Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||

ପୁରୁଣାକୁ ବିଦାୟ ନୂଆକୁ ସ୍ବାଗତ, ରାଜଧାନୀରେ ବଲିଉଡ ଷ୍ଟାର ସିଙ୍ଗରଙ୍କୁ ନେଇ ଦମ୍‌ଦାର ପ୍ରୋଗ୍ରାମ

30/12/2019 at 7:18 PM

ଭୁବନେଶ୍ବର ୩୦।୧୨: ଆଉ ମାତ୍ର ଗୋଟିଏ ଦିନର ଅପେକ୍ଷା । ବିଦାୟ ନେବ ୨୦୧୯ । ପୁରୁଣା ବର୍ଷର ସ୍ମୃତିକୁ ତାଜା କରିବା ସହ ନୂଆ ବର୍ଷକୁ ସ୍ବାଗତ କରିବାକୁ ଚଳଚଞ୍ଚଳ ରାଜଧାନୀ । ଜିରୋ ନାଇଟ୍ ସେଲିବ୍ରେସନ ପାଇଁ ବିଭିନ୍ନ ହୋଟେଲରେ ଚାଲିଛି ଜୋରଦାର ପ୍ରସ୍ତୁତି । କେଉଁଠି ଡିଜେ ତ କେଉଁଠି ବଲିଉଡ୍ ସିଙ୍ଗର ଡ୍ୟାନ୍ସର ନିଜର ଜଲୱା ଦେଖାଇବେ । ବଲିଉଡ୍ ସିଙ୍ଗର ଓ ଡ୍ୟାନ୍ସରଙ୍କ ଠୁମକାରେ ଝୁମିବେ ଦର୍ଶକ ।

ଜିରୋ ନାଇଟ୍ ସେଲିବ୍ରେସନ ପାଇଁ ରାଜଧାନୀର ବିଭିନ୍ନ ହୋଟେଲ ଓ କ୍ଲବ ଗୁଡିରେ ପ୍ରସ୍ତୁତି ଶେଷ ପର୍ଯ୍ୟାୟରେ । କେଉଁଠି ମୁମ୍ବାଇର କଣ୍ଠଶିଳ୍ପୀ ସେମାନଙ୍କ ସଙ୍ଗୀତ ଯାଦୁରେ ଦର୍ଶକଙ୍କ ମନ ମୋହିବେ । ତ ଆଉ କେଉଁ ହୋଟେଲରେ ବେଲି ଡ୍ୟାନ୍ସ ସାଙ୍ଗକୁ ଖାଦ୍ୟପେୟର ମଜା ଉଠାଇବେ ଦର୍ଶକ । ଏହାଛଡା ଅତ୍ୟାଧୁନିକ ଡିଜେ ବ୍ୟବସ୍ଥା ବି ହୋଇଛି । ଗ୍ରାହକଙ୍କୁ ସବୁ ପ୍ରକାରର ମନୋରଞ୍ଜନର ଖୋରାକ୍ ଯୋଗାଇବା ପାଇଁ ବ୍ୟାପକ ଆୟୋଜନ ହୋଇଛି ।

ସେପଟେ ଜିରୋ ନାଇଟ୍ ସେଲିବ୍ରେସନ ବେଳେ କୌଣସି ଅପ୍ରିତିକର ପରିସ୍ଥିତି ଏଡାଇବାକୁ ପ୍ରସ୍ତୁତ ରହିଛି କମିଶନରେଟ୍ ପୋଲିସ । ନୂଆ ବର୍ଷ ପାଇଁ ରାଜଧାନୀରେ ୧୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯିବ । ଏଥି ସହ ଭୁବନେଶ୍ବରରେ ୫ଟି ଅଧିକ ପିସିଆର ଭ୍ୟାନ ଗଡିବ । ମଦ୍ୟପଙ୍କ ଉପରେ କଡା ନଜର ରଖିବ ପୋଲିସ । ଡିସେମ୍ବର ୩୧ ତାରିଖ ରାତି ସାରା ପୋଲିସ କଣ୍ଟ୍ରୋଲ ରୁମ୍ ଖୋଲା ରହିବ । ଜିରୋ ନାଇଟ୍ ସେଲିବ୍ରେସନ ସମୟରେ କମିସନରେଟ ପୋଲିସର ସମସ୍ତ ଗାଇଡ ଲାଇନ ପାଳନ କରିବାକୁ ହୋଟେଲଗୁଡିକୁ ନିର୍ଦ୍ଦେଶ ରହିଛି । ଏଥି ସହ ଫାୟାର ସେଫଟି ଉପରେ ଧ୍ୟାନ ଦେବାକୁ ପରାମର୍ଶ ଦିଆଯାଇଛି ।

   Related Posts