Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

ମୁଡ୍ ରେ ନାହାଁନ୍ତି ସରକାର : ଭାଗଚାଷୀ ଆଇନ ଗଲା ଶୀତଳ ଭଣ୍ଡାରକୁ !

27/09/2018 at 6:05 PM

ଭାଗଚାଷୀ ଆଇନ ଗଲା ଶୀତଳ ଭଣ୍ଡାରକୁ । ଏବେ ଆଉ ଭାଗଚାଷୀ ଆଇନ ହେବାର ନାହିଁ କି ଏଥିପାଇଁ ଗଠିତ ମନ୍ତ୍ରୀ ସ୍ତରୀୟ କମିଟି ଆଉ ବସିବାର ନାହିଁ ବୋଲି ଖୋଦ୍ ରାଜସ୍ବମନ୍ତ୍ରୀ କହିବା ପରେ କଥା ସ୍ପଷ୍ଟ ହୋଇଗଲା । ବର୍ଷେ ତଳୁ ଏହି ଆଇନ ଆସିଯିବା କଥା । ଏଥିପାଇଁ ଆବଶ୍ୟକ ପ୍ରସ୍ତୁତି ବି ଏକପ୍ରକାର ସରିଆସିଥିଲା । କିନ୍ତୁ ସରକାର ଏବେ ଏଥିରୁ ପଛଘୁଞ୍ଚା ଦେଇଛନ୍ତି । ତେଣୁ ଭାଗଚାଷୀଙ୍କୁ ଚିହ୍ନଟ କରି ସେମାନଙ୍କୁ ଇନପୁଟ ସବସିଡି, ଶସ୍ୟ ବୀମା ଆଦି ସୁବିଧା ଦେବାକୁ ଏକ ନିର୍ଦିଷ୍ଟ ଆଇନ ଆସିବ ବୋଲି ଯେଉଁ ଯୋଜନା ଥିଲା ତାହା ଫୁସକି ଯାଇଛି । ବୋଧହୁଏ ୫ ଜଣିଆ ଜଏଣ୍ଟ ଲାଏବିଲିଟି ଗ୍ରୁପ୍ କରି ସବସିଡି, ଶସ୍ୟ ବୀମା, କୃଷି ଋଣ ଆଦି ସରକାରୀ ସୁବିଧା ଦେବା ଯୋଜନାରେ ଅଛନ୍ତି ସରକାର ।

ଭାଗଚାଷୀ ଆଇନ ଆଣିବା ମୁଡ୍ ରେ ନାହାଁନ୍ତି ସରକାର । ରାଜ୍ୟରେ ଭାଗଚାଷୀ ଚିହ୍ନଟ କରି ସେମାନଙ୍କୁ ଇନପୁଟ ସବସିଡି, ଶସ୍ୟ ବୀମା ଓ ବନ୍ୟାବାତ୍ୟା ଆଦି ବିଭିନ୍ନ କ୍ଷୟକ୍ଷତି ଭରଣା ପାଇ ଯେଉଁ ଆଇନ କରିବାକୁ ପ୍ରକ୍ରିୟା ଚାଲିଥିଲା ସେଥିରେ ଏକପ୍ରକାର ଡୋରି ବନ୍ଧା ସରିଲାଣି ।  ଗତ ବର୍ଷ ସେପ୍ଟେମ୍ବରରେ ନୂଆ ଆଇନ ଆସିବା ଯୋଜନା ଥିଲେ ବି ଏଯାଏଁ ସେକଥା ଆଗକୁ ବଢୁନି । ଆଜି କିନ୍ତୁ ରାଜସ୍ବ ମନ୍ତ୍ରୀ କହୁକହୁ କହିଦେଇଛନ୍ତି ଯେ ଏଥିପାଇଁ ଗଠିତ ମନ୍ତ୍ରୀ ସ୍ତରୀୟ ବୈଠକ ଆଉ ବସିବାର ନାହିଁ । ମନ୍ତ୍ରୀ କହିଛନ୍ତି ଜମି ମାଲିକ ଓ ଭାଗଚାଷୀଙ୍କ ସ୍ବାର୍ଥ କିଭଳି ରକ୍ଷା ହେବ ସେନେଇ ସରକାର ନିର୍ଯାସରେ ପହଁଛି ପାରୁନାହାଁନ୍ତି । ତେଣୁ ତାଉପରେ ଆଉ ଏବେ ଚିନ୍ତା କରିବାର ନାହିଁ ।

