Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||
  • ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ, ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ମୁମ୍ବାଇ ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ, ମଲ୍‌ରେ ଥିଲେ ପ୍ରାୟ ୩୦୦ ଲୋକ
  • ||

ଅବ୍ୟବସ୍ଥା ଘେରରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟ : ଛଅ ମାସ ହେଲା ଅଲଟ୍ରା ସାଉଣ୍ଡ ମେସିନ ଅଚଳ, ବେଡ୍ ନପାଇ ତଳେ ଗଡୁଛନ୍ତି ରୋଗୀ

19/06/2019 at 4:48 PM

ଭଦ୍ରକ ୧୯|୬: ସ୍ବାସ୍ଥ୍ୟ ସେବା ନାଁରେ ପାଣି ଭଳି ଅର୍ଥ ବୋହିଯାଉଛି । କେତେ କଣ ଯୋଜନା କରିଛନ୍ତି ସରକାର । ହେଲେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟର ହାଲ୍ ଦେଖିଲେ ଆପଣ ଜାଣିପାରିବେ, ଲୋକେ କେମିତି ସ୍ବାସ୍ଥ୍ୟ ସେବା ପାଉଛନ୍ତି । ସରକାରଙ୍କ ଉଚ୍ଚାରଣ ଏବଂ ଆଚରଣରେ ଥିବା ପାର୍ଥକ୍ୟ ପୁରା ବାରି ହୋଇପଡ଼ୁଛି ଏଠାରେ ।

ଛଅ ମାସ ହେଲା ଅଲଟ୍ରା ସାଉଣ୍ଡ ମେସିନ ଅଚଳ। ତେଣୁ ଏଠି ତାଲା ଝୁଲୁଛି । ଆଉ ଟ୍ରମା କେୟାର ସେଣ୍ଟରରେ ଏସି ଚାଲୁନି । ଏସି କଥା ଛାଡ଼ନ୍ତୁ । ଫ୍ୟାନ ବି ଠିକ ସେ ବୁଲୁ ନାହିଁ । ପାନ ଛେପରେ ଚଟାଣ  ଆଉ କାନ୍ଥର ରଂଗ ବଦଳିଗଲାଣି । ପାଇଖାନା ହାଲ୍ ବର୍ଣ୍ଣନା କରିବାକୁ ଭାଷା ନାହିଁ । ରୋଗୀ ସବୁ ତଳେ ଗଡ଼ୁଛନ୍ତି ।  ଏମିତି କିଛି ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟରେ । 

ମେଡିକାଲରେ ପରିମଳ ବ୍ୟବସ୍ଥା ବୋଲି ଯେମିତି କିଛି ନାହିଁ । ପିଇବା ପାଣି ପାଇଁ ରୋଗୀ ଏବଂ ତାଙ୍କ ସଂପର୍କୀୟ ନାହିଁ ନଥିବା ଅସୁବିଧା ଭୋଗୁଛନ୍ତି । କେବେଳ ଭଦ୍ରକ ନୁହେଁ ପଡ଼ୋଶୀ ବାଲେଶ୍ବର, କେନ୍ଦୁଝର, କେନ୍ଦ୍ରାପଡ଼ାର ଜିଲ୍ଲାର ଲୋକେ ଏଇ ଡାକ୍ତରଖାନା ଉପରେ ନିର୍ଭର କରନ୍ତି । ସରକାରୀ ଡାକ୍ତରଖାନା ବୋଲି ଅନେକ ଆଶା ନେଇ ଆସୁଥିବା ରୋଗୀ ଏଠି କି ହନ୍ତସନ୍ତ ହେଉଥିବେ ଜଣାପଡିଯାଉଛି ।

ଜିଲ୍ଲା ମୁଖ୍ୟ ଚିକିତ୍ସାଳୟର ଅବସ୍ଥା ଯଦି ଏମିତି ଭଦ୍ରକର ବିଭିନ୍ନ ବ୍ଲକର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ସ୍ବାସ୍ଥ୍ୟର କେମିତି ଥିବ, ତାହା ସହଜରେ ଅନୁମାନ କରିହେଉଛି ।

   Related Posts