Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ଏଣିକି ଡେବିଟ୍ କାର୍ଡ ନୁହେଁ ଘଣ୍ଟାରେ କରିବେ ପେମେଣ୍ଟ, ଏସବିଆଇ ଆରମ୍ଭ କଲା ନିଆରା ସୁବିଧା

17/09/2020 at 2:13 PM

ନୂଆଦିଲ୍ଲୀ ୧୭/୦୯: ଏଣିକି ସପିଙ୍ଗ୍ କରିବା ପରେ ପେମେଣ୍ଟ ପାଇଁ ଡେବିଟ୍ କାର୍ଡ କି ମୋବାଇଲରେ କୌଣସି ଆପ୍ ଦରକାର ପଡ଼ିବ ନାହିଁ। ଏ କାମ ଏବେ ହାତଘଣ୍ଟା କରିବ। ସବୁଠୁ ଲୋକପ୍ରିୟ ଘଣ୍ଟା କମ୍ପାନି ଟାଇଟନ୍ ପ୍ରଥମଥର ପାଇଁ ଭାରତରେ କଣ୍ଟାକ୍ଟଲେସ୍ ପେମେଣ୍ଟକୁ ସପୋର୍ଟ କରୁଥିବା ହାତଘଣ୍ଟା ଲଞ୍ଚ କରିଛି। ଏହି ଫିଚର ପାଇଁ କମ୍ପାନି ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆ ସହ ପାର୍ଟନରସିପ୍ କରିଛି।

ସପିଙ୍ଗ କରିବା ପରେ ପେମେଣ୍ଟ କରିବା ସମୟରେ କେବଳ ପିଓଏସ୍ ମେସିନ୍ ସାମ୍ନାରେ ଟାଇଟନ୍ ପେ ପାଓ୍ବାର୍ଡ ଓ୍ବାଚ ଟ୍ୟାପ୍ କରିବାକୁ ହେବ। ଏତିକି କରିବା ମାତ୍ରେ କଣ୍ଟାକ୍ଟ ଲେସ୍ ପେମେଣ୍ଟ ପୂରା ହୋଇଯିବ। ସାଧାରଣତଃ ଯେପରି ଓ୍ବାଇଫାଇ ସୁବିଧା ଥିବା ଡେବିଟ୍ କାର୍ଡ ମାଧ୍ୟମରେ ପେମେଣ୍ଟ୍ ହୋଇଥାଏ ଏହା ସେଭଳି। ଟାଇଟନ ପେମେଣ୍ଟ ଓ୍ବାଚ ସୁବିଧା କେବଳ ଏସବିଆଇ କାର୍ଡଧାରୀଙ୍କୁ ମିଳିବ। ପେମେଣ୍ଟ ଫଙ୍କସନ ମୁଖ୍ୟତଃ ସିକ୍ୟୁରଡ୍ ସାର୍ଟିଫାଇଡ ନିୟର-ଫିଲ୍ମ କମ୍ୟୁନିକେସନ୍ ଚିପ୍ (ଏନଏଫସି) ମାଧ୍ୟମରେ କାମ କରିଥାଏ ଯାହାକୁ ଓ୍ବାଚର ଷ୍ଟ୍ରାପରେ ଲଗାଯାଇଛି। ଟାଇଟନ ପେ ଫିଚର ୟୋନୋ ଏସବିଆଇ ସହ ସଂଶ୍ଳିଷ୍ଟ ଓ ଯେଉଁଠି ପିଓଏସ୍ ମେସିନ୍ ଉପଲବ୍ଧ ଥିବ ସେଠାରେ ହିଁ ଏହା କାମ କରିବ।

ଦୁଇ ହଜାର ଟଙ୍କା ପେମେଣ୍ଟ କରିବାକୁ ହେଲେ କେବଳ ଘଣ୍ଟାକୁ ଟ୍ୟାପ କରିବା ମାତ୍ରେ ପେମେଣ୍ଟ ହୋଇଯିବ, କୌଣସି ପିନ୍ ଦରକାର ପଡ଼ିବ ନାହିଁ। ମାତ୍ର ଦୁଇ ହଜାର ଟଙ୍କା ଉପରୁ ପେମେଣ୍ଟ୍ କରିବାକୁ ଚାହୁଁଥିଲେ ପିନ୍ ଦେବାକୁ ହେବ।

ଟାଇଟନର ଏହି ନୂଆ ଘଣ୍ଟାରେ ପୁରୁଷଙ୍କ ପାଇଁ ତିନିଟି ଓ ମହିଳାଙ୍କ ପାଇଁ ଦୁଇଟି ନୂଆ ଭାରିଏଣ୍ଟ ଡିଜାଇନ୍ କରାଯାଇଛି। ପୁରୁଷଙ୍କ ଘଣ୍ଟାର ଦାମ ୨,୯୯୫, ୩୯୯୫ ଓ ୫,୯୯୫ ଟଙ୍କା ଥିବା ବେଳେ ମହିଳାଙ୍କ ଘଣ୍ଟାର ମୂଲ୍ୟ ରହିଛି ୩,୮୯୫ ଓ ୪୩୯୫। ବିକ୍ରି ପାଇଁ ଏବେ ଏହା ଟାଇଟନ ଓ୍ବେବସାଇଟରେ ଉପଲବ୍ଧ।

   Related Posts