Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୯ ଜଣଙ୍କ ଜୀବନ, ୩୪୭୧ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କାମାକ୍ଷାନଗରରେ ଦୁଇ ସାହି ମଧ୍ୟରେ ଗୋଷ୍ଠୀ ସଙ୍ଘର୍ଷ : ଜଣେ ମୃତ, ୨ ଗୁରୁତର
  • ||
  • ନୟାଗଡ : ୫ ଦିନ ପରେ ମିଳିଳା ନିଖୋଜ ଶିଶୁକନ୍ୟାର ମୃତଦେହ, ଶରୀରଠୁ ଅଲଗା ହୋଇ ପଡିଛି ମୁଣ୍ଡ
  • ||
  • ଖୋର୍ଦ୍ଧା : ଠାକୁରପଡ଼ାରେ ଯୁବକଙ୍କୁ ନିର୍ମମ ହତ୍ୟା ଘଟଣା, ୩ ଗିରଫ
  • ||
  • ଭୁବନେଶ୍ୱର : ୧୮ ଓ ୧୯ରେ ବଢିବ ବର୍ଷା, ୨୦ରୁ ବଦଳିବ ପାଗ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୩୧ କୋଭିଡ୍ ପଜିଟିଭ୍ ଚିହ୍ନଟ
  • ||

ଆସନ୍ତାକାଲି ଶପଥନେବେ ଛତିଶଗଡ଼ର ପରବର୍ତ୍ତୀ ମୁଖ୍ୟମନ୍ତ୍ରୀ ଭୂପେଶ ବାଘେଲା: ଶପଥ ଗ୍ରହଣ ଉତ୍ସବରେ ଯୋଗଦେବେ ନିରଞ୍ଜନ ପଟ୍ଟନାୟକ ଏବଂ ନରସିଂହ ମିଶ୍ର

16/12/2018 at 5:26 PM

ଭୁବନେଶ୍ୱର ୧୬/୧୨ : ଆସନ୍ତାକାଲି କଂଗ୍ରେସର ଗ୍ରାଣ୍ଡ ସେଲିବ୍ରେସନ । ଆଜି ଅଧ୍ୟକ୍ଷ ଭାବେ ରାହୁଲଙ୍କର ଏକ ବର୍ଷ ପୂରଣ କରୁଥିବା ବେଳେ ଆସନ୍ତାକାଲି ଶପଥନେବେ ତିନି ରାଜ୍ୟର ମୁଖ୍ୟମନ୍ତ୍ରୀ । ଘନଘନ ବୈଠକ ପରେ ମଧ୍ୟପ୍ରଦେଶ ଓ ରାଜସ୍ଥାନ ମୁଖ୍ୟମନ୍ତ୍ରୀଙ୍କ ନାଁରେ ମୋହର ମାରିଥିଲେ ରାହୁଲ । ହେଲେ ଆଜି ଛତିଶଗଡ଼ ପାଇଁ ଭୂପେଶଙ୍କ ନାଁରେ ମୋହର ମାରିଛି ଛତିଶଗଡ଼ କଂଗ୍ରେସ ବିଧାୟକ ଦଳ। …..

ଭୂପେଶ ବାଘେଲା ହେବେ ଛତିଶଗଡ଼ର ପରବର୍ତ୍ତୀ ମୁଖ୍ୟମନ୍ତ୍ରୀ। ଭୂପେଶଙ୍କ ନାଁରେ ମୋହର ମାରିଛନ୍ତି ଛତିଶଗଡ଼ ନବନିର୍ବାଚିତ ବିଧାୟକ। ଟିଏସ୍‌ ସିଂହଦେଓ, ତାମ୍ରଧ୍ବଜ୍‌ ସାହୁ ଏବଂ ଚରଣ ଦାସ ମହନ୍ତଙ୍କ ନାକୁ ପଛରେ ରଖି ହାଇକମାଣ୍ଡ ଭୂପେଶଙ୍କୁ ବାଛିଛନ୍ତି । ଆଜି ମଧ୍ୟ ରାଜ୍ୟପାଳଙ୍କୁ ଭେଟି ସରକାର ଗଠନ କରିବାକୁ ଦାବି ଉପସ୍ଥାପନ କରିଛନ୍ତି ଭୂପେଶ।

ଆସନ୍ତାକାଲି କଂଗ୍ରେସର ଶପଥ ଗ୍ରହଣ ଉତ୍ସବ। ତିନି ରାଜ୍ୟରେ କଂଗ୍ରେସ ସରକାରଙ୍କ ରାଜତିଲକ । ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂ ପ୍ରମୁଖ ଶପଥ ଗ୍ରହଣ ଉତ୍ସବରେ ଯୋଗଦେବେ । ସେହିପରି ରାଜ୍ୟ କଂଗ୍ରେସକୁ ମଧ୍ୟ ଆସିଛି ୩ରାଜ୍ୟରୁ  ନିମନ୍ତ୍ରଣ। ଶପଥ ଗ୍ରହଣ ଉତ୍ସବରେ ଯୋଗଦେବା ପାଇଁ ଯାଉଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ଏବଂ ବିରୋଧିଦଳ ନେତା ନରସିଂହ ମିଶ୍ର।

କଂଗ୍ରେସ ନେତାଏ ଉତ୍ସାହରେ।ତିନି ରାଜ୍ୟରେ ନିର୍ବାଚନ ଜିତିକି ଏବେ ସାଧାରଣ ନିର୍ବାଚନ ପାଇଁ ପ୍ରସ୍ତୁତ ହେଉଛି ଦଳ ସେପଟେ ରଣନୀତି ପରିବର୍ତ୍ତନର ଆଭାସ ଦେଲାଣି ବିଜେପି।

   Related Posts