Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ପରିଚୟ ବିହୀନ ଶିଶୁ କନ୍ୟାକୁ ଆଦରରେ କୋଳେଇ ନେଲେ ବେଙ୍ଗାଲୁରୁର ଦମ୍ପତ୍ତି

21/10/2020 at 3:09 PM

ବଲାଙ୍ଗୀର ୨୧।୧୦: କଥାରେ ଅଛି ଯାହାର କେହି ନାହିଁ ତାକୁ ଭଗବାନ ସାହା । ମା’ ସିନା ଜନ୍ମ କରିଦେଲା ହେଲେ ଅଲୋଡା କରି ଛାଡି ଚାଲିଗଲା । କୋମଳମତି ଶିଶୁ କନ୍ୟାକୁ ଆଦରି ନେଲେ ସୁଦୂର ବେଙ୍ଗାଲୁରୁର ଦମ୍ପତ୍ତି । ଶିଶୁଟିକୁ କୋଳେଇ ନେଲେ ନିଜ କୋଳକୁ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ବଲାଙ୍ଗୀର ସହରରେ ।

ଗତ କିଛି ମାସ ତଳେ ସ୍ଥାନୀୟ ଆୟୁର୍ବେଦିକ କଲେଜ ନିକଟରୁ ଏକ ପରିତ୍ୟକ୍ତ ସ୍ଥାନରୁ ନବଜାତ ଶିଶୁ କନ୍ୟାକୁ ଉଦ୍ଧାର କରିଥିଲା ଜିଲ୍ଲା ଶିଶୁ ସୁରକ୍ଷା ୟୁନିଟ୍ । ଶିଶୁଟିକୁ ଉଦ୍ଧାର କରି ତାର ଚିକିତ୍ସା ପରେ ସ୍ଥାନୀୟ ପ୍ୟାଲେସ୍ ଲାଇନ୍ ନିକଟରେ ଥିବା ପୋଷ୍ୟ ସନ୍ତାନ ଗ୍ରହଣ ଅନୁଷ୍ଠାନ ବା ସିଏଏରେ ରଖାଯାଇଥିଲା । ସେଠାରେ ତାର ଲାଳନ ପାଳନ କରୁଥିଲେ ଅନୁଷ୍ଠାନର କର୍ମଚାରୀ । ତାର ନାଁ ତୁଳସୀ ରଖାଯାଇଥିଲା । ତେବେ କୌଣସି ସୂତ୍ରରୁ ଖବର ପାଇ ଶିଶୁଟିକୁ କୋଳେଇ ନେବା ପାଇଁ ବେଙ୍ଗାଲୁରୁରୁ ଏକ ଦମ୍ପତ୍ତି ଧାଇଁ ଆସିଥିଲେ ବଲାଙ୍ଗୀରକୁ ।

ଜିଲ୍ଲପାଳ ଚଞ୍ଚଳ ରାନାଙ୍କ ସହ କଥା ହେବା ପରେ ୭ ମାସର ଏହି ଶିଶୁ କନ୍ୟାକୁ କୋଳେଇ ନେଇଛନ୍ତି ବେଙ୍ଗାଲୁରୁର ଏହି ଦମ୍ପତ୍ତି । ଜିଲ୍ଲା ଶିଶୁ ସୁରକ୍ଷା ୟୁନିଟ୍ ଅଫିସରେ ଜରୁରୀ ସରକାରୀ କାଗଜପତ୍ର କରି ପୋଷ୍ୟ ସନ୍ତାନ ଭାବେ ଗ୍ରହଣ କରିଛନ୍ତି । ପେଶାରେ ଓକିଲ ଥିବା ଏହି ଦମ୍ପତ୍ତିଙ୍କ ପଦକ୍ଷେପକୁ ବେଶ୍ ପ୍ରଶଂସା କରାଯାଉଛି । ସେହିପରି ଭବିଷ୍ୟତରେ ତୁଳସୀକୁ ଏକ ଭଲ ମଣିଷ କରିବେ ବୋଲି କହିଛନ୍ତି ବେଙ୍ଗାଲୁରୁର ଦମ୍ପତ୍ତି ।

   Related Posts