ଭୁବନେଶ୍ବର୩୦|୪: ପୁଣି ମଦ ମାରିଲା ମଣିଷ । ଉଜାଡିଲା ସଂସାର । ଭଦ୍ରକ ତିହିଡିରେ ବଢିଚାଲିଛି ମଦ ମୃତ୍ୟୁ ସଂଖ୍ୟା । ସଂଧ୍ୟା ୭ ଟା ସୁଦ୍ଧା ଲିକର ଟ୍ରାଜେଡିରେ ୮ ଜଣଙ୍କ ଜୀବନ ଗଲାଣି । ମୃତକ ଦୌଲତପୁରର ରାମଚନ୍ଦ୍ର ପଢିଆରୀ, ସାଧୁଚରଣ ନାୟକ, ସର୍ବେଶ୍ବର ଦାସ, ଶଙ୍କର୍ଷଣ ପରିଡା, ଯଶୀପୁାର ଗାଁର ମନୋଜ ମହାନ୍ତି, କୃଷ୍ଣ ଚନ୍ଦ୍ର ନାୟକ, ବାଇଧର ନାୟକ, ହରିହର ଜେନା ଓ ଦେବେନ୍ଦ୍ର ପଣ୍ଡାଙ୍କ ମତ୍ୟୁ ହୋଇଛି । ଆଜି ସଂଧ୍ୟରେ ମୃତ୍ୟୁ ହୋଇଥିବା ହରିହରଙ୍କ ଘରଚାନ୍ଦବାଲିର କୁଆଁଶର ଓ ଦେବେନ୍ଦ୍ରଙ୍କ ଘର ପଣସପଡା । ସୋମବାର ରାତିରେ ୩ ଜଣଙ୍କ ଜୀବନ ଯାଇଥିଲା । ମଙ୍ଗଳବାର ଆଉ ୬ ଜଣଙ୍କ ମୃତ୍ୟୁ ଘଟିଛି । ଅସୁସ୍ଥଙ୍କ ସଂଖ୍ୟା ୭୬ କୁ ବୃଦ୍ଧି ପାଇଥିବା ବେଳେ ସେମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଗୁରୁତର ରହିଛି ।
/wp:heading {"id":109249}ତେବେ କିଏ ଏହାର କାର୍ପଟ୍ଟଦାର ? କିଏ କାହିଁକି ଲୋକଙ୍କୁ ମଦ ବାଣ୍ଟିଥିଲା ? ନିର୍ବାଚନ ବେଳେ ମଦ ଦୋକାନ ସିଲ୍ ଥିବା ବେଳେ ଏତେ ପରିମାଣର ମଦ ଆସିଲା କେଉଁଠୁ ? କୁହାଯାଉଛି ଭୋଟ ପାଇଁ ବଣ୍ଟାଯାଇଥିଲା ମଦ । ସୋମବାର ରାତିରେ ଦୌଲତପୁର ଗାଁରେ ମଦ ପିଇ ତିନି ଜଣ ଅଚେତ ହୋଇପଡ଼ିବାରୁ ସେମାନଙ୍କୁ ତିହିଡ଼ି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପରେ ଅସୁସ୍ଥଙ୍କ ସଂଧ୍ୟା ବଢିବା ସହ ମୃତ୍ୟୁ ସଂଖ୍ୟା ମଧ୍ୟ ବଢିଥିଲା ।
ଘଟଣା ପରେ ସ୍ଥାନୀୟ ଅଂଚଳରେ ଉତ୍ତେଜନା ପ୍ରକାଶ ପାଇଛି । ଶହ ଶହ ସଂଖ୍ୟାରେ ଲୋକ ତିହିଡି-ଚାନ୍ଦବାଲି ରାସ୍ତା ଅବରୋଧ କରିଥିଲେ । ଜିଲ୍ଳାପାଳ ହସ୍ପିଟାଲରେ ଅସୁସ୍ଥଙ୍କୁ ଭେଟିବା ସହ ଅବକାରୀ କମିଶନରଙ୍କୁ ତଦନ୍ତ ନିର୍ଦେଶ ଦେଇଛନ୍ତି । ଅବକାରୀ ଡେପୁଟି କମିଶନର ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି । ସେପଟେ ଅବକାରୀ ସଚିବ ମଧ୍ୟ ଉଚ୍ଚସ୍ତରୀୟ ତଦନ୍ତ ନିର୍ଦେଶ ଦେଇଛନ୍ତି । ରାଜସ୍ବ, ସ୍ବାସ୍ଥ୍ୟ ଓ ପୋଲିସ- ୩ ବିଭାଗ ମିଳିତ ଭାବେ ଘଟଣାର ତଦନ୍ତ କରିବେ। ନିର୍ବାଚନ ଦିନ ମଦମୃତ୍ୟୁ ଘଟଣା ଘଟିଥିବାରୁ ଏହାକୁ ଗୁରୁତ୍ବର ସହ ନିଆଯାଇଥିବା ଅକବାରୀ ସଚିବ କହିଛନ୍ତି ।
ପୂର୍ବରୁ ରାଜ୍ୟରେ ଅନେକ ଥର ବିଷାକ୍ତ ମଦ ମଣିଷ ମାରିଛି । ଅନେକ ସଂସାର ଉଜାଡିଛି। ତଦନ୍ତ ପାଇଁ କମିଶନ ବସିଛି । ହେଲେ କାହା ବିରୋଧରେ କି କାର୍ଯ୍ୟାନୁଷ୍ଠାନ ହୋଇଛି ତାହା କାହାରିକୁ ଜଣାନାହିଁ । ଏଥର ଭୋଟ ମଦ ସଂସାର ଉଜାଡ଼ିବା ଅଭିଯୋଗ ନିହାତି ସାଂଘାତିକ।