Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇଂଲଣ୍ଡକୁ ଏକ ଇନିଂସ୍‌ ଓ ୨୫ ରନ୍‌ରେ ହରାଇଲା ଟିମ୍‌ ଇଣ୍ଡିଆ
  • ||
  • ଅହମଦାବାଦ ଟେଷ୍ଟ ଜିତିଲା ଭାରତ
  • ||
  • ଭାରତ ୩-୧ରେ ସିରିଜ୍‌ ବିଜୟୀ
  • ||
  • ଚାନ୍ଦବାଲି : ବିଜେଡିର ମିଶ୍ରଣ ପର୍ବ, ଦଳକୁ ପ୍ରତ୍ୟାବର୍ତ୍ତନ କଲେ ହେବିଓ୍ବେଟ୍ ନେତା ପ୍ରତାପ ଧଳ
  • ||
  • ମାଥିଲି : କୂଅରୁ ଉଦ୍ଧାର ହେଲା ମା’ ଓ ଶିଶୁ କନ୍ୟାର ମୃତଦେହ, ଶୁକ୍ରବାର ରାତିରୁ ଥିଲେ ନିଖୋଜ
  • ||
  • ଭୁବନେଶ୍ବର : ରାଜଧାନୀର ବିଚ୍ ରାସ୍ତାରେ ଗୋଡେଇ ଗୋଡେଇ ହାଣିଲେ, ଜଣେ ମୃତ, ୨ ଆକ୍ରମଣକାରୀଙ୍କୁ ଧରିଛି ପୋଲିସ
  • ||
  • ବଲାଙ୍ଗିର : ପିଟି ପିଟି ମାରିଦେଲେ, ପ୍ରମାଣ ନଷ୍ଟ ପାଇଁ ଫିଙ୍ଗିଦେଲେ ନାଳରେ, ୨୪ ଘଣ୍ଟାରେ ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ସୋର : କେନାଲରେ ଗାଧୋଇବା ବେଳେ ଭାସିଗଲେ ଯୁବକ, ୩ଦିନ ପରେ ଗୁଜୁରାଟରୁ ଫେରିଲା ମୃତଦେହ
  • ||
  • ଆଠମଲ୍ଲିକ : ଅଜଣା ଗାଡି ଧକ୍କାରେ ଜଣେ ମୃତ, ଜଣେ ଆହତ
  • ||
  • ଭୁବନେଶ୍ବର : ପ୍ରଭୁ ଶ୍ରୀଲିଙ୍ଗରାଜ ପୀଠରେ ରାତି ୧୦ଟାରେ ଉଠିବ ମହାଦୀପ, ମନ୍ଦିର ପରିସରରେ ପାଳନ ହେବ କୋଭିଡ୍ କଟକଣା
  • ||

ବ୍ରହ୍ମପୁର ରାଜନୀତି ପୁରା ସରଗରମ : ଏବେ ପରବର୍ତ୍ତୀ ପରୀକ୍ଷା ପାଇଁ ପ୍ରସ୍ତୁତିର ବେଳ

9/06/2019 at 5:20 PM

ଭୁବନେଶ୍ବର ୯/୬: ସାଧାରଣ ନିର୍ବାଚନ ସରିଲା ।  କିଏ  କେଉଁଠି କେତେ ଭୋଟ୍ ପାଇଲା, କେଉଁଠି କମିଛି କେଉଁଠି ବଢିଛି ସେ ନେଇ ସମୀକ୍ଷା କରିଛନ୍ତି ବିଭିନ୍ନ ରାଜନୈତିକ ଦଳ । ଏବେ ପୌର ନିର୍ବାଚନ ପାଇଁ ସଜବାଜ ହେଉଛନ୍ତି ତିନି ପ୍ରମୁଖ ରାଜନୈତିକ ଦଳ। ବହ୍ମପୁର ମହାନଗର ନିଗମ  ଦଖଲକୁ ନେବା ପାଇଁ ସବୁ ପାର୍ଟି ଜୋରସୋର ଉଦ୍ୟମ ଆରମ୍ଭ କରିଦେଲେଣି ।  ଚାଲନ୍ତୁ ଦେଖିବା ଏ ସଂପର୍କିତ ରିପୋର୍ଟ ।

