Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ, ୨୩୬ ମୃତ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୯କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୭ କରୋନା ସଂକ୍ରମିତ, ୧୦୪୮୮୮୦ରେ ପହଞ୍ଚିଲା ସଂଖ୍ୟା
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ୧୨ ଘଣ୍ଟିଆ ମୟୂରଭଞ୍ଜ ବନ୍ଦ : ବିଭିନ୍ନ ଭାଷାକୁ ଦ୍ୱିତୀୟ ରାଜ୍ୟଭାଷା ମାନ୍ୟତା ପ୍ରଦାନ ଦାବି
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଭିଜିଲାନ୍ସ ଜାଲରେ କନଷ୍ଟେବଳ, ଜବତ ହେଲାଣି ଲକ୍ଷ ଲକ୍ଷ ଟଙ୍କା
  • ||
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||

ବିହାରରେ ବାଜିଲା ନିର୍ବାଚନୀ ବିଗୁଲ : ତିନୋଟି ପର୍ଯ୍ୟାୟରେ ହେବ ମତଦାନ, ନଭେମ୍ବର ୧୦ରେ ଫଳାଫଳ, କରୋନା ଆକ୍ରାନ୍ତ ଭୋଟରଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା

25/09/2020 at 1:22 PM

ପାଟନା, ୨୫।୦୯: ବିହାର ବିଧାନସଭା ନିର୍ବାଚନ ପାଇଁ ବାଜିଲା ବିଗୁଲ । ଜୋର୍ ଧରିଲା ରାଜନୈତିକ ପାଣିପାଗ । ଆଜି ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା କରିଛନ୍ତି ଇଲେକ୍ସନ କମିଶନ ବା ଇସି । ଏହାପରେ ରାଜ୍ୟରେ ରାଜନୈତିକ ଅଙ୍କକଷା ଆରମ୍ଭ ହୋଇଛାଇଛି । ରାଜ୍ୟରେ ତିନୋଟି ପର୍ଯ୍ୟାୟରେ ମତଦାନ ହେବ ବୋଲି ଇସି ସୂଚନା ଦେଇଛନ୍ତି ।

ଇସି ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ବିହାରରେ ମୋଟ୍ ୨୪୩ ଆସନରେ ମତଦାନ ହେବ । ରାଜ୍ୟରେ ବିଧାନସଭାର କାର୍ଯ୍ୟକାଳ ନଭେମ୍ବର ୨୯ରେ ସରିବ । ଚଳିତ ଥର ନିର୍ବାଚନରେ ୬ ଲକ୍ଷ ପିପିଇ କିଟ୍ ରାଜ୍ୟ ନିର୍ବାଚନ ଆୟୋଗଙ୍କୁ ପ୍ରଦାନ କରାଯିବ । ୪୬ ଲକ୍ଷ ମାସ୍କ ବ୍ୟବହାର ହେବ । ୬ ଲକ୍ଷ ଫେସ୍ ସିଲ୍ଡ ମଧ୍ୟ ପ୍ରଦାନ କରାଯିବ ।ରାଜ୍ୟରେ ୧୮ ଲକ୍ଷରୁ ଅଧିକ ପ୍ରବାସୀ ଶ୍ରମିକ ରହିଛନ୍ତି । ସେମାନଙ୍କ ମଧ୍ୟରୁ ୧୬ ଲକ୍ଷ ଭୋଟ୍ ଦେଇପାରନ୍ତି । ପୋଷ୍ଟାଲ ବାଲାଟର ମଧ୍ୟ ସୁବିଧା ମିଳିବ । ଚଳିତ ଥର ମତଦାନ ପାଇଁ ଏକ ଘଣ୍ଟା ଅଧିକ ସମୟ ରହିବ ।ସକାଳ ୭ରୁ ସନ୍ଧ୍ୟା ୬ଟା ଯାଏଁ ମତଦାନ ହେବ । ଡୋର୍ ଟୁ ଡୋର୍ କ୍ୟାମ୍ପେନରେ ୫ଜଣ ଯାଇପାରିବେ ।ଅନଲାଇନରେ ନାମାଙ୍କନ ପତ୍ର ପ୍ରଦାନ କରାଯିବ । ନାମାଙ୍କନ ବେଳେ ପ୍ରାର୍ଥୀଙ୍କ ସହ ୨ଜଣ ରହିପାରିବେ । ପ୍ରଚାରରେ କିଏ କାହା ସହ ହାତ ମିଶାଇପାରିବେ ନାହିଁ । ମତଦାନର ଶେଷ ସମୟରେ କରୋନା ଆକ୍ରାନ୍ତ ଭୋଟ୍ ଦେବେ । ସେମାନଙ୍କ ପାଇଁ ଅଲଗା ବ୍ୟବସ୍ଥା କରାଯିବ । ପ୍ରଚାର ଭର୍ଚୁଆଲ୍ ହେବ । ଜିଲ୍ଲା ଅଧିକାରୀ ଛୋଟ ରାଲି ପାଇଁ ସମୟ ଓ ସ୍ଥାନ ନିର୍ଧାରଣ କରିବେ । ପ୍ରତି ପୁଲିଂ ବୁଥରେ ସାବୁନ, ସାନିଟାଇଜର ସମେତ ଅନ୍ୟ ସାମଗ୍ରୀ ରହିବ ।

ଇସି ଆହୁରି କହିଛନ୍ତି ଯେ, ତିନୋଟି ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ।ପ୍ରଥମ ପର୍ଯ୍ୟାୟ ମତଦାନ ଅକ୍ଟୋବର ୨୮ରେ ହେବ । ସେହିପରି ଦ୍ୱିତୀୟ ପର୍ଯ୍ୟାୟ ନଭେମ୍ବର ୩ ଓ ତୃୀତୟ ପର୍ଯ୍ୟାୟ ନଭେମ୍ବର ୭ରେ ହେବ । ଫଳାଫଲ ନଭେମ୍ବର ୧୦ରେ ପ୍ରକାଶ ପାଇବ ।

   Related Posts