Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ପୁରୀ ସହର ହେବ ଭିକାରିମୁକ୍ତ- ଭିକାରୀଙ୍କୁ ମିଳିବ ଧନ୍ଦାମୂଳକ ପ୍ରଶିକ୍ଷଣ , କିନ୍ନରଙ୍କୁ ମିଳିବ ପେନସନ

30/01/2020 at 6:08 PM

ଭୁବନେଶ୍ୱର /ପୁରୀ ୩୦।୦୧ – ପୁରୀ ହେବ ଭିକାରିମୁକ୍ତ ସହର । ଭିକ୍ଷାବୃତ୍ତି କରୁଥିବା ଲୋକଙ୍କୁ ଥଇଥାନ ପାଇଁ ଖୋଲାଯିବ ଧନ୍ଧାମୂଳକ ପ୍ରଶିକ୍ଷଣ କେନ୍ଦ୍ର । ପୁରୀ ସହରରୁ ପାଇଲଟ ପ୍ରୋଜେକ୍ଟ ଭାବେ ଏହା ଆରମ୍ଭ କରାଯିବ । ପରେ ଭୁବନେଶ୍ବର ସହରରେ ବି ସମାନ କାର୍ଯ୍ୟକ୍ରମ କରିବେ ସରକାର । ଏଥି ସହିତ କିନ୍ନରଙ୍କୁ ମଧୁବାବୁ ପେନସନ୍ ଯୋଜନାରେ ସାମିଲ କରାଯିବାକୁ ସରକାରଙ୍କ ପ୍ରସ୍ତାବ ରହିଛି ।….

ଭିକାରୀଙ୍କୁ ମିଳିବ ଧନ୍ଦାମୂଳକ ପ୍ରଶିକ୍ଷଣ । କିନ୍ନରଙ୍କୁ ମିଳିବ ପେନସନ । ବରିଷ୍ଠ ନାଗରିକ ଓ ମାନସିକ ଅନଗ୍ରସର ଏବଂ କିନ୍ନରଙ୍କୁ ରହିବା ଲାଗି ସମନ୍ବିତ ପୁନର୍ବାସ ଥଇଥାନ କେନ୍ଦ୍ର ଖୋଲିବେ ରାଜ୍ୟ ସରକାର । ଏନେଇ ଖୁବ ଶିଘ୍ର ଆରମ୍ଭ ହେବ ଯୋଜନା । ଐତିହ୍ୟ ସହର ପୁରୀରୁ ଆରମ୍ଭ ହେବ ଭିକାରୀ ମୁକ୍ତ ସହରର ପାଇଲଟ ପ୍ରୋଜେକ୍ଟ । ଏହା ପରେ ରାଜଧାନୀ ଭୁବନେଶ୍ବରକୁ ଭିକାରୀ ମୁକ୍ତ ସହର କରାଯିବା ଲାଗି କାର୍ଯ୍ୟକ୍ରମ କରିବେ ସରକାର । ଭିକାରୀ ମାନଙ୍କ ଯୋଗ୍ୟତା ଅନୁସାରେ ସେମାନଙ୍କୁ ଧନ୍ଦାମୂଳକ ପ୍ରଶିକ୍ଷଣ ଦିଆଯିବ ସହ ଥଇଥାନ କରିବେ ସରକାର । ଭିକ୍ଷାବୃତ୍ତି କରୁଥିବା ଲୋକଙ୍କୁ ଥଇଥାନ ପାଇଁ ଖୋଲାଯିବ ପ୍ରଶିକ୍ଷଣ କେନ୍ଦ୍ର ।  ଏଥି ସହିତ କିନ୍ନରମାନଙ୍କୁ ସମାଜର ମୁଖ୍ୟ ଶ୍ରୋତରେ ସାମିଲ କରିବାକୁ ସରକାର ସେମାନଙ୍କୁ ମଧୁବାବୁ ପେନସନ୍ ଯୋଜନାରେ ସାମିଲ କରିବାକୁ ପ୍ରକ୍ରିୟା ଆରମ୍ଭ କରିଛନ୍ତି । ଏଥିପାଇଁ କିନ୍ନରଙ୍କୁ ଚିହ୍ନଟ ଆରମ୍ଭ ହୋଇଛି ।

 ବରିଷ୍ଠ ନାଗରିକ, କିନ୍ନର ଓ ମାନସିକ ଅନଗ୍ରସରଙ୍କୁ ସାମାଜିକ ସୁରକ୍ଷା ଯୋଗାଇବାକୁ ସରକାର ୯ଟି ଜିଲ୍ଲାରେ ସମନ୍ବିତ ପୁନର୍ବାସ ଥଇଥାନ କେନ୍ଦ୍ର ଖୋଲିବେ । ୨୫ ଏକର ଜମିରେ ହେବାକୁ ଥିବା ଏଭଳି କେନ୍ଦ୍ରରେ ୩ଟି କଂପ୍ଲେକ୍ସ ରହିବ । ଏଥିରେ ମାନସିକ ଅନଗ୍ରସର, ବରିଷ୍ଠ ନାଗରିକ ଓ କିନ୍ନରଙ୍କ ପାଇଁ ରହିବାର ଅଲଗା ଅଲଗା ବ୍ୟବସ୍ଥା ହେବ । ପୁରୀ ଓ ଭୁବନେଶ୍ବରରୁ ଆରମ୍ଭ ହେବାକୁ ଥିବା ଏହି ପାଇଲଟ ପ୍ରୋଜେକ୍ଟ କୁ ଭିଭିନ୍ନ ମହଲରେ ସ୍ବାଗତ କରାଯାଇଛି ।

ଭିକାରୀ ଓ କିନ୍ନରମାନଙ୍କ ଥଇଥାନ ଲାଗି ଏହି ପ୍ରକଳ୍ପ ସଫଳ ହେଲେ ସମାଜରେ ସେମାନେ ସମ୍ମାନର ସହ ବଞ୍ଚି ପାରିବେ ବୋଲି ଆଶା କରାଯାଉଛି।

   Related Posts