Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

OLAର ବଡ଼ ଘୋଷଣା, କେବଳ ମହିଳା ଚଳାଇବେ ବିଶ୍ବର ସବୁଠୁ ବଡ଼ ଇ-ସ୍କୁଟର ପ୍ଲାଣ୍ଟ

13/09/2021 at 5:16 PM

ନୂଆଦିଲ୍ଲୀ ୧୩/୦୯: ଭାରତୀୟ ବଜାରକୁ ଇ-ସ୍କୁଟର ଆଣିବା ପରେ ଏବେ ଓଲା ଆଉ ଏକ ବଡ଼ ଘୋଷଣା କରିଛି। କମ୍ପାନୀର ସହସଂସ୍ଥାପକ ଭାବିଶ ଅଗ୍ରଓ୍ବାଲଙ୍କ ଅନୁସାରେ, ତାମିଲନାଡୁରେ ଥିବା ଓଲା ଇଲେକ୍ଟ୍ରିକ୍‌ ସ୍କୁଟର ପ୍ଲାଣ୍ଟ କେବଳ ମହିଳାମାନଙ୍କ ଦ୍ବାରା ପରିଚାଳିତ ହେବ । ସେଥିପାଇଁ ପ୍ଲାଣ୍ଟରେ ୧୦ ହଜାରୁ ଅଧିକ ମହିଳାଙ୍କୁ ନିଯୁକ୍ତି ମିଳିବ । ଏହା ସହ ଆତ୍ମନିର୍ଭର ଭାରତ ପାଇଁ ଆତ୍ମନିର୍ଭର ମହିଳାଙ୍କ ଆବଶ୍ୟକତା ରହିଛି ବୋଲି ସେ କହିଛନ୍ତି ।

ବିଶ୍ବର ପ୍ରଥମ ମୋଟର ଭେଇକିଲ୍‌ ମ୍ୟାନୁପାକ୍ଚରିଂ ପ୍ଲାଣ୍ଟ ଓଲା, ଯାହାକି ସମ୍ପୂର୍ଣ୍ଣ ମହିଳାଙ୍କ ଦ୍ବାରା ପରିଚାଳିତ ହେବ। ପ୍ଲାଣ୍ଟରେ କାର୍ଯ୍ୟ କରିବାକୁ ଥିବା ପ୍ରଥମ ବ୍ୟାଚ୍‌ର ମହିଳା କର୍ମଚାରୀଙ୍କ ଭିଡିଓ ଭାବିଶ ଅଗ୍ରଓ୍ବାଲ ସେୟାର କରିଛନ୍ତି।  ମହିଳାମାନଙ୍କ ଠାରେ କୌଶଳ ଆହୁରି ବୃଦ୍ଧି କରିବାକୁ ପ୍ଲାଣ୍ଟ ତିଆରି କରିଥିବା ନେଇ କହିବା ସହ ପ୍ଲାଣ୍ଟରେ ତିଆରି ହେଉଥିବା ଏବଂ ହେବାକୁ ଥିବା ପ୍ରତିଟି ଗାଡ଼ି ପାଇଁ ମହିଳାମାନେ ଦାୟୀ ରହିବେ ବୋଲି ସେ କହିଛନ୍ତି।

ଅନ୍ୟପଟେ ମହିଳାମାନଙ୍କୁ ଏମିତି ସୁଯୋଗ ମିଳିବା ପରେ ଜିଡିପି ବୃଦ୍ଧି ହେବ ବୋଲି ସେ ଆଶା ପ୍ରକାଶ କରିଛନ୍ତି। ମ୍ୟାନୁଫାକଚରିଂ କ୍ଷେତ୍ରରେ ମହିଳାମାନଙ୍କ ଭାଗିଦାରୀ କେବଳ ୧୨ ପ୍ରତିଶତ ରହିଛି। ମହିଳାଙ୍କୁ ରୋଜଗାର ଦେଲେ କେବଳ ସେମାନଙ୍କ ପରିବାର ନୁହେଁ ବରଂ ପୂରା ସମାଜର ବିକାଶ ସମ୍ଭବ ବୋଲି ଭାବିଶ ଅଗ୍ରାଓ୍ବାଲ କହିଛନ୍ତି। ଏହା ବ୍ୟତୀତ ଓଲାର ଏହି ପ୍ଲାଣ୍ଟରୁ ଏବେ ବାର୍ଷିକ ୧୦ ଲକ୍ଷ ସ୍କୁଟର ତିଆରି ହେବାକୁ ଥିବା ବେଳେ ଚାହିଦାକୁ ଦେଖି ଏହାକୁ ୨୦ ଲକ୍ଷକୁ ବୃଦ୍ଧି କରାଯିବ ।

କିନ୍ତୁ ପ୍ଲାଣ୍ଟ ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇଯିବା ପରେ ପ୍ରତି ବର୍ଷ କୋଟିଏ ସ୍କୁଟର ତିଆରି ହୋଇପାରିବ ବୋଲି ଓଲା ପକ୍ଷରୁ କୁହାଯାଇଥିଲା। ଅଗଷ୍ଟ ମାସରେ କମ୍ପାନୀ ଦୁଇଟି ଭାରିଏଣ୍ଟ ଏସ ୧ ଏବଂ ଏସ ୧ ପ୍ରୋ ଇ-ସ୍କୁଟର ଲଞ୍ଚ କରିଥିଲା।  ଏହି ଦୁଇ ଭାରିଏଣ୍ଟର ମୂଲ୍ୟ ୯୯,୯୯୯ ଟଙ୍କା ଏବଂ ୧,୨୯,୯୯୯ ଟଙ୍କା ରହିଛି।

   Related Posts