Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଓମିକ୍ରନ୍ ନେଇ AIIMS ମୁଖ୍ୟ ଗୁଲେରିଆ ଦେଲେ ଚେତାବନୀ, କହିଲେ ନୂଆ ଭାରିଆଣ୍ଟ ଭାକସିନକୁ ଦେଇପାରେ ଚକମା
  • ||
  • ଡ୍ୟାମରେ ଭାସୁଛି ଯୁବକଙ୍କ ମୃତଦେହ, ଗାଧୋଇଲା ବେଳେ ବୁଡି ଯାଇଥିଲେ
  • ||
  • ଦକ୍ଷିଣ ଆଫ୍ରିକାରୁ ମହାରାଷ୍ଟ୍ର ଫେରିଥିବା ବ୍ୟକ୍ତି କୋଭିଡ ପଜିଟିଭ୍: ଆଇସୋଲେସନରେ ସଂକ୍ରମିତ, ଓମିକ୍ରନ୍ ନେଇ ଆଲର୍ଟ
  • ||
  • ଦାନା ବାନ୍ଧୁଛି ବାତ୍ୟା : ୫ରେ ଓଡିଶା-ଆନ୍ଧ୍ର ଉପକୂଳରେ ଲ୍ୟାଣ୍ଡଫଲ୍ !
  • ||
  • ସୋମବାରଠୁ ଶୀତ ଅଧିବେଶନ, ପ୍ରଥମ ଦିନରେ କୃଷି ବିଲ୍ ରବ୍ଦ ନେଇ ଆସିବ ପ୍ରସ୍ତାବ
  • ||

ରାଜ୍ୟର ସବୁ ଜିଲ୍ଲାରେ କାର୍ଯ୍ୟକାରୀ ହେବ ‘ବେଟି ପଢାଅ ବେଟି ବଚାଓ’ ଅଭିଯାନ, ଜାଣନ୍ତୁ କ’ଣ କହିଲେ ବିରୋଧୀ

28/12/2019 at 8:45 PM

ଭୁବନେଶ୍ୱର ୨୮।୧୨ : ରାଜ୍ୟର ସବୁ ଜିଲ୍ଲାରେ ଆରମ୍ଭ ହେବ କେନ୍ଦ୍ରସରକାରଙ୍କ ‘ବେଟି ପଢାଅ ବେଟି ବଚାଓ’ କାର୍ଯ୍ୟକ୍ରମ । ଦେଶର ସବୁ ଜିଲ୍ଲାରେ ଏହି କାର୍ଯ୍ୟକ୍ରମକୁ ଲାଗୁ କରିବାକୁ କେନ୍ଦ୍ର ଘୋଷଣା କରିବା ପରେ ଏମିତି ନିଷ୍ପତ୍ତି ନେଇଛନ୍ତି ରାଜ୍ୟ ସରକାର । ରାଜ୍ୟର କେବଳ ନୟାଗଡ ଜିଲ୍ଲାରେ ଏହି କାର୍ଯ୍ୟକ୍ରମ ଲାଗୁ ଥିଲା । ଜିଲ୍ଲାସ୍ତରରେ ଏଥିପାଇଁ ଆକ୍ସନ ପ୍ଲାନ ପ୍ରସ୍ତୁତ କରିବା ସହ ଟାକ୍ସ ଫୋର୍ସ ଗଠନ କରିବାକୁ ଜିଲ୍ଲାପାଳଙ୍କୁ ନିର୍ଦେଶ ଦେଇ ଚିଠି ଲେଖିଛି ମହିଳା ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ । ସେପଟେ ବିରୋଧୀ କହିଛନ୍ତି କେବଳ ଚିଠି ଲେଖିଲେ ହେବନି ସରକାର ଯୋଜନାକୁ ସଠିକ କାର୍ଯ୍ୟକାରୀ କରିବା ଆବଶ୍ୟକତା ରହିଛି ।

