Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ବିହାର ଭୋଟରଙ୍କ ମୁଡ୍ କ’ଣ : ପ୍ରାକ୍ ନିର୍ବାଚନୀ ସର୍ଭେ କହିଲା କାହାକୁ ମିଳିବ କେତେ ଆସନ, କିଏସେ ହାରିବ-ଜିତିବ କିଏ ?

21/10/2020 at 1:45 PM

ନୂଆଦିଲ୍ଲୀ ୨୧।୧୦: ବିହାର ବିଧାନସଭା ନିର୍ବାଚନ ପାଇଁ ବାଜିସାରିଛି ବିଗୁଲ୍ । ପ୍ରଥମ ପର୍ଯ୍ୟାୟ ଭୋଟ୍ ଗ୍ରହଣ ଅକ୍ଟୋବର ୨୮ ତାରିଖରେ ଅନୁଷ୍ଠିତ ହେବ । ଏହା ପୂର୍ବରୁ ବିଭିନ୍ନ ରାଜନୈତିକ ଦଳ ନିଜ ନିଜ ପ୍ରଚାରରେ ଲାଗିଛନ୍ତି । ଚଳିତ ବର୍ଷ ନିର୍ବାଚନରେ ଭୋଟର କାହାକୁ ବେଶୀ ପସନ୍ଦ କରୁଛନ୍ତି ତାହା ଜାଣିବା ପାଇଁ ବିଭିନ୍ନ ଗଣମାଧ୍ୟମ ଓପିନିଅନ୍ ପୋଲ୍ ଜାରି କରିଛନ୍ତି । ବିହାରରେ କିଏ ଗଢିବ ସରକାର, କାହାର ହେବ ପରାଜୟ, କିଏ ହେବ ମୁଖ୍ୟମନ୍ତ୍ରୀ ଇତ୍ୟାଦିକୁ ନେଇ ତିନୋଟି ଟିଭି ଚ୍ୟାନେଲ୍ ଜାରି କରିଥିବା ଓପିନିଅନ୍ ପୋଲରେ ପୁଣି ଥରେ ଏନଡିଏ ସରକାର ଗଠନ କରିବ ବୋଲି ଦେଖିବାକୁ ମିଳିଛି । ମାତ୍ର ଏଥର କଡା ଟକ୍କର ଦେଖିବାକୁ ମିଳିବ ।

ସିଏସଡିଏସ-ଲୋକନୀତି-ଆଜତକ୍ ଓପିନିଅନ୍ ପୋଲ୍ ଅନୁସାରେ ବିଧାନସଭା ନିର୍ବାଚନରେ ଏନଡିଏକୁ ୧୩୩ରୁ ୧୪୩ ପର୍ଯ୍ୟନ୍ତ ଆସନ ମିଳିବା ନେଇ ଆକଳନ କରାଯାଉଛି । ସେହିଭଳି ଆରଜେଡି ନେତୃତ୍ବାଧିନ ମହାମେଣ୍ଟକୁ ୮୦ରୁ ୮୯ ଆସନ ମିଳିପାରେ । ଏହାବ୍ୟତୀତ ଚିରାଗ ପାଶଓ୍ବାନଙ୍କ ଏଲଜେପି ୨ରୁ ୬ଟି ଆସନରେ ବିଜୟୀ ହୋଇପାରେ । ଅନ୍ୟଦଳ ୬ରୁ ୧୦ଟି ଆସନ ହାତେଇପାରେ ।

ଓପିନିଅନ ପୋଲ୍ ଅନୁସାରେ ବିହାରରେ ନୀତିଶ କୁମାରଙ୍କ ନେତୃତ୍ବଧିନ ଏନଡିଏ ମେଣ୍ଟକୁ ୩୮ ପ୍ରତିଶତ ଭୋଟ୍ ଏବଂ ତେଜସ୍ବୀ ଯାଦବଙ୍କ ମହାମେଣ୍ଟକୁ ୩୨ ପ୍ରତିଶତ ଭୋଟ୍ ମିଳିବା ନେଇ ସମ୍ଭାବନା ରହିଛି । ଚିରାଗ ପାଶଓ୍ବାନଙ୍କୁ ୬ ପ୍ରତିଶତ ଭୋଟ୍ ମିଳିପାରେ ।

ଟାଇମ୍ସ ନାଓ ଏବଂ ସି ଭୋଟର ଓପିନିଅନ ପୋଲ୍‌ରୁ ମଧ୍ୟ ସମାନ ଆକଳନ କରାଯାଇଛି । ବିହାରର ମୋଟ୍ ୨୪୩ ବିଧାନସଭା ଆସନରୁ ୧୬୦ ଆସନରେ ଏନଡିଏ ବିଜୟୀ ହେବା ନେଇ ଆକଳନ କରାଯାଉଛି । ଯେଉଁଠି ଆରଜେଡି ନେତୃତ୍ବାଧିନ ମହାମେଣ୍ଟକୁ ୭୬ ଆସନ ମିଳିପାରେ । ଏଲଜେପି ୫ଟି ଆସନ ଏବଂ ଅନ୍ୟଦଳ ୭ଟି ଆସନରେ ବିଜୟୀ ହେବା ନେଇ ଆକଳନ କରାଯାଉଛି ।

ଏବିପି ନ୍ୟୁଜ୍ ଏବଂ ସି ଭୋଟର ଓପିନିଅନ ପୋଲ୍ ଅନୁସାରେ ପୁଣି ଥରେ ଏନଡିଏ ଶାସନ ଗାଦିରେ ବସିବା ନେଇ ସମ୍ଭାବନା ରହିଛି । ଆରଜେଡି ନେତୃତ୍ବାଧିନ ମହାମେଣ୍ଟ ପଛରେ ପଡିଥିବା ଦେଖିବାକୁ ମିଳିଛି । ଏନଡିଏକୁ ୧୪୧ରୁ ୧୬୧ ଆସନ ମିଳିପାରେ । ୟୁପିଏକୁ ୬୪ରୁ ୮୪ ଆସନ ମିଳିପାରେ । ଅନ୍ୟ ଦଳକୁ ୧୩ରୁ ୨୩ ଆସନ ମିଳିବା ନେଇ ଅନୁମାନ କରାଯାଉଛି । ଏବିପି ନ୍ୟୁଜ୍ ର ଏହି ସର୍ଭେ ସେପ୍ଟେମ୍ବର ମାସରେ କରାଯାଇଥିଲା ।

ତିନି ଓପିନିଅନ ପୋଲ୍ ଆକଳନରୁ ଏହା ଜଣାପଡୁଛି ଯେ, ବିହାରରେ ନୀତିଶ କୁମାର ସରକାର ଗଠନ କରିବାର ଅଧିକ ସମ୍ଭାବନା ରହିଛି । ମାତ୍ର ମହାମେଣ୍ଟ ମଧ୍ୟ ଚ୍ୟାଲେଞ୍ଜ ଦେଉଥିବା ଦେଖିବାକୁ ମଳିଛି ।

   Related Posts