Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

କରୋନାରୁ ସୁସ୍ଥ ହୋଇଥିବା ଲୋକଙ୍କ ଲାଗି ଗୋଟିଏ ଡୋଜ ଟିକା ଯଥେଷ୍ଟ: BHU ଗବେଷକ

30/05/2021 at 9:46 PM

ବନାରସ ୩୦।୫: କରୋନା ଭାଇରସ ମହାମାରୀ ମୁକାବିଲା ଲାଗି ସାରା ଦେଶରେ ଏବେ ଯୁଦ୍ଧକାଳୀନ ଭିତ୍ତିରେ ଟିକାକରଣ ହେଉଛି। ଏହି ଟିକା ୨ଟି ଡୋଜର ହୋଇଥିବା ବେଳେ ସରିଯାଇଥିବାରୁ ଅନେକ ସ୍ଥା ନରେ କାର୍ଯ୍ୟକ୍ରମ ବନ୍ଦ କରି ଦିଆଯାଇଛି। ତେବେ କରୋନାରେ ଆକ୍ରାନ୍ତ ହୋଇ ସାରିଥିବା ଲୋକଙ୍କୁ ଟିକାର ଗୋଟିଏ ଡୋଜ ଯଥେଷ୍ଟ ବୋଲି ବନାରସ ହିନ୍ଦୁ ୟୁନିଭର୍ସିଟି( ବିଏଚୟୁ)ର ବୈଜ୍ଞାନିକ ଏକ ଗବେଷଣାରୁ ଜାଣିବାକୁ ପାଇଛନ୍ତି।  

ଥରେ କରୋନା ଆକ୍ରାନ୍ତ ହୋଇସାରିଥିବା ଲୋକଙ୍କୁ ଗୋଟିଏ ଡୋଜ ଟିକା ଦେବାର ୧୦ରୁ ୧୧ ଦିନ ମଧ୍ୟରେ ସେମାନଙ୍କ ଠାରେ ଆଣ୍ଟିବଡି ବିକଶିତ ହେଉଥିବା ଏହି ଅଧ୍ୟୟନରୁ ଜଣାପଡିଛି। ଏଣୁ ଏପରି ଲୋକଙ୍କ ଲାଗି ଟିକାର ଗୋଟିଏ ଡୋଜ ବ୍ୟବସ୍ଥା  କରିବାକୁ ବୈଜ୍ଞାନିକମାନେ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଛନ୍ତି। ତେବେ ଯେଉଁମାନେ ଆଦୌ କରୋନା ସଂକ୍ରମିତ ହୋଇ ନାହାନ୍ତି ସେମାନେ ଟିକା ନେବାର ୩ରୁ ୪ ସପ୍ତାହ ପରେ ସେମାନଙ୍କ ଠାରେ ଆଣ୍ଟିବଡି ସୃଷ୍ଟି ହେଉଛି।

ସରା ଦେଶରେ ଏପର୍ଯ୍ୟନ୍ତ ୨ କୋଟିରୁ ଅଧିକ ଲୋକେ କରୋନା ସଂକ୍ରମଣରୁ ମୁକ୍ତ ହୋଇସାରିଛନ୍ତି। ଏଣୁ ଏପରି ଲୋକଙ୍କୁ ଟିକାର ଗୋଟିଏ ଡୋଜ ଦିଆଗଲେ କୋଭିଡ-୧୯ ବିରୋଧରେ ସେମାନଙ୍କଠାରେ ଯଥେଷ୍ଟ ଆଣ୍ଟିବଡି ସୃଷ୍ଟି ହୋଇପାରିବ ବୋଲି ଗବେଷକ କହିଛନ୍ତି।  ଏପରି କରାଗଲେ ଟିକା ବଞ୍ଚିବା ସହ ଅନ୍ୟ ଲୋକଙ୍କ କାମରେ ବି ଆସି ପାରିବ ବୋଲି ପ୍ରଧାନମନ୍ତ୍ରୀଙ୍କୁ ଲେଖିଥିବା ପତ୍ରରେ ସୂଚିତ କରିଛନ୍ତି।

ବିଏଚୟୁ ଜୁଲୋଜି ବିଭାଗର ପ୍ରଫେସର ଜ୍ଞାନେଶ୍ୱର ଚୌବେ ୨୦ ଜଣଙ୍କ ଠାରେ କରାଯାଇଥିବା ପାଇଲଟ ସର୍ଭେକ୍ଷଣରୁ ଏହା ଜଣାପଡିଥିବା ଗଣମାଧ୍ୟମକୁ କହିଛନ୍ତି। ଏଥିରେ କରାଯାଇଥିବା ଅଧ୍ୟୟନରେ କୋଭିଡ ଆକ୍ରାନ୍ତ ସୁସ୍ଥ ହେବା ପରେ ସେମାନଙ୍କ ଠାରେ ସୃଷ୍ଟି ହେଉଥିବା ପ୍ରାକୃତିକ ଆଣ୍ଟିବଡି କିଛି ମାସ ପରେ ହରାଉଥିବାର ଜଣାପଡିଛି। ଏଥିରେ ଟିକାକରଣ କରିଥିବା ଲୋକେ କରୋନା ପ୍ରତିରୋଧକ ଶକ୍ତି ହାସଲ କରିପାରିବେ ବୋଲି ପ୍ରଫେସର ଚୌବେ କହିଛନ୍ତି।

ସାର୍ସ କୋଭ-୨ ବିରୋଧରେ ପ୍ରାକୃତିକ ଆଣ୍ଟିବଡିର ଭୂମିକା ଶୀର୍ଷକ ଏହି ଗବେଷଣାରେ ବିଏଚୟୁର ନ୍ୟୁରୋଲଜି ବିଭାଗର ପ୍ରଫେସର ବି.ଏନ.ମିଶ୍ର ଓ ଅଭିଷେକ ପାଠକ ଅଂଶ ଗ୍ରହଣ କରିଥିବା ବେଳେ ଜୁଲୋଜି ବିଭାଗର ପ୍ରେଫେସର ଜ୍ଞାନେଶ୍ୱର ଚୌବେ, ପ୍ରଜ୍ୱଲ ସିଂହ ଓ ପ୍ରଣବ ଗୁପ୍ତା ପ୍ରମୁଖ ଭାଗନେଇଥିଲେ। ବିଏଚୟୁର ଏହି ବୈଜ୍ଞାନିକ ଗବେଷଣା ଆମେରିକାର ସାଇନ୍ସ ଜର୍ଣ୍ଣାଲ ଇମ୍ୟୁନୋଲଜିରେ ପ୍ରକାଶନ ଲାଗି ମଧ୍ୟ ପଠା ଯାଇଛି।  

   Related Posts