ଆଗକୁ ବଢିବ ବେଟି ପଢାଅ ବେଟି ବଚାଓ କାର୍ଯ୍ୟକ୍ରମ । ରାଜ୍ୟର ୩୦ ଟି ଯାକ ଜିଲ୍ଲାରେ ଲାଗୁ ହେବ ଏହି କେନ୍ଦ୍ରୀୟ ଯୋଜନା । ଏନେଇ ରାଜ୍ୟ ମହିଳା ଶିଶୁ ବିକାଶ ଏବଂ ମିଶନ ଶକ୍ତି ବିଭାଗ ସବୁ ଜିଲ୍ଲାର ଜିଲ୍ଲାପାଳ ମାନଙ୍କୁ  ଚିଠି ଲେଖିଛନ୍ତି ।  ଆଉ ଏହେଉଛି ସେଇ ଚିଠି ଯେଉଁଥିରେ ମହିଳାଙ୍କ  ପାଇଁ ଲିଙ୍ଗଗତ ଭେଦଭାବ କମ୍‌ କରିବା ଲାଗି  ଆରମ୍ଭ ହୋଇଥିବା କେନ୍ଦ୍ରୀୟ ଯୋଜନା ଆସନ୍ତା ନୂଆ ବର୍ଷରୁ ସବୁ ଜିଲ୍ଲାରେ ଲାଗୁ କରିବାକୁ ଜିଲ୍ଲାପାଳମାନଙ୍କୁ କୁହାଯାଇଛି । ବେଟି ବଢାଓ ବେଟି ବଚାଓ ଯୋଜନା ଲାଗି ଜିଲ୍ଲା ସ୍ତରରେ ଆକ୍ସନ ପ୍ଲାନ ପ୍ରସ୍ତୁତ କରିବା, ଯୋଜନା କାର୍ଯ୍ୟକାରୀ କରିବା, ଏହାର ମନିଟରିଙ୍ଗ କରିବା ସହ ଏଥିପାଇଁ ଏକ ଟାକ୍ସ ଫୋର୍ସ ଗଠନ କରିବାକୁ ଜିଲ୍ଲାପାଳ ମାନଙ୍କୁ ନିର୍ଦେଶ ଦେଇଛନ୍ତି ରାଜ୍ୟ ସରକାର ।

ଦେଶରେ ବାଳିକାମାନଙ୍କର ସଂଖ୍ୟା ହ୍ରାସ ସମସ୍ୟାକୁ ରୋକିବା, ବାଳିକା ଓ ମହିଳାମାନଙ୍କୁ ସଶକ୍ତିକରଣ କରିବା ଲାଗି ୨୦୧୫ ଜାନୁଆରୀ ୨୨ରେ କେନ୍ଦ୍ର ସରକାର ଫ୍ଲାଗସିପ ପୋଗ୍ରାମ ବେଟି ପଢାଓ ବେଟି ବଚାଓ ଆରମ୍ଭ କରିଥିଲେ । ଓଡିଶାର ନୟାଗଡ ଜିଲ୍ଲାରେ ଏହି କାର୍ଯ୍ୟକ୍ରମ ଚାଲିଥିଲା । ଏବେ ସରକାରଙ୍କ ଏପରି ନିଷ୍ପତ୍ତିକୁ ନେଇ  କଂଗ୍ରେସ କହିଛି ରାଜ୍ୟରେ ମହିଳା ସୁରକ୍ଷିତ ନୁହଁନ୍ତି , ଯୋଜନା ସଫଳ ହେବ କେମିତି ? ସେପଟେ ବିଜେପି କହିଛି କେବଳ ଘୋଷଣା କଲେ ହେବନି କେନ୍ଦ୍ରୀୟ ଅନୁଦାନ ସଠିକ ବିନିଯୋଗ କରି ଯୋଜନାକୁ ସଠିକ୍ କାର୍ଯ୍ୟକାରୀ କରିବାର ଆବଶ୍ୟକତା ରହିଛି ।

ନିକଟରେ ୱାର୍ଲଡ୍‌ ଇକୋନୋମିକ ଫୋରମ ଦ୍ୱାରା ପ୍ରକାଶିତ  ଲିଙ୍ଗଗତ ପାର୍ଥକ୍ୟ ତାଲିକାରେ ଭାରତ ତଳକୁ ଖସିଛି । ୨୦୧୮ରେ ଏହି ସୂଚି ୧୦୮ ରେ ଥିବାବେଳେ ଚଳିତ ବର୍ଷ ୧୧୨ ତମ ସ୍ଥାନକୁ ଖସିଛି । ଆଉ ଏଭଳି ସ୍ଥିତିରେ ଦେଶର ସବୁ ଜିଲ୍ଲାରେ ବେଟି ପଢାଓ ବେଟି ବଚାଓ କାର୍ଯ୍ୟକ୍ରମ କରିବା ଅନେକ ଗୁରୁତ୍ୱ ବହନ କରୁଛି ।

   Related Posts