ସାଧାରଣ ନିର୍ବାଚନ ସରିଛି । ବିଜୟ, ପରାଜୟର ସମୀକ୍ଷା ବି ହୋଇଛି । ଏବେ ପରବର୍ତ୍ତୀ ପରୀକ୍ଷା ପାଇଁ ପ୍ରସ୍ତୁତିର ବେଳ । ଜିତାପଟକୁ ନେଇ ବେଶୀ ଉଲ୍ଲସିତ ହେଲେ ଚଳିବନି । ହାରିଛନ୍ତିମାନେ ଆଗକୁ ଆସୁଥିବା ନିର୍ବାଚନ ପାଇଁ ନିଜକୁ ପ୍ରସ୍ତୁତ କରିବା ଦରକରା । ଆଗକୁ ଅଛି ବ୍ରହ୍ମପୁର ମହାନଗର ନିଗମ ନିର୍ବାଚନ ।  ୪୦ଟି ୱାର୍ଡକୁ ନେଇ ଏହି ନିଗମ ଗଠିତ । ସାଧାରଣ ନିର୍ବାଚନରେ ଏଠାରେ ବିଜେଡିର ଜିତାପଟ ହୋଇଛି । ତେବେ  ଆଗାମୀ ନିର୍ବାଚନରେ ବିଜେପି  ବ୍ରହ୍ମପୁର ମହାନଗର ନିଗମ ଦଖଲ କରିବ ବୋଲି କହିଛନ୍ତି ଦଳର ଜିଲ୍ଲା ସଭାପତି । ଚଳିତ ସାଧାରଣ ନିର୍ବାଚନରେ ବ୍ରହ୍ମପୁର ବିଧାନସଭା ଆସନରେ ବି.ଜେ.ଡି ପ୍ରାର୍ଥୀ ବିକ୍ରମ ପଣ୍ଡା ଜିତିଛନ୍ତି । ତେବେ ବିଜେପି ପ୍ରାର୍ଥୀ କାହ୍ନୁ ଚରଣ ପତି ଗତ ସାଧାରଣ ନିର୍ବାଚନ ତୁଳନାରେ ଅଧିକ ୧୨ ହଜାର ଭୋଟ୍ ପାଇଛି। ତେଣୁ  ଆଗାମୀ ନିର୍ବାଚନରେ ଭଲ କରିବ ବୋଲି ଆଶାବାଦୀ ଅଛି ଦଳ । କଂଗ୍ରେସ ବି କହିଛି ଆମେ ଏଥର ଭଲ ପ୍ରଦର୍ଶନ କରିବୁ ବୋଲି । ଆଗାମୀ ନିର୍ବାଚନ ପାଇଁ ଏବେଠୁ ଆରମ୍ଭ ହୋଇଗଲାଣି ଅଙ୍କ କଷା ଆଉ ରଣନୀତି ପ୍ରସ୍ତୁତି ।

ଗତ ବିଏମସି ନିର୍ବାଚନରେ ବି.ଜେ.ଡି ୨୪ଟି ରେ ବିଜୟୀ ହୋଇଥିବା ବେଳେ କଂଗ୍ରେସ ୧୪ଟିରେ ବାଜିମାରିଥିଲା ।  ବି.ଜେ.ପି ଗୋଟିଏରେ ଏବଂ ସ୍ବାଧୀନ ପ୍ରାର୍ଥୀ ଜଣେ ବିଜୟୀ ହୋଇଥିଲେ। ପରବର୍ତ୍ତୀ ସମୟରେ ପର୍ଯ୍ୟାୟ କ୍ରମେ କଂଗ୍ରେସର ୧୪ ଜଣ କୋର୍ପୋରେଟର୍ ବି.ଜେ.ଡିରେ ସାମିଲ୍ ହୋଇଥିଲେ। ଏଭଳି ପରିସ୍ଥିତିରେ ବି.ଜେ.ଡିର ସ୍ଥିତି ମଜବୁତ୍ ଥିବା ପରି ଜଣାପଡୁଛି। ସେପଟେ ମେୟର୍ ପଦବୀକୁ ନେଇ ତିନି ରାଜନୈତିକ ଦଳରେ ଆଶାୟୀଙ୍କ ସଂଖ୍ୟା ଅଧିକ ଅଛନ୍ତି। କଂଗ୍ରେସରୁ ଆସି ବିଜେଡିରେ ସାମିଲ ହୋଇଥିବା ଭଗବାନ ଗନ୍ତାୟତ ମେୟର୍ ପଦବୀ ରେସ୍‌ରେ ଆଗରେ ଅଛନ୍ତି ।  ଅନ୍ୟପଟେ ଦଳ ଯାହା ନିଷ୍ପତ୍ତି ନେବ ତାକୁ ମାନିବାକୁ ପଡିବ ବୋଲି କହିଛନ୍ତି ବ୍ରହ୍ମପର ବିଧାୟକ ବିକ୍ରମ ପଣ୍ଡା। ନିର୍ବାଚନ ପାଇଁ ଏ ପର୍ଯ୍ୟନ୍ତ ଘୋଷଣା ହୋଇନାହିଁ। ଦଳୀୟ ହାଇକମାଣ୍ଡ୍‌ଙ୍କ ନିଷ୍ପତ୍ତି ଉପରେ ସବୁ କିଛି ନିର୍ଭର କରେ ବୋଲି କହିଛନ୍ତି ସେ । ନବୀନ ବାବୁଙ୍କ ବିକାଶମୂଳକ ଯୋଜନା ଏବଂ ସ୍ବଚ୍ଛ, ନିର୍ମଳ ଶାସନ ଯୋଗୁଁ ବ୍ରହ୍ମପୁର ମହାନଗର ନିଗମକୁ ପୁଣି ଥରେ ଅକ୍ତିଆର କରିବୁ ବୋଲି ବିଧାୟକ ବିକ୍ରମ ପଣ୍ଡା କହଛନ୍ତି।

ନିର୍ବାଚନ ପାଇଁ ତାରିଖ ଘୋଷଣା ହୋଇନି । ହେଲେ ସମସ୍ତେ ବ୍ରହ୍ମପୁର ରାଜନୀତି ପୁରା ସରଗରମ ହେଇଗଲାଣି । ଦେଖାଯାଉ ରେଶମ ସହରବାସୀ କାହା ମଥାରେ ବିଜୟ ଟୀକା ଲଗାଇବେ । 

   Related Posts