Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଙ୍କୀ : ଶୌଚ ପାଇଁ ଯିବାବେଳେ କଚାଡି ଦେଲା ଦନ୍ତା, ଜଣେ ଗୁରୁତର
  • ||
  • ଭୁବନ : ୨ ଦିନ ପାଇଁ କଲେଜ ସଟ୍‌ଡାଉନ୍, କରୋନା ସଂକ୍ରମିତ ଚିହ୍ନଟ ପରେ ପଦକ୍ଷେପ‌
  • ||
  • ରାଜ୍ୟରେ କରୋନା ନେଲା ଆଉ ୩ ଜଣଙ୍କ ଜୀବନ, ୧୯୩୩ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ବଢ଼ି ଚାଲିଛି କରୋନା ସଂକ୍ରମଣ, ମହାରାଷ୍ଟ୍ରରେ ଆଜିଠାରୁ ମେ ପହିଲା ପର୍ଯ୍ୟନ୍ତ ୧୪୪ ଧାରା
  • ||
  • ଜଗତସିଂହପୁର : ଆଜି ପବିତ୍ର ମହାବିଷୁବ ସଂକ୍ରାନ୍ତି : ମା ଶାରଳାଙ୍କ ପୀଠରେ ଲାଗୁ ହେଲା ୧୪୪ ଧାରା, ନୀତି ସମ୍ପନ୍ନ କରିବେ ସେବାୟତ
  • ||
  • ବାରଙ୍ଗ : ନନ୍ଦନକାନନକୁ ନୂଆ ଅତିଥି, ଦ୍ୱିତୀୟ ଥର ପାଇଁ ମା ହେଲା ବାଘୁଣୀ ମେଘା
  • ||
  • ୨ହଜାର ଟପିଲା ସଂକ୍ରମଣ : ରାଜ୍ୟରେ ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୨୨୬୭ ପଜିଟିଭ୍ ଚିହ୍ନଟ
  • ||

ବ୍ରାଜିଲକୁ ଭାରତ ବାୟୋଟେକ୍ ପଠାଇବ ୨୦ ନିୟୁତ କୋଭାକ୍ସିନ୍, ଚୁକ୍ତି ନେଇ ସ୍ପଷ୍ଟ କଲା ଭାରତୀୟ କମ୍ପାନୀ

27/02/2021 at 3:36 PM

ନୂଆଦିଲ୍ଲୀ,୨୭/୦୨:  ଭାରତ ବାୟୋଟେକ୍ ଶୁକ୍ରବାର ବ୍ରାଜିଲକୁ କୋଭାକ୍ସିନ ଟିକାର ୨୦ ମିଲିୟନ ଡୋଜ୍ ରପ୍ତାନୀ ପାଇଁ ଘୋଷଣା କରିଛି । ବ୍ରାଜିଲର ସ୍ୱାସ୍ଥ୍ୟ ମନ୍ତ୍ରାଳୟ କୋଭିଡ-୧୯ ଭାକସିନର ଟିକା କୋଭାକ୍ସିନର ୨ କୋଟି ଡୋଜ୍ କିଣିବା ପାଇଁ ଭାରତ ବାୟୋଟେକ୍ ସହ ବୁଝାବଣା କରିଥିଲା ।

କୋଭାକ୍ସିନର ବ୍ୟବହାର ନେଇ ବ୍ରାଜିଲର ସ୍ଥାନୀୟ ନିୟାମକ ଏବେସୁଦ୍ଧା ମଞ୍ଜୁରୀ ପ୍ରଦାନ କରିନାହାଁନ୍ତି । ଏହି ବୁଝାବଣା ସେହିଦିନ ହୋଇଥିଲା ଯେଉଁଦିନ ବ୍ରାଜିଲର କରୋନା ଜନିତ ମୃତ୍ୟୁସଂଖ୍ୟା ଅଢେଇ ଲକ୍ଷ ଟପିଥିଲା । ବ୍ରାଜିଲର ରାଷ୍ଟ୍ରପତି ଜେୟର ବୋଲସୋନାରୋ କରେନା ଟିକାର ୮୦ ଲକ୍ଷ ଡୋଜ୍ ମାର୍ଚ୍ଚରେ ଆସିବ ବୋଲି କହିଥିଲେ ।

ସେ ଆହୁରି ମଧ୍ୟ କହିଥିଲେ ଯେ, ଟିକାର ଆଉ ୮୦ ଲକ୍ଷ ଡୋଜ୍ ଏପ୍ରିଲରେ ଏବଂ ପରବର୍ତ୍ତୀ ୪୦ ଲକ୍ଷ ଡୋଜ୍ ମେରେ ଆସିବା ନେଇ ସମ୍ଭାବନା ରହିଛି । ବ୍ରାଜିଲରେ ଟିକାର ଅଭାବ କାରଣରୁ ୨୧ କୋଟି ଜନସଂଖ୍ୟା ବିଶିଷ୍ଟ ଦେଶରେ କେବଳ ୪ ପ୍ରତିଶତ ଲୋକ ହିଁ ଭାକସିନ୍ ନେଇଛନ୍ତି ।

ସୂଚନାଯୋଗ୍ୟ, ଭାରତରେ କୋଭାକ୍ସିନ୍ ଟିକାକୁ ଅନୁମତି ବହୁ ପୂର୍ବରୁ ମିଳି ସାରିଛି ।ଦେଶରେ ଟିକାକରଣ ମଧ୍ୟ ଆରମ୍ଭ ହୋଇଗଲାଣି । ପ୍ରଥମେ ସମ୍ମୁଖ ଯୋଦ୍ଧା ଓ ସ୍ୱାସ୍ଥ୍ୟ କର୍ମୀଙ୍କୁ ଟିକା ପ୍ରଦାନ କରାଯାଇଥିଲା । ଆସନ୍ତା ୧ ତାରିଖରୁ ବରିଷ୍ଠ ନାଗରିକଙ୍କୁ ଟିକା ଦିଆଯିବ ।

   Related Posts