Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲୋକସଭାରେ ପାରିତ ହେଲା କୃଷି ଆଇନ ଉଚ୍ଛେଦ ବିଲ୍‌
  • ||
  • କୃଷକଙ୍କୁ ଦଳି ମାରିଲେ ୭ ଦନ୍ତା, ଖଣ୍ଡ ଖଣ୍ଡ କରିଦେଲେ ଶରୀର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||

ଦ୍ଵାଦଶ ପାସ୍ ବିଦ୍ୟାର୍ଥୀଙ୍କୁ ୨୫ ହଜାର ଓ ପ୍ଲସ୍ ୩ ପାସ୍ ଛାତ୍ର-ଛାତ୍ରୀଙ୍କୁ ୫୦ ହଜାର ଟଙ୍କା ଦେବେ ବିହାର ସରକାର

25/09/2020 at 8:41 PM

ପାଟନା ୨୫।୦୯: ବିହାରର ମୁଖ୍ୟମନ୍ତ୍ରୀ ନୀତିଶ କୁମାର ବିଧାନସଭା ନିର୍ବାଚନ ପୂର୍ବରୁ ବଡ ଷ୍ଟ୍ରୋକ୍ ଖେଳିଛନ୍ତି। ରାଜ୍ୟରେ ଏବେ ଯୁକ୍ତ ୨ ପାସ୍ କରୁଥିବା ଛାତ୍ର-ଛାତ୍ରୀଙ୍କୁ ୨୫ ହଜାର ଏବଂ ସ୍ନାତକ ପୂରା କରୁଥିବା ବିଦ୍ୟାର୍ଥୀଙ୍କୁ ୫୦ ହଜାର ଟଙ୍କା ଦିଆଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି। ନୀତିଶ କହିଛନ୍ତି ଆମେ ଦକ୍ଷତା ବିକାଶ ଓ ଉଦ୍ୟମିତାକୁ ପ୍ରୋତ୍ସାହନ ଦେବା  ପାଇଁ ଏକ ନୂତନ ବିଭାଗ ଖୋଲିବୁ। ଆଇଟିଆଇ ଓ ପଲିଟେକ୍‌ନିକ ସଂସ୍ଥା ଏହାର ଅଧୀନରେ ରହିବେ। ଯେଉଁ ଲୋକ ବ୍ୟବସାୟ ଆରମ୍ଭ କରିବେ ରାଜ୍ୟ ସରକାର ଆର୍ଥିକ ସହାୟତା ଯୋଗାଇ ଦେବେ। ଏହା ସହିତ ନୀତିଶ କୁମାର ନିର୍ବାଚନ ଆୟୋଗ ଦ୍ଵାରା ଘୋଷିତ ନିର୍ବାଚନ ତାରିଖକୁ ସ୍ଵାଗତ କରିଛନ୍ତି।

ଅନ୍ୟପଟେ ରାଜ୍ୟର ଉପ ମୁଖ୍ୟମନ୍ତ୍ରୀ ସୁଶିଲ କୁମାର ମୋଦୀ କହିଛନ୍ତି ବିହାର ବିଧାନସଭା ନିର୍ବାଚନ ଠିକ୍ ସମୟରେ କରିବା ପାଇଁ ନିର୍ବାଚନ ଆୟୋଗ ଯେଉଁଭଳି ପ୍ରବଳ ପ୍ରଶାସନିକ ଇଚ୍ଛାଶକ୍ତି ଦେଖାଇଛନ୍ତି ତାହା ପ୍ରଶଂସନୀୟ। ଯେତେବେଳେ କରୋନାକାଳରେ ପୂରା ସାବଧାନତାର ସହ ଅର୍ଥବ୍ୟବସ୍ଥା ଖୋଲା ଯାଉଛି, ପର୍ଯ୍ୟଟନ ସ୍ଥଳ, ମେଟ୍ରୋ ଓ ଧାର୍ମିକ ସ୍ଥଳ ଖୋଲା ଯାଉଛି ତେବେ ଗଣତାନ୍ତ୍ରିକ ପ୍ରକ୍ରିୟାକୁ ସ୍ଥଗିତ ରଖିବାକୁ ଦିଆଯାଉଥିବା ଦଲିଲ୍‌ ଠିକ୍ ନୁହେଁ।

ଉଲ୍ଲେଖନୀୟ ବିହାର ନିର୍ବାଚନ ବିଧାନସଭା ପାଇଁ ନିର୍ବାଚନ ଆୟୋଗ ଆଜି ତାରିଖ ଘୋଷଣା କରିଛନ୍ତି। ତିନୋଟି ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।ପ୍ରଥମ ପର୍ଯ୍ୟାୟ ମତଦାନ ଅକ୍ଟୋବର ୨୮ରେ ହେବ । ସେହିପରି ଦ୍ୱିତୀୟ ପର୍ଯ୍ୟାୟ ନଭେମ୍ବର ୩ ଓ ତୃୀତୟ ପର୍ଯ୍ୟାୟ ନଭେମ୍ବର ୭ରେ ହେବ । ଫଳାଫଲ ନଭେମ୍ବର ୧୦ରେ ପ୍ରକାଶ ପାଇବ ।

   Related Posts