ଭଦ୍ରକ୨୪|୧: ଭଦ୍ରକ ଗ୍ରାମାଞ୍ଚଳ ଥାନା ଅନ୍ତର୍ଗତ ବନ୍ଧଗାଁରେ ଜଣେ ନାବାଳିକା ମେଲୋଡି ଗାୟିକାଙ୍କୁ ଗଣ ଦୁଷ୍କର୍ମ ଅଭିଯୋଗ ହୋଇଛି । ଏହି ଘଟଣାରେ ଭଦ୍ରକ ଗ୍ରାମାଞ୍ଚଳ ପୋଲିସ ଦୁଇଜଣ ଅଭିଯୁକ୍ତଙ୍କୁ ଗିରଫ କରିଛି । ସୂଚନା ଅନୁସାରେ ଗତ ୨୨ ତାରିଖ ଦିନ ଜଣେ ଟେଣ୍ଟ ବ୍ୟବସାୟୀଙ୍କ ପୁଅର ଜନ୍ମଦିନ ଉତ୍ସବ ପାଇଁ ପିଡୀତା ନାବାଳିକା ଗୟିକାଙ୍କୁ ଗୀତ ଗାଇବା ପାଇଁ ଡକାଯାଇଥିଲା । ଜନ୍ମଦିନ ଉତ୍ସବ ସରିବା ପରେ ଦୁଇଜଣ ଯୁବକ ନାବାଳିକାଙ୍କୁ ଗୋଟିଏ ରୁମ ମଧ୍ୟରେ ମଦ ପିଆଇବା ସହ ଦୁଷ୍କର୍ମ କରିଥିଲେ । କେବଳ ସେତିକି ନୁହେଁ ପୁଣି ଘର ବାହାରକୁ ନେଇ ଏକ ନିଛାଟିଆ ଯାଗାରେ ମଧ୍ୟ ନାବାଳିକଙ୍କ ସହ ଦୁଷ୍କର୍ମ କରିଥିଲେ ବୋଲି ଭଦ୍ରକ ଗ୍ରାମାଞ୍ଚଳ ଥାନାରେ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ବନ୍ଧ ଗାଁର ଉମାକାନ୍ତ ବେହେରା ଏବଂ ସୁଶାନ୍ତ ପୁହାଣ ନାମକ ଦୁଇଜଣ ଅଭିଯୁକ୍ତଙ୍କୁ ଆଜି ପୋଲିସ ଗିରଫ କରିଛି