Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||

ଅସୁରକ୍ଷିତ ରାଜଧାନୀ, ନାବାଳିକା ଅସଦାଚରଣ ମାମଲାରେ ପୁଲିସର ହାତ ଖାଲି

27/08/2019 at 6:31 PM

ଭୁବନେଶ୍ବର  ୨୭୮- ନାବାଳିକାକୁ ଅସଦାଚରଣ  ଘଟଣା ଘଟିବାର ୬ ଦିନ ହୋଇଗଲାଣି । ମାତ୍ର ପୋଲିସର ହାତ ଖାଲି ।ଏଭଳି ଘଟଣାଟି  କୌଣସି ଉପାନ୍ତା ଅଞ୍ଚଳରେ ଘଟି ନାହିଁ । ଖୋଦ ରାଜଧାନୀ ଭୁବନେଶ୍ବର ଏକ ଜନଗହଳୀ ପୂର୍ଣ୍ଣ ଇଲାକାରେ ଘଟିଛି । ଯୌନ ପିପାସୁ ରାଜଧାନୀରେ ଅନାସୟରେ ବୁଲୁଛି ।

ଭଲ କରି ଦେଖନ୍ତୁ ଏହି  ଫଟୋକୁ । ଇଏ ହେଉଛି ଲକ୍ଷ୍ମୀ ସାଗର ଥାନା ଅଧିନସ୍ଥ ଶବର ସାହି ଲେନ୍ । ସମୟ ପାଖାପାଖି ସଂନ୍ଧ୍ୟା ୫ ଟା ବାଜି ୪୨ ମନିଟ୍ । ଜଣେ ନାବାଳିକା ଯୁବତୀ ସାଇକେଲରେ  ଏହି ଲେନ ବାଟେ ଟିଉସନ ଯାଉଥଲେ । ସ୍କୁଟିରେ ଜଣେ ଯୁବକ ଉକ୍ତ ନାବାଳିକା ଯୁବତୀକୁ ପିଛା କରୁଛି । ପ୍ରଥମେ ତା ସହ କିଛି କଥା  ହୋଇଥିଲା । କଥା ହେବାର କିଛି ସମୟ ପରେ ଉକ୍ତ ନାବାଳିକା ଯୁବତୀକୁ ଜବର ଜବରଦସ୍ତି ଅଟକାଉଛି । ପରେ ତା ସହ ଅସଦାଚରଣ କରୁଛି । ଏ ପୁରା ଘଟଣା ଏକ ସିସି ଟିଭି ଫୁଟେଜରେ କୈଦ ହୋଇଯାଇଥିଲା । ଗତ ୨୧ ତାରିଖ ଏହି ଘଟଣା ଘଟିଛି । ଏହାକୁ ନେଇ ଉକ୍ତ ନାବାଳିକା ଯୁବତୀର ପରିବାର ଲୋକଙ୍କ  ପକ୍ଷରୁ ଲକ୍ଷ୍ମୀସାଗର ଥାନାରେ ଏକ ମାମଲା ଦାୟର ହୋଇଥିଲା । ମାତ୍ର ପୋଲିସ ଦୋଷୀକୁ ଏଯାଏ ପାଉନି । ଅପରପକ୍ଷରେ ଏହାକୁ ନେଇ ତଦନ୍ତ ଚାଲିଛି । ଦୋଷୀ ବିରୋଧରେ ତୁରନ୍ତ କାର୍ଯନୁଷ୍ଠାନ ହେବ ବୋଲି  ଅତିରିକ୍ତ ପୁଲିସ କମିଶନର ସଞ୍ଜୟ ସିଂ କହିଛନ୍ତି ।

ରାଜଧାନୀରେ ବାରମ୍ବାର ଏଭଳି ଘଟଣା ଘଟୁଛି । ୨୦୧୮ ର ରେକର୍ଡ ଅନୁସାରେ ରାଜଧାନୀରେ ନାବାଳିକା ଦୁଷ୍କର୍ମ ମାମଲା ପୂର୍ବ ବର୍ଷ ଅପେକ୍ଷା ଅଧିକ ଥିଲା । ଯାହାକୁ ନେଇ କମିଶନରେଟ ପୋଲିସ ସମାଲୋଚନାର ଶିକାର ହୋଇଥିଲା । ତେବେ ଏହାକୁ ରୋକିବା ପାଇଁ ପରୀ ଯୋଜନା ଆରମ୍ଭ କରିଥିଲା । ମାତ୍ର ଏବେ ସବୁ ପରେ ଏଭଳି ଘଟଣା ସାମ୍ନାକୁ ଆସିବା, କମିଶନରେଟ ପୋଲିସର କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ଏ ଦିଗରରେ ତ୍ବରିତ ପଦକ୍ଷେପ ନେବା ଆବଶ୍ୟକ ବୋଲି ପୂର୍ବତନ ପୋଲିସ ଡିଜି ଏସ.ଏନ.ତିଓ୍ୱାରୀ କହିଛନ୍ତି ।

ନବାଳିକାକୁ ଅସଦାଚରଣ କରି ଅନାୟାସରେ ଭୁବନେଶ୍ବରରେ ବୁଲୁଛି ଯୌନ ପିପାସୁ । ଘଟଣା ଘଟିବାର ୬ ଦିନ ହୋଇ ଗଲାଣି । ମାତ୍ର ଏଯାଏ ପୋଲିସ ହାତ ଖାଲି । ଏଥିରୁ ସ୍ପଷ୍ଟ ଜଣାପଡୁଛି ନାବାଳିକା ଯୁବତୀଙ୍କ ପାଇଁ ରାଜଧାନୀ ସତରେ ଅସୁରକ୍ଷିତ ।

   Related Posts