Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ବର୍ଷକୁ ବର୍ଷ ଗରିବ ହେଉଛନ୍ତି ନୀତିଶ କୁମାର, ପୁଅ ହେଉଛନ୍ତି ଧନୀ ! ସମ୍ପତ୍ତି ତାଲିକା ପ୍ରକାଶ କଲେ ବିହାର ମୁଖ୍ୟମନ୍ତ୍ରୀ

1/01/2021 at 3:47 PM

ପାଟନା ୦୧/୦୧: ବିହାର ମୁଖ୍ୟମନ୍ତ୍ରୀ ନୀତିଶ କୁମାର ପ୍ରତିବର୍ଷ ଭଳି ୨୦୨୦ର ଶେଷ ଦିନରେ ନିଜର ସମ୍ପତ୍ତି ତାଲିକା ପ୍ରକାଶ କରିଛନ୍ତି। ପ୍ରଥମ ଥର ଭଳି ଏଥର ତାଙ୍କ ପୁଅ ନିଶାନ୍ତ ନୀତିଶଙ୍କଠୁ ଅଧିକ ଧନୀ। ମୁଖ୍ୟମନ୍ତ୍ରୀ ଦ୍ବାରା ଘୋଷଣା କରାଯାଇଥିବା ସମ୍ପତ୍ତି ଅନୁସାରେ ନୀତିଶଙ୍କ ପାଖରେ ନଗଦ ୩୫ ହଜାର ଟଙ୍କା ଥିବା ବେଳେ ପୁଅ ନିଶାନ୍ତଙ୍କ ପାଖରେ ୨୮ ହଜାର ଟଙ୍କା ଅଛି। କ୍ୟାବିନେଟ ବିଭାଗ ଓ୍ବେବସାଇଟ୍‌ରେ ସମ୍ପତି ବ୍ୟୁରୋ ଅନୁସାରେ ନିଶାନ୍ତଙ୍କ ପାଖରେ ବିଭିନ୍ନ ବ୍ୟାଙ୍କ ଆକାଉଣ୍ଟରେ ଏକ କୋଟିରୁ ଅଧିକ ଟଙ୍କା ରହିଛି । ନୀତିଶ କୁମାରଙ୍କ ବ୍ୟାଙ୍କ ଆକାଉଣ୍ଟରେ କୌଣସି ଫିକ୍ସ ଡିପୋଜିଟ୍‌ ନାହିଁ।

ନୀତିଶ କୁମାରଙ୍କ ପାଖରେ ଥିବା ଏକ ଫୋର୍ଡ କାରର ମୂଲ୍ୟ ୧୧ ଲକ୍ଷ ୩୨ ହଜାର ଟଙ୍କା। ନିଶାନ୍ତଙ୍କ ପାଖରେ ବାପାଙ୍କ ଭଳି କୌଣସି ଦାମୀ କାର ନାହିଁ। କେବଳ ୬.୪୦ ଲକ୍ଷ ଟଙ୍କାର ଏକ ହ୍ୟୁଣ୍ଡାଇ କାର ଅଛି। ନୀତିଶ କୁମାରଙ୍କ ଠାରୁ ନିଶାନ୍ତଙ୍କ ପାଖରେ ଅଧିକ ମୂଲ୍ୟର ଗହଣା ଥିବା ସମ୍ପତ୍ତି ତାଲିକାରେ ଉଲ୍ଲେଖ ରହିଛି।

ନୀତିଶ କୁମାରଙ୍କ ପାଖରେ ମୋଟ ୯୮ ହଜାର ଟଙ୍କାର ଗହଣା ରହିଥିବା ବେଳେ ନିଶାନ୍ତଙ୍କ ପାଖରେ ୨୦,୭୩,୫୦୦ ଟଙ୍କାର ଗହଣା ଥିବା ଜଣାପଡ଼ିଛି। ସମ୍ପତ୍ତି ତାଲିକାରେ ନିଜ ପାଖରେ ଥିବା ଏକ ଏସି, ଗୋଟିଏ କମ୍ପ୍ୟୁଟର, ୧୨ଟି ଗାଈ, ୬ଟି ବାଛୁରୀ, ସାଇକେଲ୍‌, ସିଲାଇ ମେସିନ୍‌ ଓ ଏକ ମାଇକ୍ରୋ ଓଭେନ୍‌ ଅଛି। ନୀତିଶ କୁମାରଙ୍କ ପାଖରେ ଦିଲ୍ଲୀରେ ଏକ ଫ୍ଲାଟ ରହିଛି।

ସୂଚନାଯୋଗ୍ୟ, ନୀତିଶ କୁମାରଙ୍କ ପାଖରେ ୨୦୧୮ରେ ନଗଦ ୪୨ ହଜାର ଟଙ୍କା ଥିଲା। ୨୦୧୯ରେ ଏହା କମି ୩୮ ହଜାର ଟଙ୍କାରେ ପହଞ୍ଚିଥିବା ବେଳେ ଏବେ ୩୫ ହଜାର ଟଙ୍କାରେ ପହଞ୍ଚିଥିବା ସମ୍ପତ୍ତି ତାଲିକା ବୟାନ କରୁଛି। ଏହା ସହ ନୀତିଶ କୁମାରଙ୍କ ପାଖରେ ୧୬ ଲକ୍ଷ ୨୮ ହଜାର ଟଙ୍କାର ସ୍ତାବର ଓ ୪୦ ଲକ୍ଷ ଅସ୍ତାବର ସମ୍ପତି ରହିଛି।

   Related Posts