Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ବିପଦରେ ଭୁବନେଶ୍ବର ଲିଙ୍ଗରାଜ ମନ୍ଦିର, ଚିଠି ଲେଖିଲେ ଦେବୋତ୍ତର କମିଶନର

26/09/2019 at 4:41 PM

ଭୁବନେଶ୍ବର (କିଶନ ବାରାଇ) ୨୬|୯: ସଂଙ୍କଟରେ ଓଡ଼ିଶାର ଧାର୍ମିକ ସ୍ଥଳ ଓ ଏହାର କାରୁକାର୍ଯ୍ୟ । ପୂର୍ବରୁ ଶ୍ରୀମନ୍ଦିର ଓ କୋଣାର୍କ ମନ୍ଦିରର ବିପଦସଙ୍କୁଳ ଚିତ୍ର ସାମ୍ନାକୁ ଆସିଛି । ଆଉ ଏବେ ଶ୍ରୀଲିଙ୍ଗରାଜ ମନ୍ଦିରର ସ୍ଥିତିକୁ ନେଇ ଖୋଦ୍ ଦେବୋତ୍ତର କମିଶନର ଉଦବେଗ ପ୍ରକାଶ କରିଛନ୍ତି । ଏଭଳି ସ୍ଥିତି ଲାଗି ସେ ସିଧା ସିଧା ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା ବା ଏଏସଆଇର ଅବହେଳାକୁ ଦାୟୀ କରିଛନ୍ତି ।

ବିପଦରେ ମହାପ୍ରଭୁ ଶ୍ରୀଲିଙ୍ଗରାଜଙ୍କ ମନ୍ଦିର । ରାଜ୍ୟର ଏହି ପ୍ରମୁଖ ଶୈବ କ୍ଷେତ୍ରର ରକ୍ଷଣାବେକ୍ଷଣରେ ଚରମ ଅବହେଳା କରୁଛି ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା ବା ଏଏସଆଇ । ମନ୍ଦିରର ସ୍ଥିତି ସଙ୍କଟରେ । ହେଲେ ଏଏସଆଇର ସ୍ଥାନୀୟ ଅଧିକାରୀ କିଛି ବୁଝୁ ନାହାନ୍ତି କି ଶୁଣୁନାହାନ୍ତି । ଲିଙ୍ଗରାଜ ମନ୍ଦିରକୁ ନେଇ ଏଭଳି ଗଭୀର ଉଦବେଗ ପ୍ରକାଶ କରି ଏଏସଆଇ ଡିଜିଙ୍କୁ ଚିଠି ଲେଖିଛନ୍ତି ଦେବୋତ୍ତର ଆୟୁକ୍ତ ଚିତ୍ତରଞ୍ଜନ ମହାପାତ୍ର ।

୬ ପୃଷ୍ଠା ସମ୍ବଳିତ ଚିଠିରେ କମିଶନର ଲେଖିଛନ୍ତି, ମନ୍ଦିର ଦଧିନଉତି ଫାଟି ଆଁ କରିଛି । ମୁଖ୍ୟ ମନ୍ଦିରରେ ଥିବା ଭାସ୍କର୍ଯ୍ୟ ଜରାଜୀର୍ଣ୍ଣ ଅବସ୍ଥାରେ । କାନ୍ଥରେ ଶିଉଳି ଓ ଗଛଲତା ଭର୍ତ୍ତି ହୋଇଗଲାଣି । ମନ୍ଦିର ଭିତରେ ବିଭିନ୍ନ ସ୍ଥାନରେ ବର୍ଷା ପାଣି ଗଳୁଛି । ଏଏସଆଇର ଓଡ଼ିଶା ଅଫିସ ମନ୍ଦିରଠାରୁ ମାତ୍ର ଗୋଟିଏ କିଲୋମିଟର ଦୂରରେ ଥାଇ ବି ମନ୍ଦିରର ମରାମତି ହୋଇପାରୁନି । ଯେକୌଣସି ସମୟରେ ବି ମନ୍ଦିରରୁ ପଥର ଖସିବା ଆଶଙ୍କାକୁ ଏଡ଼ାଇ ଦିଆ ଯାଇନପାରେ ।

