Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ଥରେ କି ଦୁଇଥର ନୁହେଁ ଲଗାତାର ୩୧ ଥର କରୋନା ପଜିଟିଭ୍ ହେଲେଣି ଏହି ମହିଳା, ଡାକ୍ତର ବି ଆଶ୍ଚର୍ଯ୍ୟ

24/01/2021 at 12:57 PM

ଭରତପୁର ୨୪/୦୧ : କରୋନା ଭାଇରସ ସଂକ୍ରମଣ ସାଧାରଣତଃ ୧୪ ଦିନରେ ପୁରା ହୋଇଯାଇଥାଏ। କିନ୍ତୁ ରାଜସ୍ଥାନ ଭରତପୁରରେ ଜଣେ ମହିଳା ଗତ ୫ ମାସ ହେଲା କରୋନା ସଂକ୍ରମଣରେ ପୀଡିତ ଅଛନ୍ତି। ୩୦ ବର୍ଷୀୟ ସାରଦା ଦେବୀଙ୍କ କରୋନା ରିପୋର୍ଟ ୩୨ଥର ପଜିଟିଭ ଆସିଲାଣି। ଏଥିରେ ୧୭ଟି RTPCR ଓ ୧୪ଟି ରାପିଡ ଆଣ୍ଟିଜେନ ଟେଷ୍ଟ ସାମିଲ ଅଛି। ତାଙ୍କୁ ଏଲୋପାଥି, ହୋମିଓପାଥି ଓ ଆୟୁର୍ବେଦିକ ଔଷଧ ମଧ୍ୟ ଦିଆଯାଇଛି କିନ୍ତୁ କିଛି ଲାଭ ହୋଇନି।

ମହିଳାଙ୍କୁ ନେଇ ଡାକ୍ତର ମଧ୍ୟ ଚକିତ। ତେବେ ଆହୁରି ଆଶ୍ଚର୍ଯ୍ୟଜନକ କଥା ହେଲା ଲଗାତାର ରିପୋର୍ଟ ପଜିଟିଭ ଆସୁଥିଲେ ବି ସାରଦା ସୁସ୍ଥ ଅଛନ୍ତି ବୋଲି ନିଜେ କହିଛନ୍ତି। ସେ ନିଜେ ନିଜର ସବୁ କାମ କରନ୍ତି। କରୋନା ସଂକ୍ରମଣ ସମୟରେ ତାଙ୍କ ଓଜନ ମଧ୍ୟ ୮ କିଲୋ ବଢିଯାଇଛି। ଡାକ୍ତରଙ୍କ ପାଇଁ ଏହା ଏକ ଅଜବ ମାମଲା। ଜଣେ ୫ ମାସ କରୋନାରେ ପୀଡିତ ରହିବା ସମ୍ଭବତଃ ଦେଶର ପ୍ରଥମ ମାମଲା।

ସାରଦା ଅପନା ଘର ନାମକ ଏକ ଆଶ୍ରମରେ ରହୁଛନ୍ତି। ୫ ମାସ ହେଲାଣି ସେ ଦୁଇ କୋଠରୀ ବିଶିଷ୍ଟ ଏକ ଆଇସୋଲେସନ ରୁମରେ ଜେଲରେ ବନ୍ଦୀ ଭଳି ଜୀବନ ବିତାଉଛନ୍ତି। ଆଶ୍ରମ ଅଧ୍ୟକ୍ଷ ଡ.ବିଏମ ଭରଦ୍ୱାଜ କହିଛନ୍ତି ଯେ ସାରଦାଙ୍କୁ ବଝୋରା ଗାଁରୁ ଏଠାକୁ ଅଣାଯାଇଥିଲା। ସେତେବେଳେ ତାଙ୍କର କରୋନା ରିପୋର୍ଟ ପଜିଟିଭ ଆସିଥିଲା। ତାଙ୍କର ପ୍ରଥମ ଟେଷ୍ଟ ୨୦୨୦ ଅଗଷ୍ଟ ୨୮ ତାରିଖରେ ହୋଇଥିଲା। ଆଶ୍ରମରେ ବର୍ତ୍ତମାନ ସାରଦାଙ୍କ ସମେତ ୪ଜଣ କରୋନା ପଜିଟିଭ ଅଛନ୍ତି।

ଡାକ୍ତର କହିଛନ୍ତି, ସାରଦା କରୋନା ପଜିଟିଭ ହୋଇଥିଲେ ବି ଅନ୍ୟମାନଙ୍କ ପାଇଁ ବିପଦ ନୁହେଁ। କାରଣ ତାଙ୍କ ଶରୀରରେ ଥିବା କରୋନା ଭାଇରସ ଆକ୍ଟିଭ ନୁହଁ। ଅର୍ଥାତ ତାଙ୍କ ଠାରୁ ଅନ୍ୟମାନଙ୍କୁ ସଂକ୍ରମଣ ହେବନାହିଁ। କିନ୍ତୁ ସଚ୍ଚରିଟନଟ ଦୃଷ୍ଟିରୁ ତାଙ୍କୁ ଆଇସୋଲେସନରେ ରଖାଯାଇଛି। ତେବେ ଡାକ୍ତର କହିଛନ୍ତି ଯେ ଲଗାତାର କରୋନା ପଜିଟିଭ ହେବାର ଦୁଇଟି କାରଣ ହୋଇପାରେ। ପ୍ରଥମତଃ, ମୃତ ଜୀବାଣୁ ରୋଗୀଙ୍କ ମୁକୋଜା (ନାସାଲ୍ ମେମ୍ବ୍ରେନ୍) ରେ ଜମା ହୋଇ ରହିଯାଇଛି। ଏହା ନାକର ଝିଲ୍ଲୀ ଦୁର୍ବଳ ହୋଇଯାଇଥାଏ। ଯେଉଁଥିପାଇଁ ରୋଗୀର ରିପୋର୍ଟ ବାରମ୍ବାର ପଜିଟିଭ୍ ଆସିପାରେ। ଦ୍ୱିତୀୟତଃ, ରୋଗୀର ରୋଗ ପ୍ରତିରୋଧକ ଶକ୍ତି ବହୁତ ଦୁର୍ବଳ ଯେଉଁଥିପାଇଁ ସଂକ୍ରମଣ ସମ୍ପୂର୍ଣ ନଷ୍ଟ ହୋଇପାରୁନାହିଁ। ତଥାପି ସଠିକ୍ ସୂଚନା ପାଇଁ ଯାଞ୍ଚ କରିବା ଜରୁରୀ।

   Related Posts