Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଣ ଗୋଦାମରେ ଭୟଙ୍କର ଅଗ୍ନିକାଣ୍ଡ: ୫ ମୃତ, ଅନେକ ଆହତ ହୋଇଛନ୍ତି, କ୍ଷତିପୂରଣ ଘୋଷଣା କଲେ ସିଏମ
  • ||
  • ଆସୁଛି ଲଘୁଚାପ, ୨୮ରୁ ୩ ଦିନ ବର୍ଷିବ: ଦକ୍ଷିଣରେ ହାଲକା ବର୍ଷା ସମ୍ଭାବନା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୫୮୫ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୯ କୋଭିଡ୍ ପଜିଟିଭ୍
  • ||
  • ଆଜି ମହାପ୍ରଭୁଙ୍କ ବନକଲାଗି ନୀତି, ଅପରାହ୍ନ ୪ଟାରୁ ରାତି ୮ଟା ଯାଏଁ ସାଧାରଣ ଦର୍ଶନ ବନ୍ଦ
  • ||

‘ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ’ ଜିତିଲେ ଭୁବନେଶ୍ଵର କୁମାର, ପଛରେ ରହିଗଲେ ଏହି ଖେଳାଳି

13/04/2021 at 3:49 PM

ନୂଆଦିଲ୍ଲୀ ୧୩।୦୪: ‘ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ’ରେ ଭାରତୀୟ ଖେଳାଳିଙ୍କ ଦବ୍‌ଦବା।  ମାର୍ଚ୍ଚ ମାସ ପାଇଁ ‘ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ’ ଜିତିଲେ ଭାରତୀୟ ଦ୍ରୁତ ବୋଲର ଭୁବନେଶ୍ଵର କୁମାର। ଏନେଇ ମଙ୍ଗଳବାର ଅନ୍ତରାଷ୍ଟ୍ରୀୟ କ୍ରିକେଟ୍ ପରିଷଦ(ଆଇସିସି) ଘୋଷଣା କରିଛି। ଅନ୍ୟପଟେ ମହିଳା ବର୍ଗରେ ଦକ୍ଷିଣ ଆଫ୍ରିକାର ଲିଜେଲ୍ ଲି ‘ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ’ ଜିତିଛନ୍ତି। ଭାରତୀୟ ପ୍ରଶଂସକଙ୍କ ପାଇଁ ଏହା ଗର୍ବର ବିଷୟ ଯେ, କ୍ରମାଗତ ତୃତୀୟ ଥର କୌଣସି ଭାରତୀୟ ଖେଳାଳି ଏହି ଆଓ୍ଵାର୍ଡ ଜିତିଛନ୍ତି। ଭୁବନେଶ୍ଵର କୁମାରଙ୍କ ପୂର୍ବରୁ ରବିଚନ୍ଦ୍ରନ ଅଶ୍ଵିନ ଓ ଋଷଭ ପନ୍ତ ଏହି ପୁରସ୍କାର ଜିତିଛନ୍ତି।

ଏହି ପୁରସ୍କାର ଜିତିବା ପରେ ଭୁବନେଶ୍ଵର କୁମାର କହିଛନ୍ତି, ଦୀର୍ଘ ଦିନର ବ୍ୟବଧାନ ପରେ ଭାରତୀୟ ଦଳ ପକ୍ଷରୁ ଖେଳି ମୁଁ ବହୁତ ଖୁସି। ଏହି ସମୟରେ ମୁଁ ନିଜର ଫିଟନେସ୍‌ ଓ କ୍ଷମତା ଉପରେ କାମ କରିଛି। ମୁଁ ନିଜ ଦେଶ ପାଇଁ ଓ୍ଵିକେଟ୍ ନେଇ ଖୁସି। ମୁଁ ନିଜର ପରିବାର, ସାଙ୍ଗ ଓ ସାଥୀଙ୍କୁ ଧନ୍ୟବାଦ ଦେଉଛି। ଆଇସିସି ଭୋଟିଂ ଏକାଡେମୀକୁ ମୋର ବିଶେଷ ଧନ୍ୟବାଦ। ଏଥିସହ ଭୋଟ୍ କରିଥିବା ଲୋକଙ୍କୁ ଧନ୍ୟବାଦ, ଯେଉଁମାନେ ମୋତେ ମାର୍ଚ୍ଚ ମାସର ‘ପ୍ଲେୟାର ଅଫ ଦ ମନ୍ଥ ଆଓ୍ଵାର୍ଡ’ ବନାଇଛନ୍ତି।

ଗତ ମାସରେ ଭୁବନେଶ୍ଵର କୁମାର ଇଂଲଣ୍ଡ ବିପକ୍ଷରେ ତିନୋଟି ଦିନିକିଆ ମ୍ୟାଚ୍ ଖେଳିଥିଲେ। ସେ ୪.୬୫ ହାରରେ ୬ ଓ୍ଵିକେଟ୍ ନେଇଥିଲେ। ଇଂଲଣ୍ଡ ବିପକ୍ଷରେ ପାଞ୍ଚ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ ଖେଳିଥିଲେ। ସେ ୬.୩୮ ହାରରେ ୪ ଓ୍ଵିକେଟ୍ ନେଇଥିଲେ। ଭାରତ ଓ ଇଂଲଣ୍ଡ ବିପକ୍ଷ ସୀମିତ ଓଭର ସିରିଜ୍‌ରେ ସେ ଦୁଇ ଦଳ ପକ୍ଷରୁ ସର୍ବଶ୍ରେଷ୍ଠ ବୋଲର ଥିଲେ।

   Related Posts