Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

କ’ଣ ଭୂଟାନ ରୋକିଥିଲା ଭାରତର ପାଣି ? ସାମ୍ନାକୁ ଆସିଲା ସତ

26/06/2020 at 5:32 PM

ନୂଆଦିଲ୍ଲୀ ୨୬।୦୬: ଭୂଟାନ ନେଇ ଖବର ଆସିଥିଲା ଯେ, ଆମର ଏହି ପଡୋଶୀ ଦେଶ ଭାରତ ଗାଁକୁ ପ୍ରବାହିତ ନଦୀର ଜଳ ରୋକି ଦେଇଛି। ଏହି ଗାଁ ଆସାମରେ ଅବସ୍ଥିତ। ମାତ୍ର ଏବେ ଭୂଟାନ ସଫେଇ ଜାରି କରିଛି ଏବଂ ଏମିତି ଖବର ଭୁଲ୍ ବୋଲି କହିଛି। ଆସାମର ମୁଖ୍ୟ ସଚିବ ସଞ୍ଜୟ କୃଷ୍ଣା ମଧ୍ୟ କହିଛନ୍ତି ଯେ, ଭୂଟାନ ପାଣି ରୋକିବା ପରି କିଛି କାମ କରି ନାହିଁ। ଭୂଟାନ ଫଟୋ ମଧ୍ୟ ଜାରି କରିଛି ଏବଂ କହିଛି ଯେ, ଯେଉଁ ଅଳିଆ ଆବର୍ଜନା କାରଣରୁ ପାଣିର ପ୍ରବାହ ଅଟକି ଯାଇଥିଲା, ତାକୁ ସଫା କରାଯାଇଛି।

ସୂଚନାଯୋଗ୍ୟ, ଖବର ଆସିଥିଲା ଯେ, ଭୂଟାନ ଆସାମର ବକ୍ସା ଜିଲ୍ଲାର କୃଷକଙ୍କ ପାଣି ଅଟକାଇ ଦେଇଛି। ଏହାର ପ୍ରତିବାଦରେ ଚାଷୀ ସଡକକୁ ଓହ୍ଲାଇ ବିରୋଧ ପ୍ରଦର୍ଶନ ମଧ୍ୟ ଆରମ୍ଭ କରି ଦେଇଥିଲେ। ପାଣି ଅଟକାଯିବା ଖବର ଆସିବା ପରେ ଭୂଟାନ ସଫେଇ ଦେଇଛି।

ଭୂଟାନ ବୈଦେଶିକ ମନ୍ତ୍ରଣାଳୟ ସାମାଜିକ ଗଣମାଧ୍ୟମରେ ନିଜର ମତ ରଖି କହିଛି ଯେ, ତାଙ୍କ ଦେଶ ପାଣି ରୋକି ନାହିଁ ଏବଂ ଏମିତି ଖବର ଭୁଲ ଅଟେ। ପାଣିରେ ମାଟି ଏବଂ କାଦୁଅ କାରଣରୁ ଜଳର ପ୍ରବାହ ବାଧାପ୍ରାପ୍ତ ହୋଇଥିଲା। ଏବେ ପାଣିରୁ ଅଳିଆ ଆବର୍ଜନା ହଟାଇ ଦିଆଯାଇଛି। ଏହା ସହିତ ଫଟୋ ମଧ୍ୟ ଜାରି କରିଛି ଭୂଟାନ।

ଦୂର ହେଲା ଭୁଲ ଧାରଣା

ଭୂଟାନ ପକ୍ଷରୁ ପ୍ରତିକ୍ରିୟା ଆସିବା ପରେ ଆସାମର ମୁଖ୍ୟ ସଚିବ ସଞ୍ଜୟ କୃଷ୍ଣା କହିଛନ୍ତି ଯେ, ଭୂଟାନ ପାଣି ରୋକି ନଥିଲା। ମାଟି ଏବଂ ଅଳିଆ ଆବର୍ଜନା କାରଣରୁ ଜଲ ପ୍ରବାହ ବାଧାପ୍ରାପ୍ତ ହୋଇଥିଲା। ଭୂଟାନ ଏହି ବିଷୟରେ ଜାଣିବା ମାତ୍ରେ ପାଣିରେ ଥିବା କାଦୁଅ ଓ ଅଳିଆ ଆବର୍ଜନାକୁ ସଫା କରିଥିଲା ବୋଲି ସଞ୍ଜୟ କୃଷ୍ଣା କହିଛନ୍ତି।

ଆସାମର ବକ୍ସା ଜିଲ୍ଲାର କୃଷକ ୧୯୫୩ ପରଠୁ ନିଜର ଧାନ ଚାଷ ପାଇଁ ଭୂଟାନରୁ ବାହାରିଥିବା ନଦୀର  ଜଳ ବ୍ୟବହାର କରିଥାନ୍ତି।  

   Related Posts