ଭୁବନେଶ୍ବର ୨୧।୧୨: କୌଣସି ସ୍କିମରେ ହିତାଧିକାରୀଙ୍କୁ ଦିଆଯିବନି ନଗଦ ଟଙ୍କା । ଏଣିକି ହିତାଧିକାରୀଙ୍କ ଆକାଉଣ୍ଟକୁ ସିଧା ସ୍କିମ୍ ଟଙ୍କା ପଠାଇବେ ସରକାର । ଷ୍ଟେଟ୍ ଲେବଲ ବ୍ୟାଙ୍କର୍ସ କମିଟି ବୈଠକରେ ଏଭଳି ନିଷ୍ପତ୍ତି ନିଆଯାଇଛି ।
ଖୁବ୍ ଶୀଘ୍ର ରାଜ୍ୟର ୫୭୧ ସ୍ଥାନରେ ବ୍ୟାଙ୍କ୍ ସେବା ଯୋଗାଇଦେବାକୁ ବ୍ୟାଙ୍କର୍ସ କମିଟି ପକ୍ଷରୁ ନିଷ୍ପତ୍ତି ହୋଇଛି । କେନ୍ଦ୍ର ସରକାରଙ୍କ ଗାଇଡଲାଇନ୍ ଅନୁସାରେ ପ୍ରତି ଗାଁର ୫କି.ମି. ଭିତରେ ବ୍ୟାଙ୍କ ରହିବା ଆବଶ୍ୟକ । ଖୁବ୍ ଶୀଘ୍ର ସ୍ବାଭିମାନ ଅଞ୍ଚଳରେ ୨ଟି ଏସବିଆଇ ଶାଖା ଖୋଲିବା ନେଇ ଷ୍ଟେଟ୍ ଲେଭଲ ବ୍ୟାଙ୍କର୍ସ କମିଟି ବୈଠକରେ ଆଲୋଚନା ହୋଇଛି ।
୨୦୨୦ରେ ପ୍ରତି ବିଭାଗର ସମସ୍ତ ନେଣଦେଣ ଡିଜିଟାଲ ପେମେଣ୍ଟ ଜରିଆରେ ହେବ । ଓଡ଼ିଶାର ୪ ହଜାର ୯ଶହ ୨୧ ପଞ୍ଚାୟତରେ ନାହିଁ ବ୍ୟାଙ୍କ ସେବା । ଲୋକଙ୍କ ସୁବିଧା ପାଇଁ ତୁରନ୍ତ ଗ୍ରାମପଞ୍ଚାୟତ କାର୍ଯ୍ୟାଳୟରେ ବ୍ୟାଙ୍କ୍ ଖୋଲାଯିବା ନେଇ ସୂଚନା ମିଳିଛି ।