Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ଦେବାଳିଆ ସାଟାଲାଇଟ୍ କମ୍ପାନୀ One webର ନିଲାମ ନେଲେ ଭାରତୀ ଗ୍ଲୋବାଲ

3/07/2020 at 7:22 PM

ନୂଆଦିଲ୍ଲୀ ୩।୭: ସୁନୀଲ ମିତ୍ତଲଙ୍କ ଭାରତୀ ଏଣ୍ଟରପ୍ରାଇଜର୍ସ ବ୍ରିଟେନ ସରକାରଙ୍କ ସହ ମିସି ଦେବାଳିଆ ସାଟେଲାଇଟ୍‌ କମ୍ପାନୀ ୱାନ୍‌ ୱେବ୍‌କୁ ନିଲାମ ନେଇଛନ୍ତି। ଏହି ସାଟେଲାଇଟ୍‌ରେ ବ୍ରଡବେଣ୍ଡ ଅପରେସନ ମଧ୍ୟ ଥିଲା। ବ୍ରିଟେନ ସରକାର ଓ ଭାରତୀ ଗ୍ଲୋବାଲ ୱାନ୍‌ ୱେବ୍‌ରେ ୧୦୦ କୋଟି  ଡଲାର ନିବେଶ କରି ପୃଥିବୀ ନିମ୍ନ କକ୍ଷରେ ଉପଗ୍ରହଙ୍କ ଏକ ଶୃଙ୍ଖଳା ସ୍ଥାପନ କରିବେ। ଫଳରେ ବ୍ରଡବେଣ୍ଡ ସହ ଅନ୍ୟ ସେବା ମଧ୍ୟ ଯୋଗାଇ ଦେବେ।

ମିଳିଥିବା ସୂଚନା ଅନୁସାରେ ବ୍ରିଟେନ ସରକାର ୱାନ୍‌ ୱେବ୍‌ରେ ୫୦ କୋଟି ଡଲାର ନିବେଶ କରିବେ। ସେହିପରି ଭାରତୀ ଗ୍ଲୋବାଲ ମଧ୍ୟ ସମପରିମାଣର ନିବେଶ କରି ଏହାର ପରିଚାଳନା ଦାୟିତ୍ୱ ହାତକୁ ନେବେ। ଭାରତୀ ଏଣ୍ଟରପ୍ରାଇଜର୍ସର ଚେୟାରମେନ୍‌ ସୁନୀଲ ମିତ୍ତଲ ନିଲାମ ହାସଲ ନେଇ ସୂଚିତ କରିବା ସହ ଏହା ଦ୍ୱାରା ୟୁନିଭର୍ସାଲ ବ୍ରଡବ୍ୟାଣ୍ଡ କନେକ୍ଟିଭିଟି ଲାଗି ପ୍ରତିଶ୍ରୁତି ପୁରଣ କରିବା ଏବେ ସମ୍ଭବ ହେବ ବୋଲି ସେ କହିଛନ୍ତି।

କେବଳ ଟେଲିଫୋନ ଅଥବା ଇଣ୍ଟରନେଟ୍ ନୁହେଁ ବିମାନ ଓ ସାମୁଦ୍ରିକ କ୍ଷେତ୍ରରେ ମଧ୍ୟ ୱାନୱେବ୍‌ର ବ୍ୟବସାୟୀକ ଉପଯୋଗ ହୋଇପାରିବ। ଗତ ମାର୍ଚ୍ଚ ମାସରେ ସାଟେଲାଇଟ୍ କମ୍ପାନୀ ଦେବାଳିଆ ହୋଇଯାଇଥିବାର ଆବେଦନ କରିଥିଲା। ଏଥିରେ ଥିବା ନିବେଶକ ସଫ୍ଟ ବ୍ୟାଙ୍କ ଫଣ୍ଡିଂ ନ କରିବାରୁ କମ୍ପାନୀ ଦେବାଳିଆ ହୋଇଯାଇଥିଲା। ଭାରତୀ ଭଳି ବ୍ରିଟେନ ସରକାରଙ୍କ ଲାଗି ମଧ୍ୟ ୱାନୱେବ୍‌ ସମାନ ଗୁରୁତ୍ୱ ରଖୁଛି। ସେ ଏହାକୁ ଗାଲିଲିଓ ସାଟେଲାଇଟ୍‌ର ବିକଳ୍ପ ଭାବେ ବ୍ୟାବହାର କରିବାକୁ ଚାହୁଁଛି।

ଏହା ଦ୍ୱାରା ବ୍ରିଟେନ ସରକାର ଏବେ ସଠିକ ନେଭିଗେସନ ସମେତ ସୁପଫାଷ୍ଟ ବ୍ରଡବେଣ୍ଡ ସେବା ମଧ୍ୟ ଯୋଗାଇପାରିବେ। ରାଜନୈତିକ ଦୃଷ୍ଟିରୁ ମଧ୍ୟ ବ୍ରିଟେନରେ ଏହି ଡିଲକୁ ଗୁରୁତ୍ୱପୂର୍ଣ୍ଣ ମନେ କରାଯାଉଛି। ତେବେ ଜୁଲାଇ ୧୦ ତାରିଖ ଦିନ ସାଟେଲାଇଟ୍ କମ୍ପାନୀ ଡିଲରେ ଚୂଡାନ୍ତ ମୋହର ବାଜିବ ବୋଲି ଜଣାପଡିଛି। ଆମେରିକା କମ୍ପାନୀ କୋର୍ଟ ଏହାର ବିକ୍ରି ନେଇ ରାୟ ଦେବା ପରେ କମ୍ପାନୀର କିଣାବିକା ହେବ।  

   Related Posts