ଅଧିକାଂଶ ଲୋକ ମାଛ ଖାଇବା ବହୁତ ପସନ୍ଦ କରନ୍ତି। ମାଛ ଖାଇବା ଶରୀର ପାଇଁ ମଧ୍ୟ ଭଲ ହୋଇଥାଏ। ମାଛ ଖାଇବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ମାଛର ସ୍ବାଦ ଖାଇବା ପାଇଁ ଲୋକଙ୍କର ସଉକ ବଢାଏ। ମାଛ ଖାଇବା ଶରୀର ପାଇଁ ନିଶ୍ଚୟ ଲାଭଦାୟକ ହୋଇଥାଏ। କିନ୍ତୁ ମାଛ ଖାଇଲେ ଶରୀରର କେଉଁ ଅଙ୍ଗକୁ ଫାଇଦା ହୁଏ ତାହା ବହୁତ କମ ଲୋକ ଜାଣିଥାନ୍ତି ।ମାଛରେ ପ୍ରୋଟିନ, କାଲଶିଅମ, ମାଗ୍ନେଶିଅମ, ଫେଟି ଏସିଡ୍‌ ଓ ଓମେଗା ୩ ଭଳି ତତ୍ବ ଅଛି ଯାହା ଶରୀର ପାଇଁ ଆବଶ୍ୟକ।

ପିଲା ଛୁଆଙ୍କ ସ୍ମରଣ ଶକ୍ତି ବଢାଇବା ପାଇଁ ମାଛ ଖାଇବା ଜରୁରୀ କାରଣ ଏହାର ପୁଷ୍ଟିକର ତତ୍ବ ବୁଦ୍ଧିର ବିକାଶ କରାଏ। ମାଛରେ ଓମେଗା ଓ ଫେଟି ଏସିଡ୍‌ର ମାତ୍ରା ବହୁତ ଅଧିକ ଥିବାରୁ ଏହା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ ଓ କ୍ୟାନସର ଭଳି ରୋଗରୁ ବର୍ତ୍ତିବା ପାଇଁ ସାହାଯ୍ୟ କରେ।

ମାଛରେ ଥିବା ପୁଷ୍ଟିକର ତତ୍ବ ତ୍ବଚାର ଚମକ ଓ ସୌନ୍ଦର୍ଯ୍ୟକୁ ବଢାଇଥାଏ। କେଶ ଝଡିବା ଆଜିକାଲି ସାଧାରଣ କଥା ହୋଇଯଇଛି। ଅଧିକାଂଶ ଲୋକେ ଏହି ସମସ୍ୟାର ଶିକାର ହୁଅନ୍ତି। ମାଛ ଖାଇଲେ କେଶ ଝଡିବା ସମସ୍ୟା ଦୂର ହୋଇଥାଏ। କେଶ ଝଡିବା ବନ୍ଦ ହେବା ସହ ସୁସ୍ଥ ଘନ କେଶ ହୋଇଥାଏ।

ଉଚ୍ଚ ରକ୍ତ ଚାପର ସମସ୍ୟା ଥିଲେ ମାଛ ଖାଇବା ଉଚିତ୍‌। ମାଛରେ ଥିବା ଲୋ ଫାଟ୍‌ ରକ୍ତ ଚାପ ନିୟନ୍ତ୍ରଣ କରିବାରେ ସାହାଯ୍ୟ କରେ। ମାଛ ଖାଇଲେ ଆଖିର ଦୃଷ୍ଟି ଶକ୍ତି ବଢେ। ମାଛ ଖାଇଲେ ଆଖି ଲାଲ ହେବା, ଆଖି ଜଳିବାର ସମସ୍ୟା ମଧ୍ୟ ହୁଏ ନାହିଁ। କେବଳ ସେତିକି ନୁହଁ ଆଖି ସମ୍ବନ୍ଧିତ ଅନେକ ରୋଗ ଥାଏ। ତେଣୁ ଏହି ସମସ୍ୟାରୁ ମୁକ୍ତ ହେବା ପାଇଁ ମାଛ ଖାଇବା ଆବଶ୍ୟକ। ମାଛ ସହ ମାଛ ମୁଣ୍ଡରେ ମଧ୍ୟ ବହୁତ ଔଷଧିୟ ଗୁଣ ଥାଏ ।