Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୨୨ କୋଭିଡ୍ ସଂକ୍ରମିତ, ୩୩୩୫୬୬ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଟ୍ୱିନ୍ ସିଟିରେ ଭାରତ ବନ୍ଦର ପ୍ରଭାବ: ବ୍ୟାଙ୍କ ସାମ୍ନାରେ କଂଗ୍ରେସ କର୍ମୀଙ୍କ ଭଙ୍ଗାରୁଜା, ବିଧାନସଭାକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ ସହ ଧସ୍ତା ଧସ୍ତି

8/12/2020 at 6:05 PM

ଭୁବନେଶ୍ୱର ୦୮/୧୨ : କେନ୍ଦ୍ର ସରକାରଙ୍କ କୃଷି ନୀତି ପ୍ରତ୍ୟାହାର ଦାବିରେ ଭାରତ ବନ୍ଦ ପାଳନ କରାଯାଇଛି । ଟ୍ବିନ ସିଟିରେ ବନ୍ଦର ପ୍ରଭାବ ଦେଖିବାକୁ ମିଳିଥିଲା । ବିଭିନ୍ନ ଛକରେ କଂଗ୍ରେସ ସମେତ ବାମପନ୍ଥୀ ସଂଗଠନର କର୍ମୀମାନେ ପିକେଟିଂ କରିଥିଲେ । ଟ୍ରେନ ବସ ଚଳାଚଳ ବନ୍ଦ ଯୋଗୁଁ ଯାତ୍ରୀ ପରିବହନ ବାଧାପ୍ରାପ୍ତ ହୋଇଥିଲା ।କଟକର ଏକ ବ୍ୟାଙ୍କ ସାମ୍ନାରେ କଂଗ୍ରେସ କର୍ମୀମାନେ ଭଙ୍ଗାରୁଜା କରିଥିବା ଦେଖିବାକୁ ମିଳିଛି ।

ଭାରତ ବନ୍ଦର ପ୍ରଭାବ । ରାଜଧାନୀରେ ଅଖ ଚକ ବନ୍ଦ । ସକାଳୁ ସକାଳୁ ମାଷ୍ଟର କ୍ୟାଣ୍ଟିନ ଛକରେ ପିକେଟିଂ କରିଥିଲେ କଂଗ୍ରେସ ସମେତ ବାମପନ୍ଥୀ ଦଳ । କୃଷି ଆଇନକୁ ବିରୋଧ କରି କେନ୍ଦ୍ର ସରକାରଙ୍କ ବିରୋଧରେ ନାରାବାଜୀ କରିଥିଲେ ।ଷ୍ଟେସନରେ ଟ୍ରେନ ଚଳାଚଳ ବନ୍ଦ ଥିବା ବେଳେ ରାଜଧାନୀରୁ ଗୋଟିଏ ବି ବସ୍ ଗଡିନଥିଲା । ପିଲା ଛୁଆଙ୍କୁ ଧରି ବସ୍ ଷ୍ଟାଣ୍ଡରେ ଏବଂ ଷ୍ଟେସନରେ ଅଟକି ରହିଥିଲେ ଯାତ୍ରୀ । ଦୋକାନ ବଜାର ବି ଅନେକାଂଶରେ ବନ୍ଦ ଥିଲା । କଂଗ୍ରେସ ଓ ବାମପନ୍ଥୀ ନେତାମାନେ ବିଧାନସଭାକୁ ଧସେଇ ପଶିବାକୁ ଉଦ୍ୟମ କଲା ବେଳେ ପୋଲିସ ସହ ଧସ୍ତା ଧସ୍ତି ହୋଇଥିଲା । ସେହିପରି ନବନିର୍ମାଣ କୃଷକ ସଂଗଠନର କର୍ମୀମାନେ ରାଜଧାନୀରେ ବାଇକ ରାଲି କରି ପିକେଟିଂ କରିଥିଲେ । ଚାଷୀଙ୍କ ସମର୍ଥନରେ ଶୀଖ ସମ୍ପ୍ରଦାୟର ଲୋକମାନେ ଶ୍ରୀୟା ଛକରୁ ଶୋଭାଯାତ୍ରାରେ ବାହାରି ମାଷ୍ଟରକ୍ୟାଣ୍ଟିନ ଛକରେ ପ୍ରତିବାଦ କରିଥିଲେ । ଭୁବନେଶ୍ବରର ପ୍ରମୁଖ ଛକ ସତସଙ୍ଗ ବିହାର, ପଳାଶୁଣି, ଆଚାର୍ଯ୍ୟ ବିହାର, ଜୟଦେବ ବିହାର ରାସ୍ତା ଅବରୋଧ ସହ ଗାଡି ଚଳାଚଳ ବନ୍ଦ ରହିଥିଲା ।

