିଭର୍ସିଟିରେ ୨୦୧୪ରେ ବିଟେକ୍ ଏବଂ ୨୦୧୬ରେ ଏମଟେକ୍ କରିଥିଲେ। ତାଙ୍କୁ ବହୁତ କମ୍ପାନୀରୁ ଅଫର ମିଳିଥିଲା କିନ୍ତୁ କିଛି ଭିନ୍ନ କରିବାର ଆଶା ରଖି ସେ ଗାଁକୁ ଫେରି ଆସିଥିଲେ ଏବଂ ପ୍ରକୃତିରୁ ପ୍ଲାଷ୍ଟିକର ବିକଳ୍ପ ସନ୍ଧାନ କରିଥିଲେ। ସେ ଦେଖିଥିଲେ ଯେ ମକାରୁ ଦାନା ବାହାରିବା ପରେ ଲୋକମାନେ ଚୋପାକୁ ଫୋପାଡ଼ି ଦେଉଛନ୍ତି।  ତାହା ପ୍ରୟୋଗ କରିବା ପରେ ସେ ସଫଳ ହୋଇଥିଲେ।

ମକାର ଚୋପାକୁ ଉପରେ ଏବଂ ତଳେ ଏକ ଇଞ୍ଚ ଲେଖା କାଟିବା ପରେ ଏହା ୩ରୁ ୪ଇଞ୍ଚ ଚଉଡ଼ା ହୋଇଯାଇଥାଏ। ଏହାର ଲମ୍ବ ୬ଇଞ୍ଚ ଯାଏଁ ହୋଇଥାଏ। ନାଜ ପ୍ରଥମେ ଘରେ ପ୍ରସ୍ତୁତ କରିଥିବା ଅଠାରେ ଏହାକୁ ଲଗାନ୍ତି ତାହା ପରେ ମେସିନରେ ରଖି ଏହାକୁ ଆକାର ଦେବା ସହ କାଟିଥାନ୍ତି। ଏହିଭଳି ଭାବରେ ପ୍ଲେଟ୍ ଏବଂ ଗିନା ପ୍ରସ୍ତୁତ କରିଥାନ୍ତି। ଏକ ପ୍ଲେଟ୍ ପ୍ରସ୍ତୁତ କରିବା ପାଇଁ ୫୦ପଇସା ଖର୍ଚ୍ଚ ହୋଇଥାଏ। ଏହା ଓ୍ବାଟରପ୍ରୃଫ ହେବା ସହ ଏହି ପ୍ଲେଟ୍ ତରକାରୀ ଖାଇବା ପାଇଁ ଉପଯୋଗୀ ହୋଇଥାଏ।

ଜଣେ ବୈଜ୍ଞାନିକଙ୍କ କହିବା ଅନୁସାରେ ମକାର ପ୍ରତି ଭାଗ ଉପଯୋଗୀ ଅଟେ। ଏଥିରେ ବିଭିନ୍ନ ପ୍ରକାର ଉପକରଣ ପ୍ରସ୍ତୁତ ହୋଇଥାଏ। ମକାର ଚୋପା ଦ୍ବାରା କାଗଜ, ପାନୀୟ,କମ୍ପୋଷ୍ଟ ସାର,ରଙ୍ଗ,ଫୁଲଦାନୀ ଏବଂ ସୂତା ପ୍ରସ୍ତୁତ ହୋଇଥାଏ।  

   Related Posts