ori homes
raja reels contest
raja reels contest
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ହାରୁଛି କରୋନା, ୨୪ ଘଣ୍ଟାରେ ବାହାରିଲେ ୯ କୋଭିଡ୍ ପଜିଟିଭ୍
  • ||

ଭୁବନେଶ୍ୱର ଶିଳ୍ପପତିଙ୍କ ଝିଅ ନିର୍ବନ୍ଧ ଆୟୋଜନ ପାଇଁ ୭୩ ଲକ୍ଷ ଟଙ୍କା ଠକିନେଇଥିବା ଦଲାଲକୁ ଦିଲ୍ଲୀରୁ ଗିରଫ କଲା କମିଶନରେଟ ପୋଲିସ

4/11/2018 at 1:01 PM

ଭୁବନେଶ୍ୱର ୪/୧୧ : ଭୁବନେଶ୍ୱରର ଜଣେ ଶିଳ୍ପପତିଙ୍କ ଠାରୁ ୭୩ ଲକ୍ଷ ଟଙ୍କା ଠକେଇ ଅଭିଯୋଗରେ ଭୁବନେଶ୍ୱର କମିଶନରେଟ ପୋଲିସର ସ୍ପେସିଆଲ ସ୍କ୍ୱାର୍ଡ ଦିଲ୍ଲୀରୁ ନଳିନୀକାନ୍ତ ନନ୍ଦ ନାମକ ଜଣେ ଦଲାଲକୁ ଗିରଫ କରିଛି | ସୂଚନାଯୋଗ୍ୟ ଯେ, ଭୁବନେଶ୍ୱରର ଜଣେ ବିଶିଷ୍ଟ ଶିଳ୍ପପତିଙ୍କ ଝିଅଙ୍କ ନିର୍ବନ୍ଧ ଦୁବାଇର ଏକ ହୋଟେଲରେ କରିବା ପାଇଁ ଯୋଜନା ହୋଇଥିଲା | ଏହି କାର୍ଯ୍ୟକ୍ରମ ପାଇଁ ଦୁବାଇରେ ହୋଟେଲ ବୁକିଂ, ବିମାନ ଟିକେଟ ବୁକିଂ ଏବଂ ଅନ୍ୟାନ୍ୟ ଆନୁସଙ୍ଗିକ ସୁବିଧା ଲାଗି ସମ୍ପୃକ୍ତ ଶିଳ୍ପପତି ଭୁବନେଶ୍ୱର ଏୟାରଫିଲ୍ଡ ଅଂଚଳରେ ଥିବା ଏକ ଟ୍ରାଭେଲ ଏଜେନ୍ସି ସହିତ ଯୋଗାଯୋଗ କରିଥିଲେ | ଟ୍ରାଭେଲ ଏଜେନ୍ସିର ମାଲିକ ନଳିନୀକାନ୍ତ ନନ୍ଦ ଶିଳ୍ପପତିଙ୍କୁ ସବୁ ଆୟୋଜନ ସୁରୁଖୁରୁରେ କରିଦେବେ ବୋଲି ପ୍ରତିଶୃତି ଦେଇଥିଲା | ସେଥିପାଇଁ ଅଗ୍ରିମ ଆକାରରେ ୭୩ ଲକ୍ଷ ଟଙ୍କା ମଧ୍ୟ ନଳିନୀଙ୍କୁ ଶିଳ୍ପପତି ପ୍ରଦାନ କରିଥିଲେ | ତେବେ ନଳିନୀ କୌଣସି ଆୟୋଜନ ନକରି ଏହି ଟଙ୍କା ନେଇ ଫେରାର ହୋଇଯାଇଥିଲେ | ଏ ସମ୍ପର୍କରେ ସମ୍ପୃକ୍ତ ଶିଳ୍ପପତି ଏୟାର ଫିଲ୍ଡ ଥାନାରେ ଅଭିଯୋଗ କରିଥିଲେ | ଏୟାର ଫିଲ୍ଡ ଥାନା ପୋଲିସ ମାମଲାକୁ ସ୍ୱତନ୍ତ୍ର ସ୍କ୍ୱାର୍ଡକୁ ହସ୍ତାନ୍ତର କରିଥିଲା | ସ୍ୱତନ୍ତ୍ର ସ୍କ୍ୱାର୍ଡ ଗତକାଲି ଦିଲ୍ଲୀ ଯାଇ ନଳିନୀକୁ ଗିରଫ କରିଛି |

   Related Posts