Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ଲକ୍ଷ୍ୟସ୍ଥଳରେ ପହଞ୍ଚିବା ପରେ ବି ଉଦ୍ଧବଙ୍କ ହାତମୁଠାରୁ ଖସିଗଲା ସ୍ୱପ୍ନ, ଜାଣନ୍ତୁ କାହିଁକି ?

23/11/2019 at 8:11 PM

ମୁମ୍ବାଇ ୨୩।୧୧: ଏନସିପି ଓ କଂଗ୍ରେସ  ସମର୍ଥନରେ ଶିବସେନା ମହାରାଷ୍ଟ୍ରରେ ସରକାର ଗଢିବା ଏକପ୍ରକାର ନିଶ୍ଚିତ ହୋଇସାରିଥିଲା। ଶୁକ୍ରବାର ବୈଠକ ମଝିରେ ଏନସିପି ମୁଖିଆ ଶରଦ ପାୱାର ବାହାରକୁ ଆସିଥିବା ବେଳେ ଉଦ୍ଧବ ସର୍ବସମ୍ମତ ମୁଖ୍ୟମନ୍ତ୍ରୀ ବୋଲି କହିଥିଲେ। ଏପିରିକି ୧୬-୧୪-୧୨ରେ ୩ ଦଳ ସରକାର ଗଢିବେ ବୋଲି ମଧ୍ୟ ବୈଠକରେ ଆଲୋଚନା ହୋଇଥିବା ଜଣାପଡିଥିଲା। ହେଲେ ସକାଳ ହେଉହେଉ ସବୁ ଓଲଟପାଲଟ ହୋଇଗଲା। ଉଦ୍ଧବ ମେଣ୍ଟ ସମର୍ଥନ ନେଇ ରାଜ୍ୟପାଳଙ୍କୁ ଭେଟି ଥାନ୍ତେ। ହେଲେ ତା ପୂର୍ବରୁ ହିଁ ବରିଷ୍ଠ ଏନସିପି ନେତା ଅଜିତ ପାୱାରଙ୍କ ସମର୍ଥନରେ ଦେବେନ୍ଦ୍ର ଫଡନବୀଶ ରାଜ୍ୟପାଳଙ୍କୁ କହି ରାଜ୍ୟରୁ ରାଷ୍ଟ୍ରପତି ଶାସନ ହଟାଇବା ସହ ମୁଖ୍ୟମନ୍ତ୍ରୀ ରୂପେ ଶପଥ ନେଇଯାଇଛନ୍ତି । ସେପଟେ ଉଦ୍ଧବଙ୍କ ହାତକୁ ରାଜ୍ୟର କ୍ଷମତା ଆସୁ ଆସୁ  ଅଟକି ଯାଇଛି।

ଏକଦା ରାଜ୍ୟରେ ଶିବସେନା କିଙ୍ଗ ମେକର ଥିଲା। ଶିବ ସେନା ସ୍ଥାପନା କରିବା ପରେ ବାଲ ଠାକରେ କେବେ କେମିତି ବିଶେଷ ଅବସରରେ ‘ମାତୋଶ୍ରୀ’ରୁ ବାହାରକୁ ବାହାରୁଥିଲେ। ପ୍ରଧାନମନ୍ତ୍ରୀ ହୁଅନ୍ତୁ କି କୌଣସି ରାଜନୈତିକ ଦଳର ମୁଖ୍ୟ ସମସ୍ତେ ବାଲ ଠାକରେଙ୍କୁ ମାତୋଶ୍ରୀରେ ହିଁ ଭେଟୁଥିଲେ। ବାଲ ଠାକରେଙ୍କ ପରିବାରର କେହି ସଦସ୍ୟ ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରୁନଥିଲେ। ତେବେ ରାଜ୍ୟରେ ଅନେକ ବାର ଶିବସେନାର ସରକାର ହୋଇଥିଲା। ହେଲେ ବାଲ ଠାକରେଙ୍କ ସହ ତାଙ୍କ ନୀତି ଓ ଆଦର୍ଶ ମଧ୍ୟ ଚାଲିଯାଇଛି।

