ବ୍ରହ୍ମପୁର ୭/୯ : ବ୍ରହ୍ମପୁର ଗୋସାଣିନୁଆଁ ଗାଁ ଥାନା ଅନ୍ତର୍ଗତ ସନ୍ତୋଷୀ ମାଁ ମନ୍ଦିର ରାସ୍ତାରେ ଗତ ମାସ ୯ ତାରିଖରେ ଲୁଟ୍ ହୋଇଥିବା ଘଟଣାରେ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ। ଗିରଫ ଅଭିଯୁକ୍ତ ଜଣକ ହେଲେ ଆସିକା ଅଞ୍ଚଳର ଏ.ରମେଶ। ଗିରଫ ବେଳେ ୧ ଲକ୍ଷ ୮୦ ହଜାର ଟଙ୍କା ସହ ଗୋଟିଏ ମୋବାଇଲ୍ ଫୋନ୍ ଓ ଗୋଟିଏ ମୋଟର ସାଇକେଲ୍ ଜବତ କରିଥିବା ପୁଲିସ୍ କହିଛି। ସୁଚନା ଅନୁଯାୟୀ ଏକ ଠିକା ସଂସ୍ଥାରେ କାମ କରୁଥିବା ଜଗଦିଶ ପାତ୍ର ନାମକ ଜଣେ ଯୁବକ ଅନ୍ଧପସରା ରୋଡ ଠାରେ ଥିବା ଆନ୍ଧ୍ରବ୍ୟାଙ୍କରୁ ୫ ଲକ୍ଷ ଟଙ୍କା ଉଠାଇ ଫେରୁଥିଲେ। ହେଲେ ପ୍ରାୟ୨ଟା ସମୟରେ ସନ୍ତୋଷୀ ମାଁ ମନ୍ଦିର ରାସ୍ତାରେ ଦୁଇଜଣ ଦୁର୍ବୁତ୍ତ ମୋଟର ସାଇକଲରେ ଆସି ତାଙ୍କୁ ବନ୍ଧୁକ ଦେଖାଇ ୫ ଲକ୍ଷ ଲୁଟି ନେଇଥିବା ଥାନାରେ ଅଭିଯୋଗ ହୋଇଥିଲା। ପୋଲିସ ଘଟଣା ର ଛାନଭିନ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି। ଅନ୍ୟତମ ଅଭିଯୁକ୍ତ ଫରାର ଥିବାବେଳେ ଅତିଶୀଘ୍ର ଗିରଫ କରାଯିବ ବୋଲି ପୋଲିସ ସୁଚନା ଦେଇଛି।