ରାଜ୍ୟର ସ୍ବର୍ଣ୍ଣ ତ୍ରିଭୁଜ ମଧ୍ୟରୁ ଏକାମ୍ର କ୍ଷେତ୍ର ଭୁବନେଶ୍ବର । ମହାପ୍ରଭୁ ଲିଙ୍ଗରାଜଙ୍କୁ ନେଇ ଏହାର ପରିଚୟ । ଏକାଦଶ ଖ୍ରୀଷ୍ଟାବ୍ଦରେ ଯଯାତି ରାଜବଂଶ ଦ୍ବାରା ନିର୍ମିତ ଏହି ମନ୍ଦିର ଉଭୟ ଧାର୍ମିକ ଓ ପର୍ଯ୍ୟଟନ ଦୃଷ୍ଟିରୁ ଆକର୍ଷଣର କେନ୍ଦ୍ର । ଯାହାର ମରାମତି ଓ ସଂରକ୍ଷଣ ଭାର ରହିଛି ଏଏସଆଇ ହାତରେ । ପୂର୍ବରୁ ଏଏସଆଇର ଅବହେଳାକୁ ନେଇ ଅନେକ ଅଭିଯୋଗ ଉଠିଛି । ଏବେ ଖୋଦ୍ ଦେବୋତ୍ତର କମିଶନର ଏ ନେଇ ସଂଗୀନ ଅଭିଯୋଗ ଆଣିଛନ୍ତି । କେବଳ ମୁଖ୍ୟ ମନ୍ଦିର ନୁହେଁ, ବେଢାରେ ଥିବା ଜଗନ୍ନାଥ ମନ୍ଦିର, ପାର୍ବତୀ ମନ୍ଦିର, ଗଣେଶ ମନ୍ଦିର, ରୋଷଘର, ଭୋଗ ମଣ୍ଡପ, ବିଶ୍ବକର୍ମା ମନ୍ଦିର, ଭୁବନେଶ୍ବରୀ ମନ୍ଦିରର ବି ସ୍ଥିତି ଠିକ୍ ନ ଥିବା କମିଶନର କହିଛନ୍ତି ।

ଦେଶର ଅନେକ ଐତିହ୍ୟ ସଂପନ୍ନ ମନ୍ଦିରର ରକ୍ଷଣାବେକ୍ଷଣ ଦାୟିତ୍ବରେ ରହିଛି କେନ୍ଦ୍ର ସରକାରଙ୍କ ଅଧୀନରେ ଥିବା ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା । ତେବେ ଓଡ଼ିଶା କ୍ଷେତ୍ରରେ ଏହି ସଂସ୍ଥା ଅତ୍ୟନ୍ତ ବେପରୁଆ ଢଙ୍ଗରେ କାର୍ଯ୍ୟ କରୁଥିବା କ୍ରମାଗତ ଅଭିଯୋଗ ହୋଇ ଆସୁଛି । ଶ୍ରୀମନ୍ଦିରରେ ଫାଟ ହେଉ କି କୋଣାର୍କ ମନ୍ଦିରର ଭଗ୍ନ ଅବସ୍ଥା ସବୁଥିରେ ଏଏସ୍ଆଇର ଅବହେଳା ଜଳଜଳ ହୋଇ ଦିଶୁଛି । ଆଉ ଏବେ ଲିଙ୍ଗରାଜ ମନ୍ଦିରର ସ୍ଥିତି ଦର୍ଶାଉଛି, ଓଡ଼ିଶାର କାରୁକାର୍ଯ୍ୟକୁ ବୁଝି ଏହାର ମରାମତି କରିବାରେ ଏଏସଆଇ ସଂପୂର୍ଣ୍ଣ ବିଫଳ । ତେଣୁ ଏ ଦିଗରେ ରାଜ୍ୟ ସରକାର ଗମ୍ଭୀରତାର ସହ ବିଚାର କରିବାର ଆବଶ୍ୟକତା ରହିଛି।

   Related Posts