Friday, October 18, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବିଶ୍ୱକପରେ ଆଉ ଖେଳିବେ ନାହିଁ ଭୁବନେଶ୍ୱର କୁମାର ! ମଞ୍ଚେଷ୍ଟରରେ ପହଞ୍ଚିଲେ ନବଦୀପ ସିଂହ

ମଞ୍ଚେଷ୍ଟର ୨୫/୬ : ଭାରତୀୟ ଟିମ ଉପରେ ଆଉ ଏକ ସମସ୍ୟା ଦେଖାଦେଇଛି । ଟିମର ଅନେକ ବ୍ୟାଟ୍ସମ୍ୟାନ ଓ ବୋଲର ଆହତ ହେବ ଯୋଗୁଁ ଟିମରୁ ବାହାରିବାକୁ ପଡିଛି । ଯାହାଫଳରେ ଟିମର ସମସ୍ୟା ବଢି ବଢି ଚାଲିଛି । ଭାରତୀୟ ଟିମ ଏପର୍ଯ୍ୟନ୍ତ ବିଶ୍ୱକପରେ ବହୁତ ଭଲ ପ୍ରଦର୍ଶନ କରିଛି । କିନ୍ତୁ ପ୍ରତ୍ୟକ ମ୍ୟାଚ ପରେ କୈଣସି ନା କୌଣସି ଖେଳାଳି ଆହତ ହୋଇଛନ୍ତି । ଶିଖର ଧୱନଙ୍କ ଆଙ୍ଗୁଠିରେ ଫ୍ରାକ୍ଚର ଯୋଗୁଁ ସେ ବିଶ୍ୱକପରୁ ବାହାରିଗଲେ । ଭୁବନେଶ୍ୱର କୁମାର ଆହତ ହୋଇଥିବା ଯୋଗୁଁ କେତେଟା ମ୍ୟାଚ ଖେଳିପାରିବେ ନାହିଁ ।

ଭୁବନେଶ୍ୱର କୁମାର ମାଂସପେଶୀରେ ଆହତ ହୋଇଥିବା ଯୋଗୁଁ ତାଙ୍କ ଫିଟନେସକୁ ନେଇ ଏପର୍ଯ୍ୟନ୍ତ କୌଣସି ସଠିକ ଖବର ଆସିନାହିଁ । କିନ୍ତୁ ଆପଗାନିସ୍ତାନ ବିପକ୍ଷରେ ଖେଳିଥିବା ମ୍ୟାଚରେ ସେ ଭଲ ପ୍ରଦର୍ଶନ କରିପାରିନଥିଲେ । ତେବେ ସେ ଆଗକୁ ଖେଳିବେ ନା ନାହିଁ ସେ ସମ୍ପର୍କରେ କିଛି ସ୍ପଷ୍ଟ ହୋଇନାହିଁ । କିନ୍ତୁ ସ୍ପିଡ ବୋଲର ନବଦୀପ ସିଂହ ସୈନୀ ଏବେ ମଞ୍ଚେଷ୍ଟରରେ ପହଞ୍ଚିଛନ୍ତି ।

ନବଦୀପ ସୈନୀଙ୍କ ସମ୍ପର୍କରେ ବିସିସିଆଇ କହିଛନ୍ତି ଯେ, ନବଦୀପ ମଞ୍ଚେଷ୍ଟରରେ ପହଞ୍ଚି ସାରିଛନ୍ତି । ସେ ନେଟରେ ଅଭ୍ୟାସ କରୁଛନ୍ତି । ଭାରତୀୟ ଟିମ ସହ ସେ ଟ୍ରେନିଙ୍ଗରେ ଭାଗ ନେବେ । ସେ ବ୍ୟାକଅପ୍ ଭାବେ ଏପର୍ଯ୍ୟନ୍ତ ଟିମରେ ସାମିଲ ହୋଇନାହାନ୍ତି ବୋଲି କହିଛନ୍ତି ବିସିସିଆଇ । ସେ ଏବେ ବ୍ୟାଟିଙ୍ଗ ଅଭ୍ୟାସ କରୁଛନ୍ତି ।

ପାକିସ୍ତାନ ମ୍ୟାଚ ବେଳେ ଭୁବନେଶ୍ୱର କୁମାର ଆହତ ହୋଇଥିଲେ । ଆହତ ହେବାପରେ ସେ ଆଫଗାନିସ୍ତାନ ବିପକ୍ଷରେ ମ୍ୟାଚ ଖେଳିଥିଲେ । ଏବେ ସେ ଫିଟନେସ ପାଇଁ ଲଗାତାର କସରତ କରୁଛନ୍ତି ।

277 Views

   ସମ୍ବନ୍ଧିତ ଖବର