ସର୍ବାଭାରତୀୟ କୃଷକ ଆନ୍ଦୋଳନର ପ୍ରଭାବ କଟକରେ ମଧ୍ୟ ପଡିଛି ।ସର୍ବଦା ଚଳଚଞ୍ଚଳ କଟକ ସହର ବେଶ କେଇଘଣ୍ଟା ଯାଏଁ ଠପ୍‌ ହୋଇଯାଇଥିଲା । କଂଗ୍ରେସ କର୍ମୀମାନେ ସହରର ବିଭିନ୍ନ ଗୁରୁତ୍ବପୂର୍ଣ୍ଣ ସ୍ଥାନ ସମେତ ରାଜରାସ୍ତାରେ ବିକ୍ଷୋଭ ପ୍ରଦର୍ଶନ କରିଥିଲେ ।ତେବେ ବାଦମବାଡି ଛକରେ ଆନ୍ଦୋଳନ ଚାଲିଥିବା ବେଳେ ଏକ ବ୍ୟାଙ୍କ ଆଗରେ କଂଗ୍ରେସ କର୍ମୀମାନେ ହୋହଲ୍ଲା କରିଥିଲେ । ପରେ ଭଙ୍ଗାରୁଜା ବି କରିଥିଲେ । ଗଣ୍ଡୋଗୋଳ ଆଶଙ୍କାରେ ପୁଲିସ କଂଗ୍ରେସ ନେତା ଓ କର୍ମୀ ମାନଙ୍କୁ ଗିରଫ କରିଥିଲା ।ମଧୁପାଟଣା ଛକରେ ଆନ୍ଦୋଳନକାରୀମାନେ ମାନବ ଶୃଙ୍ଖଳ କରି ଅସନ୍ତୋଷ ବ୍ୟକ୍ତ କରିଛନ୍ତି ।

ନୂତନ କୃଷି ଆଇନ ପ୍ରତ୍ୟାହାର ନହେବା ଯାଏଁ ଆନ୍ଦୋଳନ ଜାରି ରଖିବାକୁ ଚେତାବନୀ ଦେଇଛନ୍ତି ବାମପନ୍ଥୀ ନେତା । ବନ୍ଦ ପାଇଁ ଭୁବନେଶ୍ବରରେ ୧୫ ପ୍ଲାଟୁନ ସମେତ ଟ୍ବିନ ସିଟିରେ ୪୫ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା । ୧୦୦ରୁ ଅଧିକ ଆନ୍ଦୋଳନକାରୀଙ୍କୁ ପୋଲିସ ଅଟକ ରଖିଛି ।ତେବେ କୌଣସି ସ୍ଥାନରେ ଅପ୍ରିତିକର ପରିସ୍ଥିତି ସୃଷ୍ଟି ହୋଇନଥିବା ସୂଚନା ଦେଇଛନ୍ତି ପୋଲିସ କମିଶନର ।

ବନ୍ଦ ଡାକରା ଯୋଗୁଁ ଟ୍ବିନ ସିଟିରେ ଜୀବନଯାତ୍ରା ବେଶ୍‌ କେଇଘଣ୍ଟା ଯାଏଁ ପ୍ରଭାବିତ ହୋଇଥିଲା । ତେବେ ଅପାରାହ୍ନ ବେଳକୁ ସ୍ଥିତି ସ୍ବାଭାବିକ ହୋଇଯାଇଥିଲା ।  

   Related Posts