ପାଟଣା ୨୯।୧୦: ମହୁମାଛି ଆକ୍ରମଣରେ ୨ଜଣ ଗୁରୁତର । ସମସ୍ତ ଗୁରୁତରଙ୍କୁ ନିକଟସ୍ଥ ପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । କେନ୍ଦୁଝର ଜିଲ୍ଲା ପାଟଣା ଥାନା ପିପିଳିଆ ଓ ରସପଡ଼ା ଗାଁରେ ଘଟିଛି ଘଟଣା ।
ଖବର ଅନୁଯାୟୀ, କେନ୍ଦୁଝରର ୨ଟି ପୃଥକ ପୃଥକ ସ୍ଥାନରେ ମହୁମାଛି ଆକ୍ରମଣ ହୋଇଛି । ପାଟଣା ଥାନା ପିପିଳିଆ ଓ ରସପଡା ଗାଁରେ ମହୁମାଛି ଆକ୍ରମଣରେ ଦୁଇ ଜଣ ବୃଦ୍ଧ ଗୁରୁତର ହୋଇଛନ୍ତି । ସେମାନଙ୍କୁ ପାଟଣା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଦୁଇ ଗୁରୁତର ହେଲେ ପିପିଳିଆ ଗାଁର ଈଶ୍ୱର ଚନ୍ଦ୍ର ମହାନ୍ତ ଓ ରସପଡା ଗାଁର ଶାନ୍ତନୁ ମହାକୁଡ଼।
ଶାନ୍ତନୁ ବଳଦ ଚରାଉ ଥିବା ସମୟରେ ତାଙ୍କୁ ମହୁମାଛି ଆକ୍ରମଣ କରିଥିଲେ, ସେହିପରି ପିପିଳିଆ ଗ୍ରାମର ଈଶ୍ୱର ଚନ୍ଦ୍ର ମହାନ୍ତ ଘର ପଛ ପଟରେ ଥିବା କାଜୁ ଜଙ୍ଗଲରେ ବୁଲୁଥିବା ବେଳେ ମହୁମାଛି ଆକ୍ରମଣ କରିଥିଲେ । ଉଭୟଙ୍କୁ ଗ୍ରାମବାସୀ ଉଦ୍ଧାର କରି ପାଟଣା ମେଡିକାଲରେ ଭର୍ତ୍ତି କରିଛନ୍ତି। ଉଭୟଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି।
