ଭଦ୍ରକ ୧୫|୧୨: କୌଣସି ବ୍ୟକ୍ତି କିମ୍ବା କଂପାନୀଠାରୁ କିଛି ବି ଉପହାର ଗ୍ରହଣ କରିପାରିବେନି ସରକାରୀ କର୍ମଚାରୀ । ଓଡ଼ିଶା ସରକାରୀ କର୍ମଚାରୀ କଣ୍ଡକ୍ଟ ରୁଲ୍ ରେ ଏହା ଉଲ୍ଲେଖ ଅଛି । ତବେ ଏହି ନିୟମକୁ ଯେପରି ଭୁଲି ଯାଇଛନ୍ତି ଭଦ୍ରକ ଜିଲ୍ଲାପାଳ ଜ୍ଞାନ ଦାସ । ଧାମରା ବନ୍ଦର କର୍ତ୍ତୃପକ୍ଷଙ୍କ ଗାଡି ଚଢୁଛନ୍ତି ଜିଲ୍ଲାପାଳ । ଗାଡିର ଜାଳେଣୀ ଦେଉଛି ବନ୍ଦର କର୍ତ୍ତୃପକ୍ଷ । ଆଉ ଡ୍ରାଇଭର ବି ଯୋଗାଇ ଦେଇଛି କଂପାନୀ । ଆଉଭଦ୍ରକ ଜିଲ୍ଲାର ବୁଦ୍ଧିଜୀବୀମାନେ ଏହାକୁ ନାପସନ୍ଦ କରିବା ସହ ଘଟଣାର ତଦନ୍ତ ଦାବି କରିଛନ୍ତି ।…
ଦେଖନ୍ତୁ ଏହି ନୂଆ ସ୍କର୍ପିଓକୁ । ନମ୍ବର OD-22N-3970 । ଗାଡିର ନମ୍ବର ପ୍ଲେଟ ଉପରେ ଲେଖାଯାଇଛି ଜିଲ୍ଲାପାଳ, ଭଦ୍ରକ । ଅର୍ଥାତ୍ ଗାଡିଟି ଚଢୁଛନ୍ତି ଭଦ୍ରକ ଜିଲ୍ଲାପାଳ ।
{"id":64083}ଆପଣ ଭାବୁଥିବେ ଗାଡିଟି ସରକାରୀ ଗାଡି ଆଉ ସବୁ ଜିଲ୍ଲାପାଳଙ୍କୁ ସରକାର ଗାଡି ଦିଅନ୍ତି, ଏଥିରେ ଅସୁବିଧା କେଉଁଠି । ହେଲେ ଏହା ସରକାରୀ ଗାଡି ନୁହେଁ କି ସରକାରଏହାକୁ ଦେଇନାହାନ୍ତି । ଗାଡିଟିକୁ ଧାମରା ବନ୍ଦର ଦେଇଛି ଜିଲ୍ଲାପାଳଙ୍କୁ । ଡ୍ରାଇଭର ଦରମାଠୁ ସବୁ ଖର୍ଚ୍ଚ ବନ୍ଦର କଂପାନୀ ବହନ କରୁଛି । ଏପରିକି ଗାଡିର ଇନ୍ଧନ ବି ଜିଲ୍ଲାପାଳଙ୍କ ଅଫିସରୁ ଭରା ଯାଉନାହିଁ । ତବେ ଏଠି ପ୍ରଶ୍ନ ଉଠୁଛିକଂପାନୀ ଗାଡି ଜିଲ୍ଲାପାଳ ଚଢିବା କତେଦୂର ଯୁକ୍ତିଯୁକ୍ତ । ଓଡିଶା ସରକାରୀ କର୍ମଚାରୀ କଣ୍ଡକ୍ଟରୁଲ-1959କୁ ଏହା ଉଲ୍ଲଙ୍ଘନ କରୁନାହିଁ କି ? ସେପଟେ ଗାଡିଟି ଗୀତାଞ୍ଜଳି ମହାନ୍ତି ନାମକ ଜଣେ ମହିଳାଙ୍କ ନାଁରେ ରହିଛି ।
ରାଜ୍ୟ ସରକାରୀ କର୍ମଚାରୀ କଣ୍ଡକ୍ଟ ରୁଲର ୧୪ ନମ୍ବରରେ ରହିଛି କୌଣସି ବ୍ୟକ୍ତି ଠାରୁ ଜଣେ ସରକାରୀ କର୍ମଚାରୀ କୌଣସି ଉପହାର ଗ୍ରହଣ କରିପାରିବେ ନାହିଁ । ତବେ ଭଦ୍ରକ ଜିଲ୍ଲାପାଳ ଧାମରା ବନ୍ଦର ଗାଡି କେମିତି ଚଢୁଛନ୍ତି ? ଆଉ ଧାମରା ବନ୍ଦର କର୍ତ୍ତୃପକ୍ଷ ଜିଲ୍ଲାବାସୀଙ୍କୁ ଉପହାର ନଦେଇ ଜିଲ୍ଲାପାଳଙ୍କୁ କାହିଁକି ଖୁସି କରାଉଛନ୍ତି ? ଏ ନେଇ ଜିଲ୍ଲାପାଳଙ୍କ କୌଣସି ପ୍ରତ୍ରିକ୍ରିୟା ମିଳିନଥିବା ବେଳେ ଗାଡି ସଂପର୍କରେ ସଫେଇ ଦେଇଛନ୍ତି ଜିଲ୍ଲାପାଳଙ୍କ କାର୍ଯ୍ୟାଳୟର କର୍ମଚାରୀ ଓ ଧାମରା ବନ୍ଦରର କର୍ମଚାରୀ ।