ଭଦ୍ରକ, ୧୧/୧୨: ଭଦ୍ରକ ଜିଲ୍ଲା କଂଗ୍ରେସ ପକ୍ଷରୁ ଗୁରୁବାର ମେଡିକାଲ କଲେଜ ପ୍ରତିଷ୍ଠା ଦାବି ଓ ମେଡିକାଲରେ ବିପର୍ଯ୍ୟସ୍ତ ସ୍ୱାସ୍ଥ୍ୟସେବା ଦାବିକୁ ନେଇ ସହରରରେ ୧୨ ଘଣ୍ଟିଆ ବନ୍ଦ ପାଳନ ଯାଇଥିଲା. ଏହି ବନ୍ଦରେ କଂଗ୍ରେସକୁ ସଫଳତା ମିଳିଥିବା ନେଇ କଂଗ୍ରେସ କାର୍ଯ୍ୟକାରୀ ସଭାପତି ନଳିନୀ ମହାନ୍ତି କହିଛନ୍ତି ।
ଗୁରୁବାର ବନ୍ଦ ସମୟରେ କଂଗ୍ରେସ ପକ୍ଷରୁ ୪ ଜଣ ବିଜେଡି ବିଧାୟକ ଓ ଜଣେ ସାଂସଦଙ୍କ କୁଶପୁତୁଳିକା ଦାହ କରାଯାଇଥିଲା.। ତେବେ ଶୁକ୍ରବାର ବିଜେଡି ବିଧାୟକଙ୍କ କିଛି କର୍ମୀ କଂଗ୍ରେସର ଜଣେ କାର୍ଯ୍ୟକାରୀ ସଦସ୍ୟଙ୍କୁ ମାଡ଼ ମାରି ଥିବା ନେଇ ଅଭିଯୋଗ ଆଣିଛି କଂଗ୍ରେସ । ଏହାକୁ ନେଇ ଟାଉନ ଥାନାରେ କଂଗ୍ରେସ ପକ୍ଷରୁ ଲିଖିତ ଅଭିଯୋଗ ହୋଇଛି । ଏହି ଅଭିଯୋଗକୁ ନେଇ ଆଜି କଂଗ୍ରେସ ପକ୍ଷରୁ ଏକ ସାମ୍ବାଦିକ ସମିଳନୀ ଜିଲ୍ଲା କଂଗ୍ରେସ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଛି।
ଏହି ସମ୍ମିଳନୀରେ ଦଳ ଅଭିଯୋଗ କରିଛି ଯେ, ଜଣେ ଦଳୀୟ କାର୍ଯ୍ୟକାରୀ ସଦସ୍ୟଙ୍କୁ ବିଜେଡିର କିଛି ସଦସ୍ୟ ଖଣ୍ଡା, ଖଣ୍ଡା ଓ ହକି ଷ୍ଟିକରେ ମାଡ଼ ମାରିଛନ୍ତି । ଏହି ଘଟଣାର ପୋଲିସ ନିରପେକ୍ଷ ତଦନ୍ତ କରି ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବା ଦାବି କରିଛନ୍ତି କଂଗ୍ରେସ । ଯଦି ଏ ସମ୍ପର୍କରେ ପୋଲିସ କାର୍ଯ୍ୟାନୁଷ୍ଠାନ ନ ନିଏ ତାହା ହେଲେ ଆଗାମୀ ଦିନରେ କଂଗ୍ରେସ ପକ୍ଷରୁ ଥାନା ଘେରାଉ ସହ ଏସପି ଅଫିସ ଓ ଡିଜି ଅଫିସ ପର୍ଯ୍ୟନ୍ତ ଘେରାଉ କରାଯିବ କଂଗ୍ରେସର କାର୍ଯ୍ୟକାରୀ ସଭାପତି ନଳିନୀ ମହାନ୍ତି କହିଛନ୍ତି ।