Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ନେପାଳ ରାସ୍ତା ଦେଇ ଦେଶରେ ପ୍ରବେଶ କରିଛନ୍ତି ଜୈସର ୬ ଆତଙ୍କବାଦୀ : ବିହାର ପୋଲିସର ସ୍ପେଶାଲ ବ୍ରାଞ୍ଚ ଜାରି କଲା ଆଲର୍ଟ

29/06/2020 at 11:49 AM

ପାଟଣା ୨୯/୦୬ : ନେପାଳ ସହିତ ଚାଲିଥିବା ଉତ୍ତେଜନା ମଧ୍ୟରେ ନେପାଳ ଦେଇ ଜୈସ-ଏ-ମହମ୍ମଦ ଆତଙ୍କବାଦୀ ସଂଗଠନର ୬ରୁ ଅଧିକ ଆତଙ୍କବାଦୀ ଦେଶରେ ପ୍ରବେଶ କରିଥିବା ସୂଚନା ମିଳିଛି | ପୋଲିସ ମୁଖ୍ୟାଳୟ ସୂତ୍ର ଅନୁଯାୟୀ, ସ୍ପେଶାଲ ବ୍ରାଞ୍ଚ ଏସପି ମୁଜାଫରପୁର ସହିତ ଉତ୍ତର ବିହାରର ସମସ୍ତ ଜିଲ୍ଲାରେ ହାଇ ଆଲର୍ଟ ଜାରି କରିଛନ୍ତି | ନେପାଳ ରାସ୍ତା ଦେଇ ଜୈସର ୬ରୁ ଅଧିକ ଆତଙ୍କବାଦୀ ବିହାରରେ ପ୍ରବେଶ କରିଥିବା ଆଲର୍ଟରେ ଉଲ୍ଲେଖ ରହିଛି | ଏହି ସମସ୍ତ ଆତଙ୍କବାଦୀ ପାକିସ୍ତାନ ସେନା ଦ୍ୱାରା ପ୍ରଶିକ୍ଷିତ | ଏହି ଆଲର୍ଟ ସହିତ ସ୍ପେଶାଲ ବ୍ରାଞ୍ଚ ଏସପି ଉତ୍ତର ବିହାରର ସମସ୍ତ ଏସପିଙ୍କୁ ଗାଇଡଲାଇନ ଜାରି କରିଛନ୍ତି | ସୂଚନା ଅନୁଯାୟୀ, ଆତଙ୍କବାଦୀଙ୍କ ଟାର୍ଗେଟରେ ବିହାର ସମେତ ଦେଶର ଅନେକ ରାଜନେତା ଓ ପ୍ରମୁଖ ସାର୍ବଜନିକ ସ୍ଥଳ ରହିଛି |

ପୂର୍ବରୁ ମାର୍ଚ୍ଚ ମାସରେ ଏହିଭଳି ଏକ ଆଲର୍ଟ ଏସଏସବି ଦ୍ୱାରା ଜାରି କରାଯାଇଥିଲା | ସେହି ଆଲର୍ଟରେ ମଧ୍ୟ ନେପାଳ ଦେଇ ବିହାରରେ ୧୫୦ରୁ ଅଧିକ ଲୋକେ ବିହାରରେ ପ୍ରବେଶ କରିଥିବା ସୂଚନା ଦିଆଯାଇଥିଲା ଯେଉଁମାନେ ବିହାର ଲୋକଙ୍କୁ କରୋନା ସଂକ୍ରମିତ କରିପାରନ୍ତି | ସୂଚନାକୁ ଦୃଷ୍ଟିରେ ରଖି ବିହାର ପୋଲିସ ବିହାର-ନେପାଳ ସୀମାରେ ସୁରକ୍ଷା ବ୍ୟବସ୍ଥା କଡାକଡି କରିବ ସହ ସିସିଟିଭି ଜରିଆରେ ନଜର ରଖାଯାଉଥିଲା | ଏପରିକି ସିମବର୍ତ୍ତୀ ଅଞ୍ଚଳରେ ATS ନିୟୋଜିତ କରାଯାଇଥିଲା |

ସୂଚନାଯୋଗ୍ୟ ଯେ, ୨୦୧୩ ଅକ୍ଟୋବର ୨୭ ତାରିଖରେ ପାଟଣା ଗାନ୍ଧୀ ମୈଦାନରେ ଏକ ବ୍ଲାଷ୍ଟ ହୋଇଥିଲା | ସେତେବେଳେ ନରେନ୍ଦ୍ର ମୋଦି ଏକ ଜନସଭାକୁ ସମ୍ବୋଧିତ କରୁଥିଲେ | ଆତଙ୍କବାଦୀ ପାଟଣା ସହରର ମଝିରେ ଅବସ୍ଥିତ ଗାନ୍ଧୀ ମୈଦାନରେ ଏକାଥରେ ୫ଟି ସିରିଏଲ ବ୍ଲାଷ୍ଟ କରି ସାରା ଦେଶରେ ଆତଙ୍କୀ ପରିସ୍ଥିତି ସୃଷ୍ଟି କରିଥିଲେ | କିନ୍ତୁ କିଛି ଦିନ ମଧ୍ୟରେ ବିହାର ପୋଲିସ ଓ NIA ଏହି ବିସ୍ଫୋରଣ ଘଟଣାର ପର୍ଦାଫାଶ କରିଥିଲେ | ଏହାପରେ ବଢାଗୟ ସ୍ଥିତ ମହାବଧି ମନ୍ଦିରକୁ ମଧ୍ୟ ଆତଙ୍କବାଦୀ ଟାର୍ଗେଟ କରିଥିଲେ |

   Related Posts