କିଙ୍ଗମେକର ଫ୍ୟାମିଲେ ନିଜେ କିଙ୍ଗ ହେବା ମୋହରେପଡି ପ୍ରତ୍ୟକ୍ଷ ନିର୍ବାଚନ ଲଢିଛନ୍ତି। ଉଦ୍ଧବଙ୍କ ପୁଅ ଆଦିତ୍ୟ ଠାକରେ ନିର୍ବାଚନ ଲଢିଥିବା ବେଳେ ସରକାର ଗଢିବା ଲାଗି ଉଦ୍ଧବ ଏନସିପି ଓ କଂଗ୍ରେସ ସହ ଆଲୋଚନା ନିମନ୍ତେ ମାତୋଶ୍ରୀରୁ ବାହାରକୁ ବାହାରିଛନ୍ତି। ହେଲେ ଅସଲ ରାଜନୀତି ଜଣାନଥିବାରୁ ଉଦ୍ଧବଙ୍କ ହାତକୁ ଆସୁଥିବା ଶାସନ ଡୋରି ଖସିଯାଇଛି।

ଜାଣନ୍ତୁ କିପରି ଶାସନ ହାତେଇଲା ବିଜେପି
ସଂଖ୍ୟା ନଥିବାରୁ ବିଜେପି ସରକାର ଗଢିବ ନାହିଁ କହି ଓହରି ଯାଇଥିଲା। ହେଲେ ଜାଣିଥିଲା ଶିବସେନା ନିଶ୍ଚିତ ଗୋଟିଚଳାଇବ। ଏଥିରେ ଏନସିପି ଅଜିତ ପାୱାରଙ୍କୁ ବିଧାୟକ ଦଳ ନେତା ମନୋନୟନ କରିବା ପରଠାରୁ ବିଜେପି ଲଗାତାର ତାଙ୍କ ସହ ସମ୍ପର୍କରେ ଥିଲା। ଏନସିପି, ଶିବସେନା ଓ କଂଗ୍ରେସ ଯେତେବେଳେ ମୈଦାନରେ ରାଜନୀତି କରୁଥିଲେ ସେତେବେଳେ ବିଜେପି ତାର ଚାଲ ଚଳେଇବାରେ ଲାଗିଥିଲା। ଯେତେବେଳେ ଉଦ୍ଧବ ଓ ଶିବସେନା ଖୋଲାଖୋଲି ରାଜ୍ୟ ରାଜନୀତି ପରିଦୃଶ୍ୟକୁ ଆସିଗଲେ ଠିକ୍ ସେତିକି ବେଳେ ବିଜେପି ନିଜର ଗୋଟିଚାଳନା କଲା ଓ ସଫଳ ବି ହେଲା।

ଏନସିପି ବିଧାୟକ ଦଳ ନେତା ଭାବେ ଅଜିତଙ୍କ ଠାରୁ ସମର୍ଥନପତ୍ର  ହାତେଇବା ମାତ୍ରେ ବିଜେପି ନିଜର ସରକାର ଗଠନ ଦାବି ଉପସ୍ଥାପନା କରିବା ସହ ରାଜ୍ୟରୁ ରାଷ୍ଟ୍ରପତି ଶାସନ ହଟାଇବାକୁ ରାଜ୍ୟପାଳଙ୍କ ନିବେଦନ କଲା। ସରକାର ଲାଗି ବହୁମତ ଆଶା ଥିବାରୁ ରାଜ୍ୟପାଳ ରାଷ୍ଟ୍ରପତିଙ୍କୁ ସୁପାରିଶ କରି ରାଷ୍ଟ୍ରପତି ଶାସନ ହଟାଇବା ସହ ଦେବେନ୍ଦ୍ର ଫଡନବୀଶଙ୍କୁ ମୁଖ୍ୟମନ୍ତ୍ରୀ ଓ ଅଜିତ ପାୱାରଙ୍କୁ ଉପମୁଖ୍ୟମନ୍ତ୍ରୀ ଭାବେ ଶପଥ ପାଠ କରାଇଛନ୍ତି।  ସେପଟେ ଶନିବାର ସୁଦ୍ଧ ମଧ୍ୟ ଶିବସେନା, ଏନସିପି ଓ କଂଗ୍ରେସର ମେଣ୍ଟ ଚୂଡାନ୍ତ ହୋଇନଥିଲା। ସେମାନଙ୍କ ମତରେ ରାଜ୍ୟରେ ରାଷ୍ଟ୍ରପତି ଶାସନ ଜାରୀ ଥିବାରୁ ସରକାର ଗଢିବା ଲାଗି ଏବେବି ଢେର ସମୟ ରହିଛି।

   Related Posts