Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ଭାଇରସଠୁ ମଧ୍ୟ ଭୟଙ୍କର ଏହି ରୋଗ : ପ୍ରତି ବର୍ଷ ବଢ଼ିଥାଏ ମୃତ୍ୟୁ ସଂଖ୍ୟା

5/08/2020 at 11:37 AM

ଏକ ଏପରି ରୋଗ ପୂରା ବିଶ୍ବରେ ଜୋରସୋରରେ ବ୍ୟାପୁଛି ଯାହା କରୋନା ଭାଇରସଠୁ ଅଧିକ ଭୟଙ୍କର ଏବଂ ଘାତକ ସାବ୍ୟସ୍ତ ହୋଇଛି। ଏହି ରୋଗରେ ଆକ୍ରାନ୍ତ ରୋଗୀଙ୍କୁ ସବୁବେଳେ ସାମାନ୍ୟ ଜ୍ବର ରହିଥାଏ। ଅଶାନ୍ତି ଅନୁଭବ ହୋଇଥାଏ। କାଶ ଆସିଥାଏ ଏବଂ ଅସହନୀୟ ଯନ୍ତ୍ରଣା ହୋଇଥାଏ ଏବଂ ନିଃଶ୍ବାସ ନେବାରେ ଅସୁବିଧା ହୋଇଥାଏ। ଏହି ରୋଗ ମଧ୍ୟ ଜନଗହଳି ସ୍ଥାନରେ ଅଧିକ ବ୍ୟାପିଥାଏ। ଏଥିରେ ମଧ୍ୟ ରୋଗୀଙ୍କୁ ଆଇସୋଲେସନରେ ରହିବାକୁ କୁହାଯାଇଥାଏ। କିନ୍ତୁ ଏହା ଯୋଗୁଁ କରୋନା ଭାଇରସରୁ ଅଧିକ ଲୋକ ପ୍ରତି ବର୍ଷ ମୃତ୍ୟୁବରଣ କରିଥାନ୍ତି।

ଏହି ରୋଗ ଯୋଗୁଁ ପ୍ରତି ବର୍ଷ ପୂରା ବିଶ୍ବରେ ପାଖାପାଖି ୧୫ଲକ୍ଷ ଲୋକ ମୃତ୍ୟୁବରଣ କରିଥାନ୍ତି। ଏହି ଭୟାବହ ରୋଗର ନାଁ ଟ୍ୟୁବର କ୍ୟୁଲୋସିସ ଅର୍ଥାତ୍ ଟିବି। ଏହା ଏକମାତ୍ର ଏପରି ରୋଗ ଯାହା ସମଗ୍ର ବିଶ୍ବକୁ କରାୟତ୍ତ କରିଛି।

ଏବର୍ଷକୁ ଛାଡ଼ି ଦେଲେ ପ୍ରତି ବର୍ଷରେ ବିଶ୍ବରେ ସବୁଠୁ ଅଧିକ ମୃତ୍ୟୁ ଟିବି ଯୋଗୁଁ ହୋଇଥାଏ। ଏହା ପରେ ହେଉଛି HIV  ଏବଂ ମ୍ୟାଲେରିଆ। ଏବର୍ଷ ପୂରା ବିଶ୍ବରେ କରୋନା ଭାଇରସ୍ ଯୋଗୁଁ ଲୋକେ ବାକି ରୋଗ ପ୍ରତି ଧ୍ୟାନ ଦେଉନାହାନ୍ତି। କିନ୍ତୁ ଏଗୁଡ଼ିକ ମଧ୍ୟ ବୃଦ୍ଧି ପାଉଛି।

ଯଦି ଆଉ ୬ମାସ ଯାଏଁ HIV ରୋଗୀଙ୍କୁ ଆଣ୍ଟିଭାଇରାଲ୍ ଥେରାପି ଦିଆନଗଲା ତେବେ ୫ଲକ୍ଷ ଲୋକ ଏହି ରୋଗ ଯୋଗୁଁ ମୃତ୍ୟୁବରଣ କରିବେ। WHO ଅନୁସାରେ ବିଶ୍ବବ୍ୟାପି ମ୍ୟାଲେରିଆ ଯୋଗୁଁ ମୃତ୍ୟୁ ସଂଖ୍ୟା ଦୁଇ ଗୁଣ ହୋଇ ପ୍ରତି ବର୍ଷ ୭.୭୦ଲକ୍ଷ ହୋଇଯିବ।

   Related Posts