ସମ୍ବଲପୁର, ୨୮/୧୦: ସମ୍ବଲପୁର ସ୍ଥିତ ଭୂଷଣ ଜେଏସଡବ୍ଲୁ ପ୍ଲାଣ୍ଟରେ ଉତ୍ତେଜନା । ମୁଖ୍ୟ ଫାଟକ ବନ୍ଦକରି ଆନ୍ଦୋଳନ କରିଛନ୍ତି ଆରଆର କଲୋନୀବାସୀ | ସେମାନେ ଦୀର୍ଘ ରାତ୍ରି ଯାଏଁ ଭୂଷଣ ଗେଟ ବନ୍ଦ କରିବା ସହ ଧାରଣା ଦେଇଛନ୍ତି ସ୍ଥାନୀୟବାସିନ୍ଦା |
ପ୍ରଦୂଷଣକୁ ବିରୋଧ କରି ଲୋକେ ଏହି ଆନ୍ଦୋଳନକୁ ଓହ୍ଲାଇଥିବା ସୂଚନା ମିଳିଛି | ବୁଧବାର ପ୍ଲାଣ୍ଟର ଗୋଟିଏ ୟୁନିଟ୍ ଆରମ୍ଭ କରାଯିବା ପରେ ସ୍ଥାନୀୟ ଅଞ୍ଚଳ ଧୂଳିମୟ ହେବା ସହ ଘରେ ଘରେ ଧୂଳି ପଶିଥିଲା | ଫଳରେ ଅତିଷ୍ଠ ହୋଇ ସ୍ଥାନୀୟ ଲୋକେ ପ୍ଲାଣ୍ଟ ଘେରିଥିଲେ |
ତେବେ ବୁଝାସୁଝା କରିବା ଫଳରେ ଏହି ଆନ୍ଦୋଳନ ସାମୟିକ ସ୍ଥଗିତ କରିଥିଲେ । ଏନେଇ ଗୁରୁବାର ପ୍ଲାଣ୍ଟ କର୍ତ୍ତୃପକ୍ଷଙ୍କ ସହ ଆରଆର କଲୋନୀରେ ବୈଠକ କରିବେ ବୋଲି ସୂଚନା ମିଳିଛି |