୨ ବର୍ଷ ତଳେ ଫସଲ ହାନି କାରଣରୁ ଯେତେବେଳେ ରାଜ୍ୟରେ ଚାଷୀ ଆତ୍ମହତ୍ୟା ବଢି ଚାଲିଥିଲା ସେତେବେଳେ ଭାଗଚାଷୀଙ୍କ ସ୍ବାର୍ଥ ସୁରକ୍ଷା କରିବାକୁ ଭାଗଚାଷୀ ଆଇନ ଆସିବ ବୋଲି ସରକାର କହିଥିଲେ । କାରଣ ସେତେବେଳେ ଭାଗଚାଷ କରୁଥିବା ଚାଷୀ ବେଶି ଆତ୍ମହତ୍ୟା କରୁଥିବା ନେଇ ଖବର ଆସୁଥିଲା । ଏଥିପାଇଁ ରାଜସ୍ବମନ୍ତ୍ରୀଙ୍କ ଅଧ୍ୟକ୍ଷତାରେ ଏକ ଆନ୍ତଃ ମନ୍ତ୍ରୀସ୍ତରୀୟ କମିଟି ଗଠନ ହୋଇଥିଲା । ଯେଉଁଥିରେ ସମବାୟ, କୃଷି, ପଞ୍ଚାୟତିରାଜ, ଓ ଆଇନ ବିଭାଗର ମନ୍ତ୍ରୀ ମାନେ ସଦସ୍ୟଥିଲେ । ତହସିଲଦାର ଓ ଆରଆଇଙ୍କ ମାଧ୍ୟମରେ ମାଲିକ ଓ ଭାଗଚାଷୀ ମତାମତ ବି ସଂଗ୍ରହ କରାଯାଇ ଏକ ଡ୍ରାଫ୍ ରିପୋର୍ଟ ପ୍ରସ୍ତୁତ ସରିଥିଲା । ହେଲେ କଣ ହେଲା କେଜାଣି ଆଇନ କରିବା ଦିଗରେ ଆଗ୍ରହ ଦେଖାଇ ନଥିଲେ ସରକାର । ଯେଉଁକଥାକୁ କିଛିଦିନ ତଳେ ଉଠାଇଥିଲେ ପୂର୍ବତନ କୃଷିମନ୍ତ୍ରୀ ଦାମୋଦର ରାଉତ । ଭାଗଚାଷୀ ଚିହ୍ନଟ ନକରି କିଭଳି ସରକାର ସରକାରୀ ସହାୟତା ଚାଷୀଙ୍କୁ ଠିକ୍ ଭାବେ ପହଁଚାଇବେ ବୋଲି ଦାମ ପ୍ରଶ୍ନ କରିଥିଲେ । ଆଜି ମନ୍ତ୍ରୀ ଭାଗଚାଷୀ ଆଇନ ଏବେ ହେବାର ନାହିଁ କହିବା ପରେ ବିରୋଧି ଘେରିଛନ୍ତି ସରକାରଙ୍କୁ । ଚାଷୀଙ୍କୁ ସରକାର ଠକିଦେଲେ ବୋଲି ବିରୋଧି ଅଭିଯୋଗ କରିଛନ୍ତି ।

ଜମି ମାଲିକଙ୍କ ସ୍ବାର୍ଥକୁ ସୁରକ୍ଷା ଦେଇ ଭାଗଚାଷୀଙ୍କୁ କିଭଳି ନ୍ୟାୟ ମିଳିବ ସେନେଇ ନିତି ଆୟୋଗ ନୂଆ ଆଇନ ଆଣିଥିଲେ । ତାହାରି ଆଧାରରେ ଓଡିଶା ସରକାର ବି ନୂଆ ଭାଗଚାଷୀ ଆଇନ ଆଣିବେ ବୋଲି ଘୋଷଣା କରିଥିଲେ । ଏବେ ଯେହେତୁ ଜଏଣ୍ଟ ଲାଏବିଲିଟି ଗ୍ରୁପ୍ ମାଧ୍ୟମରେ ସରକାର କୃଷକମାନଙ୍କୁ ସହାୟତା ଦେଇ କାମ ଚଳାଇବା ଯୋଜନାରେ ଅଛନ୍ତି ସେଥିପାଇଁ ଭାଗଚାଷୀ ଆଇନକୁ ଶୀତଳ ଭଣ୍ଡାରକୁ ପଠେଇଦେଲେ ବୋଲି କୁହାଯାଉଛି ।..

   Related Posts